এগৰাকী মহিলাই সংবাদ মাধ্যমত এক বিশেষ কাৰণত চৰ্চা লাভ কৰিছে। মহিলাগৰাকীয়ে ১১ নম্বৰৰ বিয়া ভগাৰ পিছত ১২ সংখ্যক বিবাহৰ সাজু হৈ সংবাদ মাধ্যমৰ শিৰোণাম দখল কৰিছে৷ জানিব পৰা মতে ভাল স্বামীৰ সন্ধানত তেওঁ এইবাৰ ১২ নম্বৰ বিবাহপাশত আৱদ্ধ হ’ব৷
কোন হ’ব তেওঁৰ দ্বাদশ স্বামী আৰু কিমান দিনলৈ চলিব সেই সংসাৰ? তাকে লৈ এতিয়া জল্পনা-কল্পনাৰ আৰম্ভ হৈছে৷ তেওঁ এতিয়া পূৰ্বতকৈ ভাল জীৱন সংগী বিচাৰি পাব বুলিও আশা কৰিছে।
এই মহিলাগৰাকী গৈছে ৫২ বছৰীয়া মনেট ডায়েছ৷ তেওঁ আমেৰিকাৰ ইউটাৰ নিৱাসী। ইণ্টেৰিয়ৰ ডিজাইনাৰ ডায়েছে টিএলচিৰ এটা অনুষ্ঠানত (এডিক্টেড টু মেৰেজ) অভিনয় কৰিছিল। তাত অভিনয় কৰাৰ পিছতে তেওঁ সমগ্ৰ বিশ্বৰ সংবাদ মাধ্যমৰ শিৰোনাম দখল কৰে।
লগতে পঢ়ক শ্বেয়াৰ বজাৰত ধন উপাৰ্জনৰ বাম্পাৰ সুযোগ! কি কি শ্বেয়াৰত দেখিব লাভৰ মুখ?
তেওঁৰ ১১ নম্বৰ স্বামীৰ সৈতে এতিয়া কাজিয়াৰ সূত্ৰপাত হৈছে আৰু সেয়ে দুয়োৰে সম্পৰ্কত যতি পৰিছে৷ ‘‘মোৰ বাবে ব্ৰেকআপটো কঠিন আছিল। কিন্তু, অত্যন্ত দুখেৰে জনাওঁ যে কাজিয়াৰ পিছত মই পৃথক হোৱাৰ সিদ্ধান্ত ল’লো।’’ ডায়েছে এইদৰে কয়৷
‘‘আন এক ব্যৰ্থতাৰ বাবেই মই আৰু দুখ সহ্য কৰিবলগীয়া হৈছে। বিশেষকৈ যেতিয়া মই সম্পৰ্ক এটাৰ বাবে অত্যধিক কষ্ট কৰো আৰু তাৰ পিছত ই ভাঙি যায়, যিজনক আপুনি আটাইতকৈ বেছি ভাল পায় আৰু যাৰ বাবে আপুনি আটাইতকৈ বেছি ত্যাগ কৰে, তেওঁৰ পৰাই যেতিয়া আটাইতকৈ বেছি দুখ-কষ্ট সহ্য কৰিবলগীয়া হয় তেতিয়া আটাইতকৈ বেছি আঘাত পোৱা যায়।’’ ডায়েছে আৰু কয়৷
ইফালে ডায়েছে ১১ নম্বৰ বিয়া ভঙাৰ পিছতে ১২ নম্বৰ বিবাহত ভাল স্বামী লাভ কৰিব বুলি আশাবাদী৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
