সঁচা হ’ব নেকি বাবা ভাংগাৰ ভৱিষ্যদ্বাণী! ভাৰতত ইমানবোৰ ভূমিকম্প কিয়, কাৰণ কি
ভৱিষ্যতৰ কথা কোৱা বাবা ভাংগাই কোৱা বহু কথাই ইতিমধ্যে সত্য বুলি প্ৰমাণিত হৈছে। বাবা ভাংগাই দশক দশক পূৰ্বে বহু ঘটনাৰ ভৱিষ্যদ্বাণী কৰিছিল । ২০২৫ বৰ্ষৰ বাবেও তেওঁ কিছু ভয়ংকৰ ভৱিষ্যদ্বাণী কৰিছে আৰু ইয়াৰ আভাস বিগত কেইদিনমানৰ পৰা সমগ্ৰ বিশ্বতে দেখা গৈছে।
ভাৰততো কিছু ঘটনা সংঘটিত হৈছে। বহু বছৰৰ পূৰ্বে বাবা ভাংগাই কৈছিল যে ২০২৫ চনত সমগ্ৰ বিশ্বতে বিধ্বংসী বানপানী হ’ব আৰু বৃহৎ পৰিসৰত ধ্বংস হ’ব। সমগ্ৰ বিশ্বতে জীৱন আৰু সম্পত্তিৰ ক্ষতি হ’ব। কিছুদিনৰ পৰা সমগ্ৰ বিশ্বতে ভূমিকম্প হৈ আহিছে। আমেৰিকাৰ পৰা এছিয়ালৈকে বহুবাৰ কঁপিছে ধৰা।
উত্তৰ পূৱ ভাৰতৰ পৰা আৰম্ভ কৰি উত্তৰ ভাৰত লগতে ভাৰতৰ চুবুৰীয়া দেশ নেপালৰ ৰাজধানী কাঠমাণ্ডুতো সংঘটিত হৈছে ভূমিকম্প। এই ঘটনাবোৰে মানুহৰ মনত প্ৰশ্ন উত্থাপন কৰিছে যে বাবা ভাংগাৰ ভৱিষ্যদ্বাণী সঁচা হোৱাৰ সময় আহি পৰিছে নেকি?
বাবা ভাংগাই আগন্তুক কেইবাটাও দশকৰ বাবে ভৱিষ্যদ্বাণী কৰিছিল আৰু ছোভিয়েট ৰাছিয়াৰ পতন আৰু আমেৰিকাত সন্ত্ৰাসবাদী আক্ৰমণৰ বিষয়ে কৰা তেওঁৰ ভৱিষ্যদ্বাণী সঁচা হৈছে।
বাবা ভাংগাই ভৱিষ্যদ্বাণী কৰিছে যে ২০২৫ চনৰ পৰা পৃথিৱীৰ অন্ত আৰম্ভ হ’ব। ২০২৫ চনত ইউৰোপত এক বৃহৎ যুদ্ধ হ’ব যাৰ ফলত ইউৰোপৰ জনসংখ্যা হ্ৰাস পাব কাৰণ বহু লোকৰ মৃত্যু হ’ব। ইউৰোপত ইউক্ৰেইন আৰু ৰাছিয়াৰ মাজত সংঘাত অব্যাহত আছে আৰু বহু সংখ্যক লোকৰ মৃত্যু অব্যাহত আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
