বৰ্ধিত টোলগেটে দেশৰ জনসাধাৰণ অতিষ্ঠ কৰি অহাৰ সময়ত পোহৰলৈ আহিছে যে দেশত কে’বাখনো অবৈধ টোলগেট নিৰ্মাণ কৰি চলাই থকা হৈছে৷
যোৱা ১ এপ্ৰিলৰ পৰা টোল গেটৰ মাচুল বৃদ্ধি পোৱাৰ পিছতে এতিয়া দেশজুৰি প্ৰায় দুশ অবৈধ টোলগেট নিৰ্মাণ কৰি চলাই থকা তথ্যই দেশজুৰি ব্যাপক প্ৰতিক্ৰিয়াৰ সৃষ্টি হোৱা দেখা গৈছে৷
প্ৰকাশিত তথ্য অনুসৰি সমগ্ৰ দেশতে ৰাষ্ট্ৰীয় ঘাইপথ প্ৰাধিকৰণৰ বিধি উলংঘা কৰি ১৮৯ খনকৈ টোলগেট স্থাপন কৰি টোল মাচুল সংগ্ৰহ কৰি থকা হৈছে৷ আৰু এইসমূহ টোলগেটক অবৈধ টোলগেট বুলি চিহ্ণিত কৰা হৈছে৷
লগতে পঢ়ক প্ৰেমিকে কৰিলে প্ৰতাৰণা! প্ৰেমিকৰ পিতৃৰে বিয়াত বহিল প্ৰেমিকা, ইয়াৰ পিছত কি হ’ল?
উল্লেখ্য যে তথ্য জনাৰ অধিকাৰ আইনৰ জৰিয়তে গ্ল’বেল পেনডেমিক ৰেচপন্ছ ফ’ৰাম নামৰ এটা স্বচ্ছাসেৱী সংগঠনে লাভ কৰা তথ্যই এই ভয়ংকৰ অনিয়ম পোহৰলৈ আনিছে৷
তথ্য জনা অধিকাৰ আইনৰ জৰিয়তে লাভ কৰা তথ্য কোৱা হৈছে যে সমগ্ৰ দেশত ১৮৯ খন টোলগেট ৰাষ্ট্ৰীয় ঘাইপথ প্ৰাধিকৰণৰ বিধি উলংঘা কৰি স্থাপন কৰা হৈছে৷ অসমত ইয়াৰে ৪ খন টোলগেট আছে৷
সংগঠনটোৰ সঞ্চালক ৰাকেশ হাজৰিকাই কয় যে, প্ৰতিখন টোলগেটৰ মাজৰ ব্যৱধান ৬০ কিলোমিটাৰ থাকিব লাগে৷ কিন্তু এই নিয়ম উলংঘা কৰা দেশৰ ১৮৯ খন চিনাক্ত কৰা হৈছে।
লগতে পঢ়ক নগ্ন ফ’টোশ্বুট, ৰণবীৰৰ বিৰুদ্ধে গোচৰ ৰুজু আৰক্ষীৰ, গ্ৰেপ্তাৰ নিশ্চিত নেকি ৰণবীৰৰ?
প্ৰকাশিত খবৰ অনুসৰি অসমৰ মদনপুৰ আৰু নাজিৰাখাটত স্থাপন হোৱা দুখন টোলগেটৰ মাজৰ ব্যৱধান হ’ল ৫৯ কিলোমিটাৰ।
তদুপৰি দাহালপাৰা আৰু পাটগাঁৱত স্থাপন হোৱা টোলগেট দুখনৰ মাজৰ ব্যৱধান হ’ল ৫৪ কিলোমিটাৰ। মিকিৰআটি আৰু ৰহাত স্থাপন হোৱা টোলগেট দুখনৰ মাজৰ ব্যৱদান হ’ল ৫৩ কিলোমিটাৰ আৰু গলিয়া আৰু দাহালপাৰাৰ মাজত স্থাপন হোৱা টোলগেট দুখনৰ ব্যধান হ’ল ৪৬ কিলোমিটাৰ।
লগতে পঢ়ক বিয়া পাতিবলৈ পলুৱাই অনা প্ৰেমিকাই প্ৰেমিকৰ ধন-সোণসহ সম্পদ লুটি উধাও
তথ্য জনা অধিকাৰ আইনে প্ৰকাশ কৰা তথ্য মতে অসমৰ চাৰিখনকৈ টোলগেট ৰাষ্ট্ৰীয় ঘাইপথ প্ৰাধিকৰণৰ বিধি উলংঘা কৰি স্থাপন কৰা হৈছে৷ প্ৰকাশিত খবৰ মতে বিধি উলংঘা কৰি স্থাপন কৰা এই টোলগেটসমূহ ভাঙি পেলোৱা হ’ব৷
এতিয়া প্ৰশ্ন হয় দীৰ্ঘদিন ৰাষ্ট্ৰীয় ঘাইপথ প্ৰাধিকৰণৰ বিধি উলংঘা কৰি টোলগেট স্থাপনেৰে জনসাধাৰণৰ পৰা বৰ্ধিত হাৰত সংগ্ৰহ কোটি কোটি টকা প্ৰাধিকৰণে জনসাধাৰণক ঘূৰাই দিব নে?
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
