iPhone নহয়, বিল গেটছে ব্যৱহাৰ কৰে এইটো ফোন
আধুনিক যুগত মোবাইল ফোন যেন মানুহৰ এক অবিচ্ছেদ্য অংগ হৈ পৰিছে৷ বিশ্বৰ কোটি কোটি লোকে ব্যৱহাৰ কৰে মোবাইল ফোন৷
ভিন্ন কোম্পানীয়ে বজাৰত মেলি দিছে ভিন্ন ম’ডেলৰ মোবাইল৷ কিন্তু দেশৰ বিখ্যাত লোকসকলে কি কোম্পানীৰ কি ম’ডেলৰ ফোন ব্যৱহাৰ কৰে, সেই কথা জানিবলৈ সকলোৱে আগ্ৰহী হৈ থাকে৷
প্ৰধানমন্ত্ৰী মোদীৰ পৰা এলেন মাস্কলৈকে, আমেৰিকাৰ ৰাষ্ট্ৰপতি জ’-বাইডেনৰ পৰা ৰ’নাল্ডোলৈকে— কোনে কোনটো ফোন ব্যৱহাৰ কৰে, সেই কথা জানিবলৈ সকলো ইচ্ছুক৷
আজি জনাব বিচাৰিছো মাইক্ৰ’ছফ্টৰ সহ-প্ৰতিষ্ঠাপক বিল গেটছে (Bill Gates) কোনটো ফোন ব্যৱহাৰ কৰে? আপুনি জানি আচৰিত হ’ব যে বিল গেটছে Microsoftৰ ফোন বা iPhone ব্যৱহাৰ নকৰে৷
দৰাচলতে বিল গেটছে ব্যৱহাৰ কৰা স্মাৰ্টফোনটো হৈছে SAMSUNG GALAXY Z FOLD 3৷
9to5Googleৰ এক প্ৰতিবেদন অনুসৰি Redditত Ask Me Anything চেছনৰ সময়ত গেটছে প্ৰকাশ কৰিছিল যে তেওঁ SAMSUNG GALAXY Z FOLD 3 ব্যৱহাৰ কৰে।
বিল গেটছে কয় যে এই স্ক্ৰীণৰ বাবেই এইটো এটা ভাল ফোন আৰু পৰ্টেবল পিচি ব্যৱহাৰ কৰিব পাৰি।
SAMSUNG GALAXY Z FOLD 3 মোবাইলটো ভাৰতত ১,৪৯,৯৯৯ টকাত মুকলি কৰা হৈছিল৷ ইয়াত 256GB মেমৰি আছে আৰু 12GB ৰেম আছে।
ইয়াৰ দ্বিতীয় সংস্কৰণত আছে ৫১২জিবি ইণ্টাৰনেল মেম’ৰী, যাৰ মূল্য মূল্য ১,৫৭,৯৯৯ টকা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
