অসম লাইভ ২৪ঃ পাঠানকোঠ সেনা শিবিৰত বিস্ফোৰণত জড়িত আন চাৰি অভিযুক্তক গ্ৰেপ্তাৰ উত্তৰাখণ্ড আৰক্ষী আৰু স্পেচিয়েল টাস্ক ফ’ৰ্ছে গ্ৰেপ্তাৰ কৰিছে৷
শনিবাৰে উত্তৰাখণ্ডৰ উধম সিং নগৰৰ পৰা যৌথ অভিযান চলাই চাৰি অভিযুক্তক গ্ৰেপ্তাৰ কৰিছে৷
গ্ৰেপ্তাৰ কৰা চাৰি অভিযুক্ত হৈছে ক্ৰমে ছমছেৰ সিং ওৰফে শেৰা(২৬), হৰপ্ৰীট সিং ওৰফে হেপ্পী(২৪), গুৰপাল সিং ওৰফে ধীলন(২৪) আৰু আজমেৰ সিং ওৰফে লাড্ডী৷
শনিবাৰে গ্ৰেপ্তাৰ হোৱা এই চাৰি অভিযুক্তই মূল অভিযুক্ত সুখপ্ৰীট সিঙক সহযোগ কৰিছিল বুলি প্ৰকাশ কৰিছে উত্তৰাখণ্ড আৰক্ষীয়ে৷
আটাইকেইজন অভিযুক্তকই খালিস্তান টাইগাৰ ফ’ৰ্ছ আৰু ইন্টাৰনেশ্যনেল শিখ য়ুথ ফেডাৰেশ্যনৰ সৈতে জড়িত বুলি প্ৰকাশ পাইছে৷
অভিযুক্তসকলৰ পৰা ফ’ৰ্ড ফিগো এখন বাহন আৰু এটা .32 ব’ৰ পিষ্টল উদ্ধাৰ কৰিছে যৌথ অভিযানকাৰীয়ে দলে৷
ইতিমধ্যে আৰক্ষীয়ে অভিযুক্তসকলৰ বিৰুদ্ধে আৰ্মছ এক্ট 1959ৰ ধাৰা 25(1A) আৰু UAPA, 1967ৰ 19 ধাৰাৰ অধীনত গোচৰ ৰুজু কৰি তদন্ত প্ৰক্ৰিয়া অব্যাহত ৰাখিছে৷
উল্লেখ্য যে ২১ নৱেম্বৰ ২০২১ত পাঠানকোঠৰ সেনা শিবিৰত এক বোমা বিস্ফোৰণ সংঘটিত হৈছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
