চীনক মোক্ষম আঘাত ভাৰতৰ! ভিভ’ মোবাইলৰ বাবে চীনে পালে বিশেষ নিৰ্দেশনা
ভাৰতৰ ফালৰ পৰা চীনে লাভ কৰিছে মোক্ষম আঘাত। চীনৰ বহুজাতিক কোম্পানী ভিভ’ই এতিয়া ভাৰতৰ অনুমতি লৈহে ভাৰতৰ ভিতৰতে স্মাৰ্টফোন নিৰ্মাণ কৰিব পাৰিব। তাকো অকলে নিৰ্মাণ কৰিব নোৱাৰে।
ভাৰত চৰকাৰৰ নীতিগত হেঁচাত চীনৰ কোম্পানী ভিভ’ই এতিয়া ভাৰতীয় কোম্পানী ডিক্সন টেকন’লজিছৰ সৈতেহে যৌথ উদ্যোগ গঠন কৰি এই মোবাইল নিৰ্মাণ কৰিবলৈ বাধ্য হৈছে। তাকো এই যৌথ উদ্যোগৰ ৫১ শতাংশ শ্বেয়াৰ ডিক্সন টেকন’লজিৰ হাতত থাকিব। ৪৯ শতাংশ শ্বেয়াৰহে ভিভ’ কোম্পানীত থাকিব।
অৰ্থাৎ চীনৰ মোবাইল জায়ান্ট কোম্পানীটোৱে ভাৰতীয় কোম্পানীটোৰ কনিষ্ঠ অংশীদাৰ হিচাপে ভাৰতত স্মাৰ্টফোন উৎপাদন কৰিব। এই খবৰৰ পিছতে এতিয়া ডিক্সন টেকন’লজিছৰ শ্বেয়াৰ পাঁচ শতাংশ ওপৰলৈ উঠিছে।
সোমবাৰে পুৱা বজাৰ মুকলি হোৱাৰ পিছতে ডিক্সন টেকন’লজিছৰ শ্বেয়াৰে অভিলেখ সৃষ্টি কৰি সৰ্বকালৰ উচ্চতম স্তৰত উপনীত হৈছে। বিগত পাঁচ বছৰত ডিক্সনৰ শ্বেয়াৰে ২৪১৬ শতাংশ ৰিটাৰ্ণ দিছে। ১৫ ডিচেম্বৰতেই ডিক্সনে ভিভ’ৰ সৈতে যৌথ উদ্যোগ গঠনৰ কথা ঘোষণা কৰিছিল। ইয়াৰ পিছত বজাৰ খোলাৰ লগে লগে ডিক্সনৰ শ্বেয়াৰ বৃদ্ধি পাবলৈ ধৰে।
এতিয়া ভিভ’ৰ সৈতে অংশীদাৰিত্বই ডিক্সন টেকন’লজিছক স্মাৰ্টফোনৰ বজাৰত অধিক শক্তিশালী স্থান লাভ কৰাত সহায় কৰিব। এই প্ৰস্তাৱিত উদ্যোগটোক লৈ সুখ প্ৰকাশ কৰিছে ভিভ’ ইণ্ডিয়াৰ চিইঅ’ জেৰ’ম চেনে। তেওঁ কয় যে ডিক্সনৰ সৈতে টাৰ্ম শ্বীটত স্বাক্ষৰ কৰা হৈছে। আমি শক্তিৰে ভাৰতীয় এণ্ড্ৰইড বজাৰত প্ৰৱেশ কৰিম।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
