যুদ্ধবাজ ৰাছিয়াই আন্তঃৰাষ্ট্ৰীয় স্তৰত মোক্ষম আঘাত লাভ কৰিছে৷
ইটালীয়ে ৰাছিয়াৰ ৩০ গৰাকীকৈ ৰুছ কূটনৈতিক দূতক বহিষ্কাৰ কৰিছে৷ দেশখনৰ নিৰাপত্তাৰ স্বাৰ্থত এই ৩০ গৰাকী ৰুছ কূটনৈতিক দূতক বহিষ্কাৰ কৰা হৈছে৷
ইউক্ৰেইন আক্ৰমণৰ পিছতে দ্বিতীয়খন পশ্চিমীয়া দেশ হিচাপে ইটালীয়ে ৰাছিয়াৰ বিৰুদ্ধে এনে বৃহৎ পদক্ষেপ গ্ৰহণ কৰিছে৷ ইয়াৰ পূৰ্বে পোলেণ্ডে চোৰাংচোৱাগিৰি কৰাৰ অভিযোগত ৪৫ গৰাকী ৰাছিয়ান কূটনৈতিক দূতক বহিষ্কাৰ কৰিছিল৷
লগতে পঢ়ক সমুখ সমৰত BCCIৰ অধ্যক্ষ সৌৰভ গাংগুলী আৰু সচিব জয় শ্বাহ!
ইটালীয়ে প্ৰকাশ কৰিছে যে ইৰোপীয় আৰু আটালাণ্টিক অংশীদাৰ দেশসমূহৰ সৈতে ঐক্যমতৰ আধাৰত ইটালীৰ ৰাষ্ট্ৰীয় নিৰাপত্তাৰ সম্পৰ্কিত কাৰণত ৰাছিয়াৰ বিৰুদ্ধে এই পদক্ষেপ গ্ৰহণ কৰিছে৷
ইফালে ইটালীৰ এই পদক্ষেপৰ পিছতে ৰাছিয়াই প্ৰতিক্ৰিয়া প্ৰকাশ কৰিছে৷ মস্কোৱে প্ৰতিক্ৰিয়া প্ৰকাশ কৰি কয় যে ইটালীয়ে ইয়াৰ পৰিণাম ভুগিব লাগিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
