বিশ্বৰ আটাইতকৈ ব্যয়বহুল টিভি শ্ব’, এটা খণ্ডৰ খৰচ ৮৫৬ কোটি টকা
সাধাৰণতে টিভি শ্বো তথা অনুষ্ঠান তথা ধাৰাবাহিক বোৰৰ খৰচ কিমান হব পাৰে বুলি আপুনি অনুমান কৰিব পাৰে। পাছে সদ্যহতে নিৰ্মাণ হৈ আছে এখন অতিকে ব্যয়বহুল চিৰিজ। যাৰ এটা এপিচোডৰ নামতেই খৰচ হব ৮৫৬ কোটিৰো অধিক।
হেৰী পটাৰৰ নতুন টিভি ধাৰাবাহিকখনক বৰ্তমানলৈ নিৰ্মাণ হোৱা সকলো চিৰিজতকৈ সৰ্বাধিক ব্যয়বহুল ধাৰাবাহিক বুলি অভিহিত কৰা হৈছে। এক্সপ্ৰেছৰ এক প্ৰতিবেদন অনুসৰি প্ৰতিটো খণ্ড নিৰ্মাণৰ বাবে ১০ কোটি ডলাৰ অৰ্থাৎ ৮৫৬ কোটিতকৈ অধিক খৰচ হ’ব।
এই ধাৰাবাহিকখনৰ ৭টা ছিজন আৰু প্ৰতিটো ছিজনত ৬টা খণ্ড থাকিব। ইয়াৰ মুঠ বাজেট ৪.২ বিলিয়ন ডলাৰ অৰ্থাৎ প্ৰায় ৩৫,৯৪০ কোটি টকা বুলি কোৱা হৈছে।
এতিয়ালৈকে আটাইতকৈ দামী ধাৰাবাহিকখন হৈছে The Lord of the Rings: The Rings of Power, যাৰ প্ৰতিটো খণ্ড ৬২ মিলিয়ন ডলাৰ অৰ্থাৎ প্ৰায় ৫৩০ কোটি টকাত নিৰ্মাণ কৰা হৈছিল আৰু সমগ্ৰ ধাৰাবাহিকখনৰ খৰচ আছিল প্ৰায় ১ বিলিয়ন ডলাৰ অৰ্থাৎ প্ৰায় ৮৫৫৬ কোটি। হেৰী পটাৰৰ নতুন ছিৰিজে এই অভিলেখ ভংগ কৰি নতুন ৰেকৰ্ড গঢ়িব।
এই নতুন হেৰী পটাৰ ছিৰিজৰ খৰচৰ এটা ডাঙৰ অংশ ব্যয় কৰা হৈছে এখন চহৰ নিৰ্মাণত য’ত ইয়াৰ শ্বুটিং হ’ব। এই ঠাইখনক সংবাদ মাধ্যমত পটাৰভিল বুলি কোৱা হৈছে। দ্য ছানৰ প্ৰতিবেদন অনুসৰি ৱাৰ্নাৰ ব্ৰাদাৰ্ছ ষ্টুডিঅ’ই এই চেটটো নিৰ্মাণৰ বাবে ১.৩ বিলিয়ন ডলাৰ অৰ্থাৎ প্ৰায় ১১,১২৩ কোটি টকা ব্যয় কৰিছে। এই চহৰখনত হগৱাৰ্টছ, কিংছ ক্ৰছ ষ্টেচন, প্ৰাইভেট ড্ৰাইভৰ দৰে সকলো বিখ্যাত স্থান পুনৰ সৃষ্টি কৰা হৈছে।
জে কে ৰাউলিঙৰ কিতাপৰ আধাৰত নিৰ্মিত এই ধাৰাবাহিকখন ইয়াৰ পূৰ্বে নিৰ্মিত আঠখন ছবিতকৈ কাহিনীটোৰ ওপৰত অধিক গভীৰ দৃষ্টিভংগী বুলি কোৱা হয়। ইয়াত জন লিথগ’ৱে হগৱাৰ্টছৰ প্ৰধান শিক্ষক এলবাছ ডাম্বলড’ৰৰ চৰিত্ৰত অভিনয় কৰিব।
ইয়াৰ উপৰিও অভিনয় কৰিছে জেনেট মেকটিৰে মিনাৰ্ভা মেকগ’নাগালৰ চৰিত্ৰত, পাপা এছিডু চেভাৰছ স্নেপৰ চৰিত্ৰত, নিক ফ্ৰষ্টে ৰুবিয়াছ হেগ্ৰিডৰ চৰিত্ৰত, লুক থিয়লনে কুইৰিনাছ কুইৰেলৰ চৰিত্ৰত আৰু পল হোৱাইটহাউছে আৰ্গাছ ফিলচৰ চৰিত্ৰত। চিৰিজ খন ২০২৬ নাইবা ২০২৭ চনত মুক্তি পোৱাৰ সম্ভাৱনা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
