নদীমক নোৱাৰিলে নীৰজে, ৰূপতে ক্ষান্ত, আনহাতে ব্ৰঞ্জ জয় কৰি স্বৰ্ণীল কেৰিয়াৰ সামৰিলে শ্ৰীজেশে
৮.৮.৮ তাৰিখ ভাৰতৰ বাবে আছিল সুভ দিন। ভাৰতে অলিম্পিকত লাভ কৰে দুটাকৈ পদক। এফালে হকীত স্পেইনক পৰাস্ত কৰি ব্ৰঞ্জ লাভ আনহাতে নীৰজ চোপ্ৰাৰ জেভলীনত ৰূপৰ পদক লাভ।
ভাৰতী হকী দলে একেৰাহে দুবাৰকৈ লাভ কৰে ব্ৰঞ্জৰ পদক। ২০২০ চনৰ টকিঅ’ অলিম্পিকতো ভাৰতীয় হকী দলে লাভ কৰিছিল ব্ৰঞ্জ তাৰ পাছত এইবাৰ পেৰিছ অলিম্পিকতো ভাৰতীয় দলটোৱে লাভ কৰে ব্ৰঞ্জৰ পদক। এই পদক লাভৰ পাছতে ভাৰতীয় হকী দলৰ তাৰকা খেলুৱৈ ভাৰতৰ বিশাল দেৱাল (Indian Great Wall) খ্যাত গোলকীপাৰ পি আৰ শ্ৰীজেশে হকীৰ পৰা অৱসৰ লয়। অৱশ্যে অলিম্পিক যাত্ৰা আৰম্ভ কৰাৰ পূৰ্বেই শ্ৰীজেশে এই অৱসৰৰ বিষয়ে সদৰি কৰিছিল।
আনহাতে নিশা ১১-৫৫ বজাত আৰম্ভ হোৱা জেভলীনত সমগ্ৰ ভাৰত বাসীৰ দৃষ্টি নিবদ্ধ আছিল পেৰিছ অলিম্পিকৰ প্ৰথমটো সোণ লাভৰ অপেক্ষাৰে। পাছে পাকিস্তানৰ নদীমৰ লক্ষ্য পাৰ কৰিব নোৱাৰিলে ভাৰতৰ নীৰজে। যাৰ বাবে ৰূপতে ক্ষান্ত থাকিব লগা হয় ভাৰতৰ গোল্ডেন বয় নীৰজ চোপ্ৰা। জেভলীনৰ ফাইনেলত পাকিস্তানৰ আৰ্শ্বদ নদীমে ৯২.৭ মিটাৰ দলিয়াই সোণ জয় কৰে। আনহাতে ভাৰতৰ নীৰজ চোপ্ৰাই ৮৯.৯৫ মিটাৰ দলিয়াই ৰূপ জয় কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
