শুকুৰবাৰে যোগী আদিত্যনাথে ৩৫ বছৰ পিছত উত্তৰ প্ৰদেশৰ ৰাজনীতিত ইতিহাস ৰচি একেৰাহে দ্বিতীয়বাৰৰ বাবে ৰাজ্যখনৰ মুখ্যমন্ত্ৰী হিচাপে শপত গ্ৰহণ কৰে৷
প্ৰধানমন্ত্ৰী নৰেন্দ্ৰ মোদীসহ বিজেপিৰ কেন্দ্ৰীয় বহু নেতাৰ উপস্থিতিত ৰাজ্যখনৰ ৰাজ্যপাল আনন্দিবেন পেটেলে মুখ্যমন্ত্ৰী হিচাপে যোগী আদিত্যনাথক শপত বাক্য পাঠ কৰোৱায়৷
লগতে পঢ়ক প্ৰেমৰ চালনাৰে কিশোৰীক ধৰ্ষণ : আৰক্ষীৰ জালত CRPFৰ বিবাহিত জোৱান
মুখ্যমন্ত্ৰী যোগী আদিত্যনাথৰ লগতে উপমুখ্যমন্ত্ৰী হিচাপে ক্ৰমে কেশৱ প্ৰসাদ মৌৰ্য আৰু ব্ৰজেশ পাঠকো শপত গ্ৰহণ কৰে৷
যোগী আদিত্যনাথৰ শপত গ্ৰণৰ উপলক্ষ্যে অটল বিহাৰী বাজপেয়ী ষ্টেডিয়ামত প্ৰায় ৫০ হাজাৰ লোক উপস্থিত আছিল৷
শপত গ্ৰহণ অনুষ্ঠানত প্ৰধানমন্ত্ৰীৰ লগতে কেন্দ্ৰীয় গৃহমন্ত্ৰী অমিত শ্বাহ আৰু বিজেপিৰ ৰাষ্ট্ৰীয় অধ্যক্ষ জেপি নাড্ডাও উপস্থিত আছিল৷
লগতে পঢ়ক মাতৃদুগ্ধ গহনাৰে বছৰি ১৫ কোটি টকা ব্যৱসায়ৰ লক্ষ্য কাৰ?
উল্লেখ্য যে বিগত উত্তৰ প্ৰদেশ বিধানসভা নিৰ্বাচনত যোগীৰ নেতৃত্বত বিজেপিৰ মিত্ৰ দলে ৪০৩ খন আসনৰ ভিতৰত ২৭৩ খন লাভ কৰি বিজয় সাব্যস্ত কৰে৷ বিজেপিয়ে এককভাৱে ২৫৫ খন আসন লাভ কৰে৷
ইয়াৰ পিছতে বৃহস্পতিবাৰে নৱনিৰ্বাচিত বিজেপি বিধায়কসকলে যোগী আদিত্যনাথক বিধায়ানী দলৰ নেতা হিচাপে নিৰ্বাচিত কৰে৷
আজিযোগী আদিত্যনাথে ৩৫ বছৰ পিছত ক্ৰমাগতভাৱে দ্বিতীয়বাৰ বাবে উত্তৰ প্ৰদেশৰ মুখ্যমন্ত্ৰী হিচাপে শপত গ্ৰহণ কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
