আপোনাৰ উচ্চতাক লৈ আপুনি সন্তুষ্ট নহয় নেকি? যদি আপুনি নিজৰ উচ্চতাক লৈ সুখী নহয়, তেনে এতিয়াৰে পৰা আপুনি নিজকে সেই দুঃচিন্তাৰ পৰা মুক্ত কৰিব পাৰিব! আমি আপোনাৰ বাবে লৈ আহিছো ১৮ বছৰৰ পিছতো উচ্চতা বৃদ্ধি কৰিব পৰা কিছুমান টিপছ্৷
সাধাৰণতে ১৮ বছৰ পিছৰে পৰা মানুহৰ উচ্চতা বৃদ্ধি পোৱা পৰিলক্ষিত নহয়৷ মানুহৰ উচ্চতা বৃদ্ধি অথবা শৰীৰৰ বিকাশৰ বাবে ‘মানৱ শৰীৰ বিকাশ গ্ৰন্থি’ দায়ৱদ্ধ৷
কিন্তু কিছুমান টিপছ্-এ ১৮ বছৰৰ পিছতো মানুহৰ উচ্চতা বৃদ্ধি কৰাত সহায়ক হৈ উঠিব পাৰে৷ তলৰ টিপছসমূহে মানুহৰ উচ্চতা বৃদ্ধিৰ বাবে সহায়ক হৈ উঠিব পাৰে৷
১. নিয়মীয়াভাৱে এক্সাৰচাইজ কৰক
কিছুমান ওলমি থকা ব্যায়ামে আমাৰ সম্পূৰ্ণ উচ্চতা বজাই ৰখাত সহায় কৰিব পাৰে। ওলমি থকা ব্যায়ামবোৰ আমাৰ তল পিঠি শক্তিশালী কৰাত সহায়ক হয় আৰু লগতে পেশীকো সম্প্ৰসাৰিত কৰি ৰাখে৷
২. সঠিক পুষ্টিদায়ক খাদ্য গ্ৰহণ কৰক
এক সন্তুলিত আৰু স্বাস্থ্যকৰ আহাৰ গ্ৰহণ কৰক৷ য’ত ফল, পাচলি, প্ৰ’টিন আদিৰ ভাল মিশ্ৰণ থাকে৷ স্বাস্থ্যকৰ আহাৰে শৰীৰৰ সঠিক বিকাশৰ বাবে ইন্ধনৰ দৰে কাম কৰে। ই বিপাকৰ হাৰ উন্নত কৰে, ৰক্ত সঞ্চালন বৃদ্ধি কৰে আৰু লগতে আমাৰ হাড় শক্তিশালী কৰে। শুকান ফল, চৰ্বিহীন মাংস, গাখীৰ আৰু শাক-পাচলি আদি খাদ্য আপোনাৰ আৱশ্যকীয় খাদ্য তালিকাত থাকিব লাগে।
৩. ষ্ট্ৰেটচিং এক্সাৰচাইজ কৰক
যিসকল লোকে তেওঁলোকৰ উচ্চতা বৃদ্ধি কৰিবলৈ বিচাৰে তেওঁলোকে প্ৰতিদিনে ১৫ মিনিটৰ বাবে প্ৰসাৰিত ব্যায়াম কৰিব পাৰে। মেৰুদণ্ড প্ৰসাৰিত কৰা ব্যায়ামবোৰে তলপিঠি সম্প্ৰসাৰিত কৰাত সহায় কৰে। ই উচ্চতা বৃদ্ধি কৰাত সহায়ক হয়। সূৰ্য নমস্কাৰ মেৰুদণ্ডৰ সঠিক প্ৰসাৰণৰ বাবে এক ভাল আৰু কাৰ্যকৰী ব্যায়াম।
৪. পৰ্যাপ্ত পৰিমাণে শোৱক
আমাৰ শৰীৰটো শুই থকা অৱস্থাটো কাৰ্যক্ষম হৈ থাকে৷ শুই থকা অৱস্থাতে শিশুসকলৰ শৰীৰৰ সৰ্বাধিক বৃদ্ধি হয়৷ শৰীৰৰ শ্ৰীবৃ্দ্ধিৰ বাবে প্ৰাপ্তবয়স্কসকলেও পৰ্যাপ্ত পৰিমাণে শুব লাগে৷ শুই থকাৰ সময়হে পিটুইটাৰি গ্ৰন্থি অধিক সক্ৰিয় হৈ থাকে৷ আৰু শোৱাৰ সময়ত পৰাপক্ষত গাৰু নোলোৱাটোৱে ভাল৷ শুই থকাৰ সময়ত আঁঠুৰ তলত গাৰু ল’ব পাৰিলে আৰু ভাল৷ ইয়ে উচ্চতা বৃদ্ধিত সহায় কৰে৷ লগতে কঁকালৰ বিষৰ পৰাও উপশম পোৱা যায়৷
৫. নিয়মিত ব্যায়াম কৰক
শাৰীৰিক বৃদ্ধিৰ বাবে নিয়মিত ব্যায়াম কৰাতো অতি দৰকাৰী৷ দৌৰা, জঁপিওৱা আৰু তেজত অক্সিজেনৰ পৰিমাণ বৃদ্ধি কৰাতোও অতি দৰকাৰী৷ তেনে কৰিলে শৰীৰৰ হাড় আৰু অধিক শক্তিশালী হোৱাৰ লগতে বৃদ্ধি হোৱাৰ সম্ভাৱনা থাকে৷ এই শাৰীৰিক ব্যায়ামবোৰ কৰি থাকিলে শৰীৰ উচ্চতা বৃদ্ধিতো যোগাত্মক প্ৰভাৱ পৰে৷
৬. সুৰাপান আৰু চিগাৰেট সেৱন বন্ধ কৰক
সুৰাপান আৰু চিগাৰেট সেৱন একেবাৰে বন্ধ কৰাতো উচিত৷ এই দুয়োটাই শৰীৰ স্বাভাৱিক বৃদ্ধিক বাধাপ্ৰাপ্ত কৰে৷ চিগাৰেট সেৱনে তেজৰ স্বাভাৱিক প্ৰৱাহতো কুফল পেলায়৷ ইফালে সুৰাপানৰ ক্ষতিকৰ দিশবোৰৰ বিষয়ে আপোনালোকক বিস্তৃতৰূপত বহলাই নক’লেও হ’ব৷ মুঠতে সুৰাপান আৰু চিগাৰেট সেৱনে শৰীৰৰ স্বাভাৱিক বৃদ্ধিত প্ৰতিৱন্ধকতাৰ সৃষ্টি কৰিব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
