১ এপ্ৰিলৰ পৰা সলনি হ’ব বেংকৰ নিয়ম, আপোনাৰ পকেটত পৰিব প্ৰভাৱ!

১ এপ্ৰিলৰ পৰা কেইবাটাও বেংকৰ লগত জড়িত নিয়ম সলনি হ’ব। ইয়াৰ ফলত সাধাৰণ গ্ৰাহকৰ পকেট আৰু দৈনন্দিন লেনদেনত প্ৰত্যক্ষ যথেষ্ঠ প্ৰভাৱ পৰিব। এইচ ডি এফ চি বেংক, পঞ্জাব নেশ্যনেল বেংক (পি এন বি), বন্ধন বেংকৰ দৰে ডাঙৰ বেংকে এ টি এম লেনদেন, ইউ পি আই নগদ ধন উলিওৱা, আৰু চাৰ্জৰ সন্দৰ্ভত নতুন নিয়ম ঘোষণা কৰিছে। এই পৰিৱৰ্তনৰ বাবে গ্ৰাহকে এটিএম ব্যৱহাৰ কৰাৰ সময়ত আৰু অধিক সাৱধান হ’ব লাগিব।

HDFC Bank বেংকে ইউ পি আইৰ জৰিয়তে এ টি এমৰ নগদ ধন উলিওৱা ধন বিনামূলীয়া লেনদেনৰ সীমাত অন্তৰ্ভুক্ত কৰাৰ সিদ্ধান্ত লৈ গ্ৰাহকৰ বাবে এক বৃহৎ পৰিৱৰ্তন আনিছে। এই নতুন নিয়ম ২০২৬ চনৰ ১ এপ্ৰিলৰ পৰা কাৰ্যকৰী হ’ব। অৰ্থাৎ ইউপিআই ব্যৱহাৰ কৰি এটিএমৰ পৰা যিকোনো গ্ৰাহকে ধন উলিয়ালে মাহেকীয়া বিনামূলীয়া লেনদেন হিচাপে গণ্য কৰা হ’ব। পূৰ্বে ইয়াক পৃথক বুলি গণ্য কৰা হৈছিল যদিও এতিয়া ইয়াক সাধাৰণ নগদ ধন উলিওৱাৰ দৰেই গণ্য কৰা হ’ব। যদি কোনো গ্ৰাহকে নিৰ্ধাৰিত বিনামূলীয়া সীমা অতিক্ৰম কৰে, তেন্তে তেওঁলোকৰ পৰা প্ৰতিটো অতিৰিক্ত লেনদেনৰ বাবে ২৩ টকা আৰু প্ৰযোজ্য কৰ লোৱা হ’ব।

PNB: কেইবাখনো ডেবিট কাৰ্ডত উলিওৱাৰ সীমা হ্ৰাস

Punjab National Bank এ কিছু ডেবিট কাৰ্ডত দৈনিক এটিএমৰ পৰা পইচা উলিওৱাৰ সীমা হ্ৰাস কৰিছে। এই পৰিৱৰ্তন ২০২৬ চনৰ ১ এপ্ৰিলৰ পৰাও কাৰ্যকৰী হ’ব। কিছুমান কাৰ্ডৰ বাবে দৈনিক ধন উলিওৱাৰ সীমা যেনে ৰুপে RuPay NCMC Platinum Domestic Debit card, RuPay NCMC Platinum International Debit card, RuPay Women Power Platinum Debit card, RuPay PNB Palaash Debit card- Recycled PVC Debit card, RuPay Business Platinum NCMC Debit card, MasterCard Platinum Debit card, Gold Debit card আৰু PNB MasterCard Platinum Rise ৰ দৈনিক সীমা ১,০০,০০০ টকাৰ পৰা ৫০,০০০ টকালৈ হ্ৰাস কৰা হৈছে।

একে সময়তে RuPay Select Debit card, PNB RuPay Select Neo, PNB RuPay Select Excel, VISA Signature Debit card আৰু MasterCard Business Debit card ৰ বাবে এই সীমা ১,৫০,০০০ টকাৰ পৰা ৭৫,০০০ টকালৈ হ্ৰাস কৰা হৈছে।

Bandhan Bank: বিনামূলীয়া এটিএম লেনদেনৰ সীমা সলনি

বন্ধন বেংকেও গ্ৰাহকৰ বাবে এটিএম লেনদেনৰ নিয়ম সলনি কৰিছে। নতুন নিয়ম অনুসৰি গ্ৰাহকে তেওঁলোকৰ বেংকৰ এটিএমত প্ৰতিমাহে পাঁচটা বিনামূলীয়া বিত্তীয় লেনদেন আৰু সীমাহীন অবিত্তীয় লেনদেন কৰিব পাৰিব।
কিন্তু মেট্ৰ’ চহৰত এই সীমা অন্য বেংকৰ এটিএম ব্যৱহাৰ কৰাৰ সময়ত প্ৰতিমাহে তিনিটা বিনামূলীয়া লেনদেনত সীমাবদ্ধ থাকিব, য’ত বিত্তীয় আৰু অবিত্তীয় দুয়োটা লেনদেন অন্তৰ্ভুক্ত হ’ব।

বিনামূলীয়া সীমা অতিক্ৰম কৰাৰ পিছত প্ৰতিটো বিত্তীয় লেনদেনৰ বাবে ২৩ টকা আৰু প্ৰতিটো অবিত্তীয় লেনদেনৰ বাবে ১০ টকা মাচুল আৰোপ কৰা হ’ব। তদুপৰি একাউণ্টত বেলেঞ্চ অপৰ্যাপ্ত হোৱাৰ বাবে কোনো লেনদেন বিফল হ’লে ২৫ টকা চাৰ্জ আৰোপ কৰা হ’ব।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ