স্বাধীন অসমৰ স্বপ্নত পুনৰ বিভোৰ হৈছে যুৱ প্ৰজন্মৰ একাংশ৷ পুনৰ যেন আশী-নব্বৈ দশকৰ আলফাৰ প্ৰতি থকা তেতিয়াৰ যুৱ প্ৰজন্মৰ দৰেই সেই অহৈতুক আকৰ্ষণ বৃদ্ধি পাবলৈ আৰম্ভ কৰিছে বৰ্তমানৰ যুৱপ্ৰজন্মৰ মাজত৷
যুৱ প্ৰজন্মৰ একাংশই আলফা স্বাধীনলৈ গমন কৰি যেন সেই কথাকে প্ৰতিপন্ন কৰিছে৷
বিগত কিছু বছৰৰ পৰা ছেগা-চোৰোকাকৈ কিছুসংখ্যক যুৱক-যুৱতীয়ে আলফা স্বাধীনত যোগদান কৰাৰ এই ধাৰা এতিয়া ক্ৰমাৎ বৃদ্ধি পোৱা পৰিলক্ষিত হৈছে৷
লগতে পঢ়ক উত্তৰ প্ৰদেশত ইতিহাস ৰচি ক্ৰমাগত দ্বিতীয়বাৰৰ বাবে শপত গ্ৰহণ কৰিলে যোগীয়ে
বৰং বিগত বছৰবোৰতকৈ এই সোঁত বৃদ্ধি পোৱাহে পৰিলক্ষিত হৈছে৷ সেই ধাৰাক অধিক তৰান্বিত কৰি কিছুদিন পূৰ্বে নগাঁৱৰ তন্ময় বৰা, দিগন্ত গোৱালা, সুভাষ সাহা আৰু তিনিচুকীয়াৰ সূৰজ মৰাণ আৰু দৰঙৰ হীৰকজ্যোতি নামৰ পাঁচগৰাকী যুৱকে আলফা(স্বা)ত যোগদান কৰাৰ পিছতে পুনৰ আন এগৰাকী যুৱকে নিষিদ্ধ ঘোষিত সংগঠনটোত যোদান কৰিছিল৷
এইবাৰ পুত্ৰ-পত্নীক এৰি আলফা(স্বা)ত যোগ দিছে বৰপেটাৰ গান্ধী নগৰৰ বাসিন্দা ধনজিৎ দাসে৷ আৰ্থিক ভাৱে দূৰ্বল ধনজিতে পত্নী সৈতে এটি ৪ বছৰীয়া কণমানি পুত্ৰ সন্তানক এৰি আলফা(স্বাঃ)ত যোগদানৰ খবৰে পৰিয়ালৰ মাজত হাহাকাৰ পৰিৱেশৰ সৃষ্টি কৰিছে৷
জানিব পৰা মতে, বৰপেটা চহৰৰ এখন কাপোৰৰ দোকানত থাকি পৰিয়াল পোহপাল দি আছিল ধনজিৎ দাসে৷ পৰিয়ালৰ লোকে জানিব দিয়া অনুসৰি ৪ বছৰীয়া ল’ৰা সন্তানটোৰ অসুস্থতাৰ বাবে বিগত প্ৰায় ডেৰমাহমান ধনজিৎ দাসৰ পত্নীয়ে পিতৃৰ ঘৰতে আছিল৷
লগতে পঢ়ক NPSৰ জৰিয়তে অৱসৰৰ পিছত লাভ কৰিব ৪৪ হাজাৰ টকাকৈ পেঞ্চন!
প্ৰতি দেওবাৰে শহুৰেকৰ ঘৰলৈ গৈ পত্নী আৰু পুত্ৰ খবৰ ল’বলৈ যোৱা ধনজিতে বৰপেটাৰ দৌল মহোৎসৱৰ পিচদিনাৰ পৰাই পত্নীৰে কোনো ধৰণৰ যোগাযোগ কৰা নাই৷ সম্প্ৰতি স্বামীক ঘৰলৈ ওভতাই পঠিয়াবলৈ কাতৰ আহ্বান জনাইছে পত্নীয়ে।
উল্লেখ্য যে এক বিশেষ সূত্ৰৰ মতে বিগত বৰ্ষৰ ছেপ্টেম্বৰ মাহৰ পৰা বৰ্তমানলৈকে ৰাজ্যখনৰ অতি কমেও ২৯৬ গৰাকী যুৱক-যুৱতীয়ে আলফা(স্বা)ত যোগদান কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
