অসম লাইভ২৪ঃ শীতকালত সকলোৰে প্ৰধান এটা সমস্যা হৈছে চুলিত হোৱা উফি। উফিৰ বাবে চুলি লেতেৰা হোৱাই নহয় খজুৱতিও হয়। বহুতেই এই সমস্যাৰ সমাধান বিচাৰি বিভিন্ন উপায় অৱলম্বন কৰে। ঘৰুৱা কেইটামান পদ্ধতি অৱলম্বন কৰিয়েই উফিৰ সমস্যা আঁতৰাব পাৰি।
নিমৰ পাত ব্যৱহাৰ কৰক
এণ্টিবেক্টেৰিয়েল আৰু এণ্টিফাংগাল গুণাগুণ সমৃদ্ধ নিমপাতে মুৰৰ পৰা উফি আঁতৰ কৰাত সহায় কৰে। মূৰত হোৱা খজুৱতি আঁতৰাবলৈও নিম পাত ব্যৱহাৰ কৰিব পাৰি। ইয়াৰ বাবে পোনতে নিমপাত পানীত উতলাই ল’ব লাগে। নিমপানী সিজোৱা পানীৰে মূৰ ধোৱ লাগে। এনেদৰে মূৰ ধুলে উফিৰ সমস্যা আঁতৰ হয়। পানীত মিহলি নকৰাকৈ নিমৰ ৰস ব্যৱহাৰ কৰিলে ই ছালত জ্বলা-পোৰাৰ সৃষ্টি কৰিব পাৰে।
নহৰুৰ ব্যৱহাৰ কৰিব পাৰে
কেৱল খাদ্যতে নহয় চুলিতো নহৰু ব্যৱহাৰ কৰিব পাৰে। ইয়াৰ এণ্টিফাংগাল গুণাগুণবোৰে উফি আঁতৰ কৰাত সহায় কৰে। ২ টা নহৰু পিহি পানীত মিহলি কৰি ল’ব। নহৰু মিহলি পানীখিনি মূৰৰ ছালত লগাই কিছু সময়ৰ পিছত ধুই পেলাওক। নহৰুৰ গোন্ধ প্ৰতিহত কৰিবলৈ মিশ্ৰণটোত মৌ মিহলি কৰিব পাৰে।
মেথি চুলিব বাবে অতি উত্তম
চুলিৰ পৰা উফি আঁতৰাবলৈ মেথিৰ গুটি ব্যৱহাৰ কৰিব পাৰে। মেথি গুটি নিশাটো তিয়াই ৰাখক। কোমল হৈ পৰাৰ পাছত মেথিখিনি পিহি ল’ব। পিহাৰ পাছতেই সেই পেষ্ট খিনি মূৰৰ ছালত ভালদৰে লগাই এঘণ্টাৰ পাছত ধুই পেলাব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
