কিছুদিন পূৰ্বে তেওঁৰ চিনেমাখন নাচালে অসমীয়া মানুহক ঘৰে ঘৰে গৈ পিটিম বুলি ফটোৱা জাৰি কৰিছিল ৰাজ্যৰ জনপ্ৰিয় গায়ক জুবিন গাৰ্গে৷ ইয়াৰ পিছতো পুনৰ এবাৰ অসমীয়াক ফটোৱা জাৰি কৰিছে জুবিন গাৰ্গে৷
বুধবাৰে নিশা বিহু সন্মিলনত গীত পৰিৱেশন কৰি জুবিন গাৰ্গে কয় যে ‘‘ছাউথৰ চিনেমা নাচাব, সেইবোৰ চোৱাতকৈ অসমীয়া চিনেমা চাব৷’’
তেওঁ লগতে কয় যে ছাউথক ধনী কৰি লাভ নাই৷ আমাৰ মানুহক ধনী কৰিব লাগিব৷ আমি সকলোৱে অসমীয়া ছবিক আগুৱাই নিব লাগিব৷ সিহঁতৰ চিনেমা এনেই৷
লগতে পঢ়ক অসম আৰক্ষীয়ে কিয় গ্ৰেপ্তাৰ কৰিলে গুজৰাটৰ কংগ্ৰেছ বিধায়ক জিগনেশ মেৱানীক?
অসমীয়াক গেৰাণ্টী দি জুবিনে লগতে কয়, ‘‘মোক আপোনালোকে চিনেমা চাম বুলি গেৰাণ্টী দিয়ক, মই গেৰাণ্টী দি কৈছো ভাল চিনেমা উপহাৰ দিম৷’’
ইফালে ছাউথৰ চিনেমাবোৰ ফটুৱা বুলি উল্লেখ কৰি জুবিনে আৰু কয় ‘‘সিহঁতে মানুহ দলি মাৰি দিয়ে৷ আৰু আমি বুৰ্বকৰ নিচিনাকৈ চাই থাকো৷ আমি গৰু নহয়, আমি বাঘ৷’’
লগতে পঢ়ক ভাৰতীয় সেনাৰ ব্ৰাম’ছ সফল পৰীক্ষণ : লক্ষ্যবস্তুত আঘাতেৰে কৰিলে ছিদ্ৰ
উল্লেখ্য কিছুদিন পূৰ্বে জুবিন গাৰ্গে তেওঁৰ আহিবলগীয়া এখন চিনেমাখন নাচালে অসমীয়াক ঘৰে ঘৰে গৈ পিটিম বুলি ফটোৱা জাৰি কৰিছিল৷ তাকে লৈ সামাজিক মাধ্যমত একাংশই জুবিন গাৰ্গক ট্ৰল কৰাও দেখা গৈছিল৷
নিজৰ স্বভাৱসিদ্ধ কথনশৈলীৰে দশকক তেওঁৰ চিনেমাখনৰ প্ৰতি আকৃষ্ট কৰিবলৈ জুবিন গাৰ্গে তেওঁ গীত পৰিৱেশন কৰা প্ৰতিখন বিহু মঞ্চকে অতি কৌশলেৰে এইদৰে ব্যৱহাৰ কৰা দেখা গৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
