জেঠ মাহত হনুমান আৰু শণি দেৱৰ বিশেষ প্ৰভাৱ থাকে, ভুলতো নকৰিব এই কেইটা কাম
জেঠ মাহত সূৰ্য্য আটাইতকৈ শক্তিশালী, সেয়েহে গৰমৰ প্ৰভাৱ অধিক থাকে। পৃথিৱীত পৰি থকা সূৰ্য্যৰ কঠোৰ ৰশ্মিৰ বাবে জেঠ মাহটো সকলো জীৱ, মানুহ আৰু প্ৰকৃতিৰ বাবে অতি কষ্টদায়ক।
শাস্ত্ৰত জেঠ মাহত পূজা, দান আৰু তীৰ্থযাত্ৰাৰ বিশেষ গুৰুত্বৰ কথা উল্লেখ কৰা হৈছে। জ্যেষ্ঠ মাহত নিয়ম আৰু সংযম পালন কৰিলে আয়ুস বাঢ়ে আৰু ৰোগো নাশ হয়। গতিকে জেঠৰ সময়ত কিছুমান বিশেষ কথা মনত ৰাখিব, কি কৰিব আৰু কি নকৰিব –
১- ৬ দেৱতাৰ পূজা
সূৰ্য্য দেৱ – জেঠ মাহত সূৰ্য্য উদয়ৰ পূৰ্বে উঠি সূৰ্য্যক অৰ্ঘ্য তথা পানী আগবঢ়াব লাগে, ইয়াৰ ফলত দীৰ্ঘায়ু হয়। ৰোগবোৰ নাশ হয়।
শনি দেৱ- এই মাহত শনি দেৱক পূজা কৰিলে অশুভ প্ৰভাৱ নাইকিয়া হয়।
ভগৱান ত্ৰিবিক্ৰম – শাস্ত্ৰ অনুযায়ী জেঠ মাহত ভগৱান ত্ৰিবিক্ৰম (ভগৱান বিষ্ণুৰ ৰূপ)ক পূজা কৰিব লাগে, ইয়াৰ দ্বাৰা গোমেধ যজ্ঞৰ ফল পোৱা যায়।
হনুমান পূজা – হনুমানে জেঠ মাহতে প্ৰথমবাৰৰ বাবে শ্ৰীৰামক লগ পাইছিল, সেয়েহে এই মাহৰ প্ৰতি মঙলবাৰে হনুমানৰ পূজা কৰিলে বিশেষ ফল পায়।
কৃষ্ণ – এই মাহত গংগা আৰু যমুনা নদীত স্নান কৰি ভগৱান কৃষ্ণক পূজা কৰি তিল দান কৰিলে অশ্বমেধ যজ্ঞৰ সম্পূৰ্ণ ফল পোৱা যায়। এ
বৰুণ দেৱ – এই মাহত চাৰিওফালে পানী কমি যায়, সেয়ে পানী সংৰক্ষণ কৰক। পানী দান কৰক, বিশেষকৈ গংগা দশেৰা আৰু নিৰ্জলা একাদশীত জল দেৱতা বৰুণ দেৱক পূজা কৰক।
২- কি খাব, কি নাখাব – জেঠ মাহত শৰীৰৰ পানীৰ মাত্ৰা কমিবলৈ আৰম্ভ কৰে। এনে পৰিস্থিতিত সুস্বাস্থ্য বজাই ৰাখিবলৈ অধিক সেউজীয়া শাক-পাচলি আৰু পানী সমৃদ্ধ ফল-মূল খাব লাগে।
৩- এইবোৰ বস্তুৰ দান – তিল, পানী, মাটিৰ পাত্ৰ, জোতা, ফেন, খাদ্য, ছাতি দান কৰিব লাগে ।
৪- ভুলতো এই কাম নকৰিব – জেঠ মাহত পৰিয়ালৰ ডাঙৰ পুত্ৰ বা কন্যাক বিয়া দিয়া বা বিয়া কৰাব নালাগে, ইয়াক শুভ বুলি গণ্য কৰা নহয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
