মাতৃ হ’ব কৰিনা, চিন্তা আমিৰ খানৰ কিন্তু কিয়?

অসম লাইভ ২৪ঃ বলীউড অভিনেত্ৰী কৰিনা কাপুৰ খান দ্বিতীয়বাৰৰ বাবে মাতৃ হ’ব। সেই খবৰ কিছুদিন পূর্বে কৰিনা আৰু ছেঈফ আলী খানে ঘোষণা কৰিছে। ইয়াৰ পাছতে নৱাব খাণ্ডানত আনন্দৰ জোৱাৰ। কিন্তু এই খবৰে চিন্তিত কৰি তুলিছে আমিৰ খানক। আমিৰৰ আগন্তুক ছবি লাল সিং চাদ্দাৰ নায়িকা কৰিনা। সেইবাবে কৰিনাৰ মাতৃত্ব আমিৰ খানৰ চিন্তাৰ কাৰক হৈ পৰিছে। প্ৰথমবাৰ গর্ভৱতী হওতে কৰিনাই ছবিৰ কামত ব্যস্ত আছিল। আনকি মণীষ মালহোত্ৰাই ডিজাইন কৰা হেভী লেহেংগা পৰিধান কৰি লেকমিৰ ফেশ্বন মঞ্চ সুশোভিত কৰিছিল। জনা গৈছে এইবাৰো সেই নিয়ময়েই বাছি লৈছে কৰিনাই। কৰিনাই তেওঁৰ ছবিৰ কাম বন্ধ নকৰে। ফটো শ্বুটৰ লগে লগে ছবিৰ কামত ব্যস্ত আছে বলীউডৰ এই নৱাব পত্নী। আমিৰ খানৰ লাল সিং চাদ্দাত মূল এক চৰিত্ৰত নায়িকা হিচাপে দেখা যাব কৰিনাক। এতিয়াও তেওঁৰ ১০০ দিনৰ শ্বুটিং বাকী আছে। তেওঁৰ ছবিৰ শ্বুটিং শেষ হোৱাৰ লগে লগে কৰিনাৰ মাতৃত্বৰ চিনো স্পষ্ট হৈ উঠিব। আৰু এইটোৱেই দুশ্চিন্তাৰ কাৰণ হৈছে আমিৰৰ বাবে। অৱশ্যে এই সমস্যাৰ সমাধানৰ পথো উলিয়াইছে আমিৰ খানৰ দলে। ছবিৰ প্ৰযুক্তিৰ দল কৰিনাৰ গর্ভাৱস্থা লুকুৱাবৰ বাবে VFXৰ ব্যৱহাৰ কৰিব। উল্লেখযোগ্য যে আমিৰ খান আৰু কৰিনা কাপুৰ খানে বহুদিনৰ পূর্বেই লাল সিং চাদ্দাৰ শ্বুটিং আৰম্ভ কৰিছিল। কিন্তু ক’ৰোনাৰ কাৰণে শ্বুটিং আধাতেই বন্ধ ৰাখিব লগা হয়। কৰিনাৰ ১০০ দিনৰ শ্বুটিং এতিয়াও বাকী আছে। ছেপ্টেম্বৰ অথবা অক্টোবৰৰ পৰা ছবিৰ বাকী অংশৰ শ্বুটিং আৰম্ভ কৰিব। ইয়াৰ পূর্বে কৰিনাক আমিৰৰ সৈতে ‘তালাছ’ আৰু ‘থ্ৰী ইডিয়ট’ ছবিত দেখা গৈছিল।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ