চীনে পৃষ্ঠপোষকতা কৰা চাইবাৰ আক্ৰমণকাৰীয়ে ভাৰত আৰু চীন সীমান্তৰ লাডাখনৰ ভাৰতৰ পাৱাৰ গ্ৰীডত চাইবাৰ আক্ৰমণ সংঘটিত কৰিছে৷
বুধবাৰে এক ব্যক্তিগত চোৰাংচোৱা সংস্থাই এই দাবী কৰিছে৷ সংস্থাটোৰ মতে বিগত বৰ্ষৰ আগষ্ট মাহৰ পৰা মাৰ্চ মাহলৈ চীনৰ চাইবাৰ আক্ৰমণকাৰীয়ে লাডাখৰ সমীপত থকা ভাৰতীয় পাৱাৰ গ্ৰীডত আক্ৰমণ কৰিছিল৷
সংস্থাটোৱে প্ৰকাশ কৰা মতে শেহতীয়া মাহবোৰত সংশ্লিষ্ট ৰাজ্যসমূহৰ গ্ৰীড নিয়ন্ত্ৰণ আৰু বিদ্যুৎ প্ৰেৰণৰ বাবে দায়বদ্ধ কমেও সাতটা ভাৰতীয় লোড প্ৰেৰণ কেন্দ্ৰ(RLDC)ক চাইবাৰ নেটৱৰ্কে লক্ষ্য কৰি লোৱা দেখা গৈছে৷
লগতে পঢ়ক সূৰ্যৰ ফিলামেণ্ট বিস্ফোৰণ! পৃথিৱীলৈ আহিব ভূ-চুম্বকীয় ধুমুহা!
তেওঁলোকে প্ৰকাশ কৰা মতে লক্ষ্য হোৱা এছএলডিচিবোৰ বিতৰ্কিত ভাৰত-চীন সীমান্তৰ লাডাখৰ ওচৰত অৱস্থিত।
ব্যক্তিগত চোৰাংচোৱা সংস্থাটোৱে লগতে প্ৰকাশ কৰিছে যে তেওঁলোকৰ অনুসন্ধানৰ মতে এই চাইবাৰ আক্ৰমণ যোৱা বছৰৰ আগষ্ট মাহৰ পৰা চলিত বছৰৰ মাৰ্চ মাহলৈ অব্যাহত আছিল৷ চীনৰ চাইবাৰ আক্ৰমণকাৰীয়ে ইণ্ডিয়ান ল’ড ডিছপেটছ চেণ্টাৰ্ছসমূহত চাৰ্ভাৰ নিজৰ নিয়ন্ত্ৰণলৈ নি সমগ্ৰ বিশ্বতে ইয়াক বিয়পাই দিয়াৰ লক্ষ্য কৰি লৈছিল৷
সংস্থাটোৱে প্ৰতিবেদন প্ৰকাশ কৰাৰ পূৰ্বে এই বিষয়ে তেওঁলোকে ভাৰত চৰকাৰক সতৰ্ক কৰি দিয়া বুলিও প্ৰকাশ কৰিছে৷
লগতে পঢ়ক এপ্ৰিলত দেশৰ কোন কোন অঞ্চলত উষ্ণতা বৃদ্ধি পাব!
উল্লেখ্য যে ভাৰত চীনৰ মাজত ৩৫০০ কিলোমিটাৰ সীমান্তৰ বিবাদ চলি আহিছে, যাৰ বাবে ১৯৬২ চনত চীনে ভাৰত আক্ৰমণ কৰিছিল৷ ইয়াৰ পিছৰে পৰা ভাৰত আৰু চীনৰ মাজত সীমান্তৰ বিবাদকলৈ মাজে মাজে উত্তেজনা বৃদ্ধি হৈ আহিছে৷
আনকি ২০২২ চনৰ জুনত লাডাখৰ ভাৰত চীন সীমান্তৰ গালৱান উপত্যকাত দুয়ো দেশৰ সেনাৰ মাজত মুখামুখি সংঘৰ্ষৰ সৃষ্টি হৈছিল৷ য’ত ২০ গৰাকী ভাৰতীয় সেনাৰ মৃত্যু হৈছিল৷ চীনে সেই সংঘৰ্ষত কিমান চীনা সৈন্যৰ মৃত্যু হৈছিল সেই তথ্য চৰকাৰীভাৱে প্ৰকাশ নকৰিলেও প্ৰায় ৪০ গৰাকী চীনা সৈন্যৰ মৃত্যু হোৱা বুলি দাবী কৰা হৈছিল৷
সেই সংঘৰ্ষৰ পিছতে দুই দেশৰ সীমান্তকলৈ উত্তেজনা বৃদ্ধি পাই আৰু উত্তেজনা প্ৰশমন কৰিবলৈ দুয়ো দেশৰ সেনাৰ কামাণ্ডাৰ পৰ্যায়ৰ কেবালানিও বৈঠক অনুষ্ঠিত হৈ আহিছে৷ কিন্তু ইয়াৰ মাজতে চীনা চাইবাৰ হেকাৰে উক্ত অঞ্চলত থকা ভাৰতীয় পাৱাৰ গ্ৰীডত চাইবাৰ আক্ৰমণ সংঘটিত কৰা কাণ্ডই দুয়ো দেশৰ সীমান্তৰ বিবাদক নতুন মোৰ দিব বুলি আশংকা কৰা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
