যোৱা দুটা বৰ্ষত কৰোনা মহামাৰীয়ে দেশৰ অৰ্থনীতি বিধ্বস্ত কৰিলেও ভাৰতীয় ধন কুবেৰসকলৰ সম্পত্তি আহৰণত ইয়াৰ কোনো কুপ্ৰভাৱ পৰা নাছিল৷ বৰং তেওঁলোকৰ সম্পত্তি হোৰাহোৰে বৃদ্ধি পোৱাহে পৰিলক্ষিত হ’ল৷
ফ’ৰ্বছৰ ২০২২ বৰ্ষৰ ৩৬ সংখ্যক বাৰ্ষিক তালিকাত ভাৰতীয় ধন কুবেৰসকলৰ সম্পত্তি বৃদ্ধি হোৱাৰ তথ্য স্পষ্টকৈ প্ৰকাশ পাইছে৷ ফ’ৰ্বছৰ বিগত দিনসূহত মতে ভাৰতৰ বহু ধনকুবেৰৰ সম্পত্তি দোপতদোপে বৃদ্ধি পাইছে৷
তলত ফ’ৰ্বছৰ ২০২২ বৰ্ষৰ তালিকা সন্নিৱিষ্ট হোৱা ভাৰতৰ দহ গৰাকী ধনাঢ্য ব্যক্তিৰ নাম উল্লেখ কৰা হ’ল—
লগতে পঢ়ক পাকিস্তানৰ পিছত এইবাৰ শ্ৰীলংকা : গাদী হেৰুওৱাব নেকি প্ৰধানমন্ত্ৰী মাহিন্দা ৰাজাপক্ষেই?
১. মুকেশ আম্বানি
ফ’ৰ্বছৰ মতে ৰিলায়েন্স ইণ্ডাষ্ট্ৰিজৰ অধ্যক্ষ মুকেশ আম্বানিৰ ভাৰতৰ সবাতোকৈ ধনী ব্যক্তি৷ ইমানেই নহয় তেওঁ এছিয়া আটাইতকৈ ধনী ব্যক্তিৰ স্থান এতিয়াও অক্ষত ৰাখিছে৷ ৯০.৭ বিলিয়ন মাৰ্কিন ড’লাৰেৰে মুকেশ আম্বানি হৈছে বিশ্বৰে দশম সংখ্যক ধনাঢ্য ব্যক্তি৷
২. গৌতম আদানিৰ পৰিয়াল
ভাৰতৰ অন্য এজন ধন কুবেৰ গৌতম আদানি কেৱল ভাৰতৰে নহয়, এছিয়াৰো দ্বিতীয় ধনাঢ্য ব্যক্তি হিচাপে পৰিগণিত হৈছে৷ ফ’ৰ্বছৰ তথ্য অনুসৰি ৯০ বিলিয়ন মাৰ্কিন ড’লাৰেৰে গৌতম আম্বানি বিশ্বৰ ১১ সংখ্যক ধনাঢ্য ব্যক্তি৷
৩. শিৱ নাডাৰ
ফ’ৰ্বছৰ তালিকা অনুসৰি HCL টেকন’ল’জিছ লিমিটেডৰ প্ৰতিষ্ঠাপক শিৱ নাডাৰ হৈছে ভাৰতৰ তৃতীয় ধনাঢ্য ব্যক্তি৷ ফ’ৰ্বছৰ তথ্য অনুসৰি নাডাৰ ২২ শতাংশ সম্পত্তি বৃদ্ধি পাইছে৷ ২৮.৭ বিলিয়ন ড’লাৰ সম্পত্তিৰে শিৱ নাডাৰ হৈছে বিশ্বৰ ৪৭ সংখ্যক ধনাঢ্য ব্যক্তি৷
লগতে পঢ়ক মোক্ষম আঘাত লাভ ৰাছিয়াৰ : ৩০ গৰাকী ৰুছ ৰাষ্ট্ৰদূতক বহিষ্কাৰ
৪. চাইৰাছ পোনাৱাল্লা
বিশ্বৰ সৰ্ববৃহৎ ঔষধ প্ৰস্তুতকাৰী প্ৰতিষ্ঠান ভাৰতৰ ছেৰাম ইনষ্টিটিউট অৱ ইণ্ডিয়াৰ মূল হোতা ছাইৰাছ পোনাৱাল্লা ভাৰতৰ চতুৰ্থ সংখ্যক ধনাঢ্য ব্যক্তিৰূপে পৰিগণিত হৈছে৷ ছেৰামে কোভিড ভেকচিন কোভিডশিল্ড প্ৰস্তুত কৰাৰ পিছতে পোনাৱাল্লাৰ সম্পত্তিৰ পৰিমাণ দ্বিগুণ বৃদ্ধি পাইছে৷ ফ’ৰ্বছৰ তালিকা অনুসৰি ২৪.৩ বিলিয়ন মাৰ্কিন ড’লাৰেৰে পোলাৱাল্লা হৈছে বিশ্বৰ ৫৬ সংখ্যক ধনাঢ্য ব্যক্তি৷
৫. ৰাধাকৃষ্ণণ ডামানি
এভিনিউ চুপাৰ মাৰ্কেটৰ প্ৰতিষ্ঠাতা ৰাধাকৃষ্ণণ ডামানিয়ে ফ’ৰ্বছৰ তালিকাত বিশ্বৰ ৮১ সংখ্যক ধনী ব্যক্তি ৰূপে পৰিগণিত হৈছে৷ ২০ বিলিয়ন মাৰ্কিন ড’লাৰেৰে ডামানি হৈছে ভাৰতৰ পঞ্চমগৰাকী ধনী ব্যক্তি৷
৭. লক্ষ্মী মিট্টাল
বিশ্বৰ সৰ্ববৃহৎ তীখা আৰু ষ্টীল খনন প্ৰতিষ্ঠান এৰ্চেল’ৰমিট্টালৰ অধ্যক্ষ লক্ষ্মী মিট্টাল হৈছে ভাৰতৰ ষষ্ঠ আৰু বিশ্বৰ ৮৯ সংখ্যক ধনাঢ্য ব্যক্তি৷ ফ’ৰ্বছৰ মতে তেওঁৰ সম্পত্তিৰ পৰিমাণ হৈছে ১৭.৯ বিলিয়ন মাৰ্কিন ড’লাৰ৷
৭. সাবিত্ৰী জিণ্ডালৰ পৰিয়াল
১৭.৭ বিলিয়ন মাৰ্কিন ড’লাৰ সম্পত্তিৰে ফ’ৰ্বছৰ মতে অ’পি জিণ্ডাল গ্ৰুপৰ মূল আধাৰ সাবিত্ৰী জিণ্ডাল আৰু তেওঁ পৰিয়ালে ভাৰতৰ সপ্তম আৰু বিশ্বৰ ৯২সংখ্যক ধনী ব্যক্তি হিচাপে চিহ্ণিত হৈছে৷ সাবিত্ৰী জিণ্ডাল হৈছে ভাৰতৰ একমাত্ৰ মহিলা যিয়ে ভাৰতৰ দহগৰাকী ধনী আৰু বিশ্বৰ ১০০ গৰাকী ধনী ব্যক্তিৰ মাজত স্থান লাভ কৰিছে৷
লগতে পঢ়ক সমুখ সমৰত BCCIৰ অধ্যক্ষ সৌৰভ গাংগুলী আৰু সচিব জয় শ্বাহ!
৮. কুমাৰ বিৰলা
আদিত্য বিৰলা গ্ৰুপৰ আদিত্য বিৰলা হৈছে ভাৰতৰ অষ্টমসংখ্যক ধনী ব্যক্তি৷ ১৬.৫ বিলিয়ন মাৰ্কিন ড’লাৰেৰে আদিত্য বিৰলাই বিশ্বৰ ১০৯ সংখ্য ধনী ব্যক্তি হিচাপে পৰিগণিত হৈছে৷
৯. দিলীপ ছাংভী
বিশ্বৰ সৰ্ববৃহৎ ঔষধ প্ৰতিষ্ঠান চান ফাৰ্মাচিউটিকেলছৰ মূল হোতা দিলীপ ছাংভী হৈছে ভাৰতৰ নৱম সংখ্যক ধনী ব্যক্তি৷ ফ’ৰ্বছৰ মতে ১৫.৬ বিলিয়ন মাৰ্কিন ড’লাৰ সম্পত্তিৰে ছাংভী হৈছে বিশ্বৰ ১১৫ সংখ্যক ধনী ব্যক্তি৷
১০. উদয় কটক
ভাৰতৰ দশম সংখ্যক ধনাঢ্য ব্যক্তিগৰাকী হৈছে কটক মাহিন্দ্ৰা বেংকৰ মূল হোতা উদয় কটক৷ ফ’ৰ্বছৰ তালিকাৰ মতে কটকৰ সম্পত্তিৰ পৰিমাণ হৈছে ১৪.৩ বিলিয়ন মাৰ্কিন ড’লাৰ৷ তেওঁ হৈছে বিশ্বৰ ১২৯ সংখ্যক ধনী ব্যক্তি৷
ইফালে ফ’ৰ্বছৰ বিশ্বৰ ধনাঢ্য ব্যক্তিৰ তালিকাত ভাৰতৰ আজিজ প্ৰেমজী, বাজাজ ভাতৃদ্বয়, ৰাকেশ ঝুনঝুৱালা, ফাল্গুণী নায়াৰসহ আন কে’বাগৰাকী ধন কুবেৰও স্থান লাভ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
