পঞ্জাৱ বিধানসভা নিৰ্বাচনত আম আদমি পাৰ্টিয়ে দৃষ্টান্তমূলক প্ৰদৰ্শন কৰাৰ পিছতে দলটোৰ ৰাজনৈতিক উচ্চাকাংশা বৃদ্ধি পোৱা পৰিলক্ষিত হৈছে৷ ইয়াৰ পিছতে দলটোৱে আগন্তুক হিমাচল প্ৰদেশ আৰু প্ৰধানমন্ত্ৰী নৰেন্দ্ৰ মোদীৰ গৃহৰাজ্য গুজৰাট দখল কৰাৰ বাবে প্ৰস্তুতি চলাইছে৷
ৰাষ্ট্ৰীয় সংবাদ সংস্থা এনডিটিভৰ এক সাক্ষাৎকাৰত আম আদমি পাৰ্টিৰ মুখ্য আহ্বায়ক তথা দিল্লীৰ মুখ্যমন্ত্ৰী অৰবিন্দ কেজৰিৱালে কয় যে তেওঁৰ দলে দিল্লীৰ পিছতে পঞ্জাৱত ক্ষমতা দখলৰ পিছতে দেশৰ অন্যান্য ৰাজ্যলৈ তেওঁৰ দলক সম্প্ৰসাৰিত কৰিব বিচাৰিছে৷
ইতিমধ্যে অৰবিন্দ কেজৰিৱালে গুজৰাট আৰু হিমাচল প্ৰদেশত ৰণদুন্দুভি বজাইছে৷ দুয়োখন ৰাজ্যতে কেজৰিৱালৰ অনুষ্ঠান বিপুল জন সমাগম হোৱা পৰিলক্ষিত হৈছে৷
লগতে পঢ়ক পুটিনক বলে নোৱাৰি দুই পুটিন কন্যাক লক্ষ্য আমেৰিকাৰ! নিষেধাজ্ঞা জাৰি বাইডেন প্ৰশাসনৰ
ইফালে ২০২৪ চনৰ লোকসভাৰ সাধাৰণ নিৰ্বাচন সম্পৰ্কে কৰাৰ প্ৰশ্নোত্তৰত দিল্লীৰ মুখ্যমন্ত্ৰীগৰাকীয়ে কৌশলপূৰ্ণ স্থিতি গ্ৰহণ কৰা দেখা যায়৷
কংগ্ৰেছক দেশৰ প্ৰধান বিৰোধী দল হিচাপে লৈ ২০২৪ চনৰ লোকসভা নিৰ্বাচনত প্ৰধানমন্ত্ৰী নৰেন্দ্ৰ মোডীৰ বিৰুদ্ধে মোকাবিলা কৰিবলৈ তেওঁ দলে কিবা পৰিকল্পনা কৰিছে নেকি বুলি সোধা এক প্ৰশ্নৰ পৰা কেজৰিৱালে আঁতৰি যায়।
ইয়াৰ উত্তৰত অৰবিন্দ কেজৰিৱালে কয় যে ‘সকলো জনতাৰ ওপৰত৷ জনতাই হৈছে সৰ্বোচ্চ৷’
লগতে পঢ়ক এইবাৰ চীনা সৈন্যৰ নহয়, লাডাখৰ পাৱাৰ গ্ৰীডত চীনা চাইবাৰ আক্ৰমণ!
২০১৪ চনত বাৰাণসীত প্ৰধানমন্ত্ৰী নৰেন্দ্ৰ মোদীৰ বিৰুদ্ধে প্ৰতিদ্বন্দ্বিতা কৰাৰ দৰেই ২০২৪ তো তেওঁ প্ৰধানমন্ত্ৰী মোদীৰ বিৰুদ্ধে অৱতীৰ্ণ হ’ব বুলি এক প্ৰশ্ন কৰা হৈছিল৷ উক্ত প্ৰশ্নোত্তৰ পোনপতীয়াকৈ নিদি কেজৰিৱালে কয় যে ‘প্ৰতিটো সময়েই বেলেগ বেলেগ’৷
তেওঁ লগতে কয় ‘‘মোৰ জীৱনৰ কৰ্মসূচী মোদীক পৰাভূত কৰিবলৈ নহয়৷ যেতিয়াই আমি ক্ষমতালৈ আহিম, তেতিয়া মোৰ একমাত্ৰ লক্ষ্য হৈছে দেশখন আগুৱাই লৈ যোৱা৷’’ অৰবিন্দ কেজৰিৱালে কয়৷
তেওঁৰ দলক কেৱল এটা দলে নহয় বুলি উল্লেখ কৰি আপ এটা দৰ্শন বুলিও অভিহিত কৰিছে৷ এই দৰ্শনক বিশ্বৰ ভিতৰতে ভাৰতক ১ নম্বৰ দেশৰূপে প্ৰতিষ্ঠা কৰাৰ দৰ্শন বুলি কয় অৰবিন্দ কেজৰিৱালে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
