অতি বিলাসী জীৱন ধাৰণৰ চখ থকা এগৰাকী মডেলে অৱশেষত আৰক্ষীৰ হাতত গ্ৰেপ্তাৰ হ’বলগীয়া হৈছে৷ যুৱতীগৰাকীয়ে এগৰাকী বা দুগৰাকী নহয় ১৮ গৰাকীকৈ প্ৰেমিকৰ সৈতে একেলগে হাই ভল্টেজ নাটক কৰি অৱশেষত ধৰা পৰিছে৷ কেৱল সিমানেই নহয়, প্ৰেমিকসকলৰ পৰা ২.৩ কোটি টকা আত্মসাৎ কৰি ৰঙাঘৰৰ আহলী হৈছে৷
ঘটনা প্ৰতিবেশী দেশ চীনৰ৷ চীনৰ স্থানীয় সংবাদ মাধ্যমে প্ৰকাশ কৰা অনুসৰি উয়ু নামৰ পেছাদাৰী মহিলাগৰাকীয়ে এই প্ৰৱঞ্চনাৰ জাল পেলাই আহিছিল৷ অভিযোগ অনুসৰি পেছাদাৰী মডেল উয়ুহে ২০১৭ চনৰ পৰা বিভিন্ন পুৰুষ তথা যুৱকৰ সৈতে প্ৰেমৰ সম্পৰ্ক গঢ়িবলৈ আৰম্ভ কৰে৷
প্ৰেমৰ সম্পৰ্ক গঢ়ি উঠাৰ পিছতে যৌন সম্পৰ্ক স্থাপন কৰি তাৰ ফ’টো আদিও ৰাখে৷ ইয়াৰ মাজতে বিভিন্নজনক বিবাহৰ প্ৰতিশ্ৰতিও প্ৰদান কৰি আহিছিল৷ অৱশ্যে সেই ফ’টোৰে উয়ুহে কোনো ব্লেকমেইলিং নকৰিলেও প্ৰেমিকসকলৰ পৰা বিভিন্ন অজুহাতত ধন সংগ্ৰহ কৰিবলৈ আৰম্ভ কৰি আহিছিল৷
লগতে পঢ়ক ‘হেল্ল’ মই ৰতন টাটাই কৈছো, আমি লগ কৰিব পাৰোনে?’ এটা ফোনে কাৰ ভাগ্যৰ চকৰী সলনি কৰিলে?
আৰক্ষীয়ে প্ৰকাশ কৰা মতে মডেল উয়ুহে পিতৃৰ কৰ্কট ৰোগৰ চিকিৎসা, ভাতৃৰ ঘৰ ক্ৰয়, আত্মীয় জামিন আদি বিভিন্ন কাৰণত প্ৰেমিকসকলৰ পৰা ধন সংগ্ৰহ কৰি আহিছিল৷ ইয়াৰে একাংশই উয়ুৱে লোৱা ঋণ নিষ্পত্তি কৰি দিছিল৷
শেহতীয়াকৈ উয়ুহে এজন লোকক প্ৰেমিক হিচাপে এইদৰে ব্যৱহাৰ কৰিবলৈ গৈ বিপদ পৰে৷ লোকজনৰ সৈতে প্ৰেমৰ সম্পৰ্ক গঢ়ি উয়ুহে বহু পৰিমাণৰ ধন সংগ্ৰহ কৰে৷ লোকজনে উয়ুৰ পৰা ধন উভতাই বিচাৰিবলৈ ধৰে৷ উক্ত ধনখিনি উভতাই দিবলৈ উয়ুহে অন্য এজন প্ৰেমিকক আব্দাৰ কৰে আৰু তেওঁ ধনখিনি আদায় দিবলৈ সন্মত হয়৷
সেই ধনখিনি দিবলৈ যাওঁতে উৰহীৰ গছৰ ওৰ ওলাল৷ তেতিয়াহে দুয়োজন লোকে অনুভৱ কৰিলে যে উয়ুহে তেওঁলোকক দুয়োকে প্ৰতাৰণা কৰি আহিছে৷
লগতে পঢ়ক ভাৰতে চীনক দিব মোক্ষম আঘাত! ১২ হাজাৰ টকাৰ তলৰ মোবাইল হ’ব নিষিদ্ধ!
ইয়াৰ পিছতে তেওঁলোক আৰক্ষীৰ দ্বাৰস্থ হয় আৰু আৰক্ষীয়ে মডেল উয়ুক গ্ৰেপ্তাৰ কৰাৰ পিছতে সমগ্ৰ ঘটনাক্ৰম পোহৰলৈ আহে৷ উয়ুহে কেৱল ১৮ গৰাকী প্ৰেমিকক প্ৰতাৰণা কৰি ২.৩ কোটি টকা আত্মসাৎ কৰাই নহয় ২০১৪ চনত ৱুৱে জেং নামৰ এজন লোকৰ সৈতে আইনগতভাৱে বিবাহপাশত আৱদ্ধ হৈছিল৷ জেং আৰু উয়ুৰ দুয়োৰে সন্তানো আছে৷
এইদৰেই একেলগে ১৮ প্ৰেমিকেৰে প্ৰতাৰণাৰ হাই ভল্টেজ নাটক কৰি ২.৩ কোটি টকা আত্মসাৎ কৰাৰ পিছতে আৰক্ষীৰ হাতত গ্ৰেপ্তাৰ হৈ ৰঙাঘৰৰ আলহী হ’ল ২৯ বছৰীয়া পেছাদাৰী মডেল উয়ু৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ