সোণতলীৰ পৰা নয়ান আলীঃ দক্ষিণ কামৰূপৰ জোৰশিমুলীত চাঞ্চল্যকৰ ঘটনা পোহৰলৈ আহিছে৷ শিক্ষকৰ দৰে পবিত্ৰ বৃত্তিত কালিমা হানি নাৰীদেহ ব্যৱসায়ত জৰিত হৈ পৰিছে এজন ভণ্ড শিক্ষক৷
এগৰাকী নাবালিকাক বিক্ৰীৰ উদ্দেশ্যে অপহৰণ কৰি লৈ যোৱাৰ পথত তহলদাৰী আৰক্ষীয়ে আটক কৰিলে ভণ্ড শিক্ষকসহ এজন যুৱকক৷ শিক্ষকসহ যুৱকজন সম্প্ৰতি জোৰশিমুলী আৰক্ষীৰ জালত৷
ঘটনাৰ বিৱৰণীৰ মতে ছয়গাঁৱৰ চৌধুৰীপামস্থিত হাজী আবেদ আলী হাইস্কুলৰ আৰবী বিষয়ৰ সহকাৰী শিক্ষক আনোৱাৰ হুছেইন নামৰ শিক্ষকজনে নিজ বিদ্যালয়ৰ নাবালিকা ছাত্ৰী এজনীক যুৱক এজনৰ প্ৰেমৰ জালত পেলাই বিয়াৰ প্ৰলোভন দি অপহৰণ কৰিছিল৷
লগতে পঢ়ক ২০২৪ত মোদী নে কেজৰিৱাল? কি ক’লে অৰবিন্দ কেজৰিৱালে?
পিছত শিক্ষক আনোৱাৰ হুছেইনে যুৱক আমজাদ আলীৰ সৈতে বহিঃৰাজ্যলৈ পঠোৱাৰ ব্যৱস্থা কৰিছিল৷ এই সমস্ত ঘটনাৰ উমান পাইছিল নাবালিকা ছাত্ৰীগৰাকীয়ে ৷
আৰবী শিক্ষক আনোৱাৰ হুছেইনে নাৰী ব্যৱসায়ীৰ লগত ফোনযোগে কথা বতৰা পতাত চিঞৰ-বাখৰ কৰিছিল নাবালিকা ছাত্ৰীগৰাকীয়ে৷
নিশাৰ ভাগত নাবালিকাগৰাকীক গুৱাহাটীলৈ নিয়াৰ পথত জোৰশিমুলী আৰক্ষী চকীৰ ভাৰপ্ৰাপ্ত আৰক্ষী বিষয়া নৱজিৎ ডেকাৰ নেতৃত্বত যোৱা তহলদাৰী আৰক্ষীৰ দল এটাই ভণ্ড শিক্ষক আনোৱাৰ হুছেইনসহ যুৱক আমজাদ আলীক আটক কৰিবলৈ সক্ষম হয়৷
লগতে পঢ়ক সাৱধান হওক : দেশত পুনৰ বৃদ্ধি পাইছে কোভিড আক্ৰান্ত আৰু মৃতকৰ সংখ্যা
নাবালিকা ছাত্ৰীগৰাকীয়ে প্ৰদান কৰা ভাষ্য মতে আজি জোৰশিমুলী আৰক্ষীয়ে শিক্ষক আনোৱাৰ হুছেইনৰ লগতে যুৱক আমজাদ আলীক জিম্মাত ৰাখি জেৰা অব্যাহত ৰাখিছে৷
ইফালে শিক্ষকজনৰ সৈতে যুৱকজনক কাইলৈ জেল হাজোতলৈ প্ৰেৰণ কৰিব বুলি আৰক্ষী সুত্ৰে প্ৰকাশ কৰিছে৷
শিক্ষকৰ দৰে পবিত্ৰ বৃত্তিক তথা সমগ্ৰ শিক্ষক সমাজক কলংক হানি এনে নাৰী ব্যৱসায়ৰ দৰে নিকৃষ্ট কাণ্ড কৰাত লম্পট শিক্ষকজনক সৰ্বত্ৰে ধিক্কাৰ দিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
