এতিয়া অসমৰ মুঠ জনসংখ্যাৰ ৩৫ শতাংশলৈ মুছলমানৰ জনসংখ্যা বৃদ্ধি পাইছে৷ তেওঁলোক এতিয়াৰে পৰা অসমৰ সংখ্যালঘু নহয়৷ আনকি তেওঁলোক এতিয়াৰে পৰা সমগ্ৰ উত্তৰ পূৰ্বাঞ্চলৰো সংখ্যালঘু হৈ নাথাকিব৷
অসম বিধানসভাৰ বাজেট অধিবেশনৰ ৰাজ্যপালৰ বাজেট ভাষণৰ বিতৰ্কত অংশগ্ৰহণ কৰি মুখ্যমন্ত্ৰী ডঃ হিমন্ত বিশ্ব শৰ্মাই এই বিতৰ্কিত মন্তব্য কৰিছে৷
মুখ্যমন্ত্ৰী ডঃ শৰ্মাই লগতে কয় যে ৯০ দশকত কাশ্মীৰ পণ্ডিতসকলে সন্মুখীন হোৱাৰ সংকটৰ দৰে অসমেও এদিন একে সংকটৰ সন্মুখীন হ’বলৈ গৈ আছে৷ এতিয়াই সতৰ্ক নহ’লে অসমে এদিন কাশ্মীৰ পণ্ডিতসকলৰ দৰেই সংকটত পৰাটো নিশ্চিত৷
লগতে পঢ়ক কৰ্মচাৰীৰ বাবে সুখবৰ, প্ৰধানমন্ত্ৰী মোদীয়ে কৰ্মচাৰীক দিব বিশেষ উপহাৰ!
মুখ্যমন্ত্ৰীৰ মতে মুছলমান সম্প্ৰদায়ৰ নেতা তথা বিৰোধী বিধায়কসলে সমান সুযোগ আৰু ক্ষমতা লাভ কৰি আহিছে। সেয়েহে তেওঁলোকে জনজাতীয় লোকসকলৰ অধিকাৰ সুৰক্ষিত কৰা আৰু ভূমি বেদখল নকৰাটো নিশ্চিত কৰাতো তেওঁলোকৰ কৰ্তব্য।
ষষ্ঠ অনুসূচী অঞ্চলত বাস কৰা জনজাতীয় লোকসকলৰ ভূমি বেদখল কৰাতো মুছলমানে বন্ধ কৰিব লাগিব। যদি বৰা আৰু কলিতাই সেই ভূমিত বসতি স্থাপন নকৰে, তেন্তে ইছলাম আৰু ৰহমানেও সেই স্থানবোৰত বসতি স্থাপন কৰাৰ পৰা বিৰত থাকিব লাগিব বুলিও মন্তব্য কৰে মুখ্যমন্ত্ৰী ডঃ শৰ্মাই৷
লগতে পঢ়ক ৭ বছৰীয়া শিশু ধৰ্ষণ আৰু হত্যাকাৰীক গুলীয়াই হত্যা অসম আৰক্ষীৰ
অসমীয়া মানুহে সংশয়ত আছে৷ তেওঁলোকৰ সাংস্কৃতি আৰু সভ্যতাক কেনেকৈ ৰক্ষা কৰিব তাকে লৈও তেওঁলোক চিন্তিত হৈছে৷ মুছলমানসকলেও শংকৰী সংস্কৃতি, সত্ৰীয়া সংস্কৃতি সুৰক্ষাৰ বাবে চিন্তা কৰিব লাগিব৷ আজিৰ পৰা দহ পিছৰ আগলৈ আমি সংখ্যালঘু নাছিলো কিন্তু এতিয়া আমি সংখ্যালঘুত পৰিণত হৈছো৷ মুখ্যমন্ত্ৰী ডঃ হিমন্ত বিশ্ব শৰ্মাই লগতে কয়৷
ৰাজ্যৰ মুখ্যমন্ত্ৰী গৰাকীয়ে এনে বিতৰ্কিত আৰু সাম্প্ৰদায়িক মন্তব্য কৰাৰ পিছতে এতিয়া ৰাজ্যৰ সতেচন মহলৰ মাজত ভিন্ন প্ৰতিক্ৰিয়াৰ সৃষ্টি হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
