১০ বছৰীয়া এগৰাকী কন্যা শিশুৱে এক বিৰল কৃতিত্ব স্থাপন কৰিছে৷ মুম্বাইৰ ১০ বছৰীয়া এটি কন্যা শিশুৱে -১০ ডিগ্ৰী চেলছিয়াছ শীত, ঠেক ভূখণ্ড, শিলাবৃষ্টি, বৰফ আদিৰ প্ৰত্যাহ্বানক নেওচি এভাৰেষ্টৰ ৫,৩৬৪ মিটাৰ উচ্চতাৰ বেছ কেম্পত উপস্থিত হৈছে৷
যোৱা ২৫ এপ্ৰিলত এভাৰেষ্ট আৰোহণৰ বাবে যাত্ৰা কৰা এই শিশু কন্যাগৰাকী হৈছে মুম্বাই বান্দ্ৰাৰ উপনগৰৰ এম ই টি ঋষিকুল বিদ্যালয়ৰ প্ৰাথমিক বিদ্যালয়ৰ ছাত্ৰী ৰিদম৷
২৫ এপ্ৰিলত যাত্ৰা আৰম্ভ কৰা ৰিদমে যোৱা ৬ মে’ত সাগৰৰ পৃষ্ঠৰ পৰা ৫,৩৬৪ মিটাৰ উচ্চতাৰ এভাৰেষ্ট শৃংগৰ নেপালৰ দক্ষিণত অৱস্থিত বেছ কেম্পত উপস্থিত হয়৷
লগতে পঢ়ক ‘সকলো মাদ্ৰাছা বন্ধ হ’ব! ঘৰতে শিকাওক কোৰান’ ডঃ হিমন্ত বিশ্ব শৰ্মাৰ বিতৰ্কিত মন্তব্য
এএনআই-এ প্ৰকাশ কৰা অনুসৰি ১১ দিনীয়া সংৰ্ঘষপূৰণ যাত্ৰাৰ অন্তত অন্যান্য পৰ্বাৰোহীসকলৰ সৈতে ১০ বছৰীয়া কন্যা শিশুটিয়েও নিশা প্ৰায় ১ বজাত উক্ত শিবিৰত উপস্থিত হয়৷
ৰিদমৰ এই সাফল্যত অত্যন্ত উৎফুল্লিত মাতৃ উৰ্মীয়ে কয় যে পাহাৰ তথা পৰ্বতাৰোহণৰ প্ৰতি মাত্ৰ ৫ বছৰৰ বয়সৰ পৰাই ৰিদম আকৃষ্ট হয়৷ আৰু তেতিয়াৰ পৰাই ৰিদমে পৰ্বতাহোৰণৰ প্ৰশিক্ষণ গ্ৰহণ কৰি আহিছে৷
ইমানেই নহয়, এই শিশু পৰ্বতাৰোহীগৰাকীয়ে সহ্যাদ্ৰী পৰ্বতমালাৰ কৰ্ণালা, লোহাগদ, মহুলী দুৰ্গ কেবাটাও শৃংগৰ শিখৰত উপস্থিত হৈছিল৷
লগতে পঢ়ক iPhone নহয় বিল গেটছে ব্যৱহাৰ কৰে এইটো ফোন
ইফালে, ৰিদমে সাহস কৰি ৮-৯ ঘণ্টা খোজ কাঢ়ি বেছ কেম্পত উপস্থিত হোৱাৰ পিছতে গোটেই গোটটোৰ সদস্যসকলে হেলিকপ্টাৰেৰে উভতি আহিবলৈ লোৱা সিদ্ধান্তৰ বিপৰীতে পুনৰ ট্ৰেকিং কৰি উভতিবলৈ বিচাৰে৷
“বেছ কেম্পত উপস্থিত হোৱাৰ পিছত গোটটোৰ আন সদস্যসকলে হেলিকপ্টাৰেৰে উভতি অহাৰ সিদ্ধান্ত লয়, কিন্তু ৰিদমে খোজ কাঢ়ি তললৈ নামি যাব বুলি জোৰ দিলে। আৰু সেইবাবেই আমি চাৰিজনে ইয়াক নামি অহাৰ সিদ্ধান্ত লৈছিলো৷’’ ৰিদমৰ মাতৃ উৰ্মিয়ে সংবাদ মাধ্যমৰ আগত এইদৰে কয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
