ভাৰতত আৰক্ষীৰ বিৰুদ্ধে এটা অতি পৰিচিত অভিযোগ আছে৷ অভিযোগটো সমগ্ৰ দেশৰ ৰাজ্যসমূহৰ আৰক্ষীৰ বিৰুদ্ধেই আছে৷
সেই অভিযোগটো হৈছে আৰক্ষীয়ে এজাহাৰ পঞ্জীয়ন নকৰা৷ হয়, বহু সময়ত সাধাৰণ নাগৰিকে আৰক্ষী থানাত এজাহাৰ দাখিল কৰিলে আৰক্ষীয়ে গোচৰটো পঞ্জীয়ন নকৰি গোচৰীয়া পক্ষকহে হাৰাশাস্তি কৰা দেখা যায়৷
গোচৰীয়াৰ ওপৰত মানসিক চাপ বৃদ্ধি কৰাৰ লগতে ভাবুকি আদিও প্ৰদান কৰা দেখা যায়৷ জনহিৰ্থাতে সেৱা আগবঢ়োৱা আৰক্ষীৰ এনে ভূমিকাত সাধাৰণ লোকে হাৰাশাস্তি ভোগাই নহয়, আৰ্থিক ক্ষতিও সন্মুখীন হৈ আহিছে৷
লগতে পঢ়ক শ্ৰীলংকাৰ পিছতে পাল পাকিস্তানৰ! ইয়াৰ পিছত পাল কোন কোন ৰাষ্ট্ৰৰ?
আৰক্ষীয়ে এনে কৰিলে সাধাৰণ নাগৰিকে কাৰো ওপৰত ভৰসা কৰিব নোৱাৰা হৈ পৰে৷ যদি আপোনাৰ ক্ষেত্ৰতো আৰক্ষীয়ে এনে কৰে তেতিয়া আপুনি কি কৰিব? সেই বিষয়ে তলত অতি সংক্ষেপে উল্লেখ কৰা হৈছে৷
যদি আৰক্ষীয়ে এজাহাৰ পঞ্জীয়ন কৰিবলৈ অস্বীকাৰ কৰে, তেনে ক্ষেত্ৰত ক্ষতিগ্ৰস্ত তথা গোচৰীয়া পক্ষৰ অপৰাধমূলক বা আন তেনে কোনো অভিযোগৰ বিৰুদ্ধে পদক্ষেপ ল’বলৈ সাধাৰণ নাগৰিকৰ কেইবাটাও অধিকাৰ আছে।
তেনে অৱস্থাত ভুক্তভোগীয়ে স্থানীয় দণ্ডাধীশ বা স্থানীয় আদালতৰ কাষ চাপি অভিযোগ দাখিল কৰিব পাৰে।
লগতে পঢ়ক বিবাহৰ উপহাৰ বিস্ফোৰণ, আহত ভতিজাসহ নৱবিবাহিত দৰা
আপোনাৰ অধিকাৰ কি?
১. যদি আপুনি থানাত FIR পঞ্জীয়ন কৰিব নোৱাৰে, তেন্তে আপুনি চিআৰপিচি ১৫৬ (৩) ১৯৭৩ৰ অধীনত স্থানীয় দণ্ডাধীশৰ কাষ চাপিব পাৰে। এই ধাৰা অনুসৰি এজন দণ্ডাধীশক তদন্তৰ নিৰ্দেশ দিবলৈ ক্ষমতা প্ৰদান কৰা হৈছে।
২. এজন দণ্ডাধীশে অভিযোগৰ জ্ঞাত হোৱাৰ পিছতে আৰক্ষীক গোচৰটোৰ তদন্ত কৰি প্ৰতিবেদন দাখিল কৰিবলৈ ক’ব পাৰে। যদি তেনে কোনো অভিযোগ পোৱা যায়, তেন্তে দণ্ডাধীশে ভাৰপ্ৰাপ্ত আৰক্ষী চকীক এজাহাৰ দাখিল কৰি গোচৰটোৰ পুংখানুপুংখভাৱে তদন্ত কৰিবলৈ নিৰ্দেশ দিব পাৰে।
৩. যদি দণ্ডাধীশ আদালতে আপোনাৰ অভিযোগৰ প্ৰতি লক্ষ্য ৰাখিবলৈ অস্বীকাৰ কৰে৷ তেন্তে আপুনি ধাৰা ২২-(এ)(৬), চি আৰ পি চিৰ অধীনত সত্ৰ ন্যায়াধীশৰ আদালত অপৰাধমূলক গোচৰ পঞ্জীয়ন নকৰা বা আৰক্ষী কৰ্তৃপক্ষৰ গাফিলতিৰ সন্দৰ্ভত অভিযোগ দাখিল কৰিব পাৰে৷ এই ক্ষেত্ৰত আদালতে আৰক্ষী কৰ্তৃপক্ষক উপযুক্ত নিৰ্দেশনা জাৰি কৰিব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
