নিৰ্বাচনী প্ৰচাৰৰ মাজতে ভয়ংকৰ ঘটনা, হঠাতে মঞ্চ ভাঙি পৰি ৯গৰাকীৰ মৃত্যু, অৰ্ধশতাধিক আহত
সকলোফালে এতিয়া নিৰ্বাচনী বতাহ। ভাৰতৰ লগতে বিশ্বৰো কেইখন মান দেশত নিৰ্বাচনী বতাহ বলা দেখা গৈছে। ভাৰতৰ লোকসভা নিৰ্বাচন, আমেৰিকাৰ ৰাষ্ট্ৰপতি নিৰ্বাচন, মেক্সিকোৰ সাধাৰণ নিৰ্বাচন, সদ্যহতে সমাপ্ত হোৱা ৰাছিয়াৰ নিৰ্বাচন আদি।
নিৰ্বাচন উলক্ষে নিৰ্বাচনী প্ৰচাৰতো ব্যস্ত ৰাজনৈতিক দল সমূহ। তাৰেই মাজেত আহিছে এক শিহৰণকাৰী ঘটনা। নিৰ্বাচনী প্ৰচাৰ চলাই থকাৰ মাজতে মেক্সিকোত প্ৰাণ হেৰুৱালে ৯গৰাকী লোকে। ইয়াৰ উপৰিয়ো অৰ্ধশতাধিক লোক আহত হয়।
ঘটনা সন্দৰ্ভত জানিব পৰা অনুসৰি, বুধবাৰে মেক্সিকোত অনুষ্ঠিত প্ৰচাৰ সভাত প্ৰচণ্ড বতাহৰ ফলত নিৰ্বাচনী মঞ্চ ভাঙি পৰাত ৯ জন লোকৰ মৃত্যু হোৱাৰ লগতে এজন ৰাষ্ট্ৰপতি পদৰ প্ৰাৰ্থী আহত হয়, যাৰ ফলত লোকগৰাকীক চিকিৎসালয়তো ভৰ্তি কৰোৱা হয়।
https://x.com/V_of_Europe/status/1793544964766597166
উত্তৰ-পূব চহৰ ছান পেড্ৰ’ গাৰ্জা গাৰ্চিয়াত প্ৰচাৰ অভিযানৰ সময়তে সংঘটিত হোৱা এই ঘটনাত কমেও ৫৪ জন লোক আহত হৈছে আৰু ভাঙি পৰা মঞ্চৰ তলত আবদ্ধ হৈ কেইগৰাকীমানৰ মৃত্যু হৈছে।
মৃত্যু হোৱা লোকসকলৰ ভিতৰত এজন নাবালক আছে বুলি গৱৰ্ণৰ চেমুৱেল গাৰ্চিয়া চেপুলভেডাই X ত প্ৰকাশ কৰা এটা পোষ্টত জানিবলৈ দিয়ে। লগতে ইয়াকো কয় যে, আহতসকলৰ কিছুমান সুস্থিৰ হোৱাৰ বিপৰীতে গুৰুতৰভাৱে আহত কিছুমানৰ অস্ত্ৰোপচাৰ চলি আছে।
ছ’চিয়েল মিডিয়াত শ্বেয়াৰ কৰা ভিডিঅ’ত দেখা গৈছে যে প্ৰচণ্ড ধুমুহাই মঞ্চখন ভাঙি পেলাইছে। মণ্টেৰেইৰ পৰা ওচৰৰ পৰ্যবেক্ষণত দেখা গৈছে যে ধুমুহা বতাহ আহিছিল যিয়ে কমেও ৪০ৰ পৰা ৫০ কিলোমিটাৰ (ঘণ্টাত প্ৰায় ২৫ৰ পৰা ৩০ মাইল) বেগেৰে বলিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
