পঞ্জাৱৰ নৱগঠিত আম আদমি পাৰ্টিৰ চৰকাৰৰ প্ৰতি সমগ্ৰ দেশৰে সচেতন মহলৰ দৃষ্টি নিৱদ্ধ আছে৷ ভগৱন্ত সিং মানে পঞ্জাৱৰ মুখ্যমন্ত্ৰীৰূপে শপত গ্ৰহণ কৰাৰ পিছতে কেবাটাও জনমুখী সিদ্ধান্ত ঘোষণা কৰি দেশৰ ৰাজনৈতিক ক্ষেত্ৰৰ লগতে সংবাদ মাধ্যমতো বিশেষভাৱে চৰ্চা লাভ কৰিছে৷
সেয়ে সংবাদ মাধ্যমৰ লগতে দেশৰ ৰাজনৈতিকভাৱে সচেতন মহলে ভগৱন্ত মান সিঙৰ পঞ্জাৱ চৰকাৰৰ কেবিনেট গঠনৰ ওপৰতো বিশেষভাৱে দৃষ্টি নিৱদ্ধ কৰিছে৷ ভগৱন্ত সিং মানে পঞ্জাৱ কেবিনেট গঠন কৰাৰ পিছতে বিতৰ্কৰ সূত্ৰপাত ঘটিছে৷
সোমবাৰে এছ’ছিয়েশ্যন ফ’ৰ ডেম’ক্ৰেটিক ৰিফৰ্মছ-এ এই বিতৰ্কৰ সূত্ৰপাত ঘটাইছে৷ সংস্থাটোৱে দাবী কৰিছে যে ভগৱন্ত মান সিঙৰ মন্ত্ৰীসভাৰ ১১ জন মন্ত্ৰীৰ ভিতৰত ৭ গৰাকীৰ বিৰুদ্ধে অপৰাধমূলক গোচৰ আছে৷ ইয়াৰে চাৰিগৰাকী কেবিনেট মন্ত্ৰীৰ বিৰুদ্ধে গুৰুতৰ অপৰাধমূলক গোচৰো আছে৷
লগতে পঢ়ক ‘দ্য কাশ্মীৰ ফাইলছ’ক লৈ আমিৰ খানৰ বিশেষ মন্তব্য : কি ক’লে বলিউদৰ অভিনেতাগৰাকীয়ে?
নিৰ্বাচন আয়োগত দাখিল কৰা শপতনামা বিশ্লেষণ কৰি সংস্থাটোৱে দাবী কৰিছে যে মানৰ মন্ত্ৰীসভাৰ ৬৪ শতাংশ মন্ত্ৰীৰ বিৰুদ্ধেই অপৰাধমূলক গোচৰ আছে৷ ইয়াৰে ৩৪ শতাংশ মন্ত্ৰীৰ বিৰুদ্ধে অতি গুৰুতৰ অপৰাধনমূলক গোচৰ আছে৷
আনহাতে, মানৰ মন্ত্ৰী সভাত নগৰাকী কোটিপটি মন্ত্ৰী অন্তভুৰ্ক্ত হৈছে৷ কোটিপটি মন্ত্ৰীসকলৰ গড় সম্পত্তিৰ পৰিমাণ হৈছে ২.৮৭ কোটি টকা৷ ইয়াৰে আটাইতকৈ ধনাঢ্য মন্ত্ৰীগৰাকী হৈছে হশিয়াৰপুৰ সমষ্টিৰ পৰা নিৰ্বাচিত ব্ৰাম শংকৰ (জিম্পা)৷ তেওঁ সম্পত্তিৰ পৰিমাণ হৈছে ৮.৫৬ কোটি টকা৷
আনহাতে মান মন্ত্ৰী সভাৰ আটাইতকৈ দৰিদ্ৰ মন্ত্ৰীগৰাকীৰ হৈছে ভোৱা সমষ্টিৰ লাল চান্দ৷ তেওঁৰ সম্পত্তিৰ পৰিমাণ হৈছে ৬.১৯ লাখ টকা৷ ইফালে শপনামাৰ তথ্যৰ ভিত্তি সংস্থাটোৱে ভগৱন্ত মান মন্ত্ৰীসভাৰ ৯ গৰাকী মন্ত্ৰী ঋণগ্ৰস্ত বুলি প্ৰকাশ কৰিছে৷ ১.০৮ কোটি টকাৰ ঋণেৰে সৰ্বাধিক ঋণগ্ৰস্ত মন্ত্ৰীগৰাকী হৈছে ব্ৰাম শংকৰ৷
লগতে পঢ়ক ১৩৩ গৰাকীসহ যাত্ৰীবাহী বিমান দুৰ্ঘটনাগ্ৰস্ত : পৰ্বতৰ শিখৰত সূত্ৰপাত ভয়াৱহ অগ্নিকাণ্ড
সংস্থাটোৰ মতে মন্ত্ৰীসভাৰ ৪৫ শতাংশ অৰ্থাৎ পাঁচ গৰাকীৰ মন্ত্ৰীৰ শিক্ষাগত অৰ্হতা হৈছে ১০ দশম আৰু দ্বাদশ শ্ৰেণী উত্তীৰ্ণ৷ বাকী ৫৫ শতাংশ মন্ত্ৰী স্নাতক ডিগ্ৰীধাৰী বুলি কোৱা হৈছে৷
মানৰ মন্ত্ৰী সভাৰ ছগৰাকী মন্ত্ৰীৰ বয়স ৩১ৰ পৰা ৫০ বছৰ আৰু বাকী পাঁচগৰাকী মন্ত্ৰীৰ বয়স ৫১ৰ পৰা ৬০ বছৰৰ ভিতৰত বুলি সংস্থাটোৱে প্ৰকাশ কৰিছে৷
উল্লেখ্য যে যোৱা শনিবাৰে শ্বহীদ ভগৎ সিঙৰ গাঁৱত ভগৱন্ত সিং মানৰ আম আদমি পাৰ্টিৰ চৰকাৰে শপত গ্ৰহণ কৰে৷ মানৰ লগতে শপত গ্ৰহণ কৰা তেওঁৰ কেবিনেট সতীৰ্থসকল হ’ল ক্ৰমে হৰপাল সিং চীমা, হৰভজন সিং, ডাঃ বিজয় সিংগ্লা, লাল চান্দ, গুৰমিট সিং মীট হায়াৰ, কুলদীপ সিং ধালিৱাল, লালজিৎ সিং ভুল্লাৰ, ব্ৰাম শংকৰ জিম্পা, হৰজুট সিং বেইনছ আৰু ডাঃ বলজিৎ কৌৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
