উদ্ভিদবিধৰ বৈজ্ঞানিক নাম Nepenthes Bokorensis ৷ অৱশ্যে বেছিভাগ মানুহেই ইয়াক ‘পেনিছ ফ্লাই ট্ৰেপ’ বুলিহে জানে। সুপৰিচিত কীটভোজী উদ্ভিদবিধে আকৌ পোক-পৰুৱা আৰু কেঁচু খায়।
কিন্তু আচৰিত কথাটো হ’ল যে উদ্ভিদে খাদ্য সংগ্ৰহ কৰা অংগটো অলপ পুৰুষৰ যৌনাংগৰ দৰেই দেখা যায়। কম্বোডিয়াত প্ৰচুৰ পৰিমাণে পোৱা এই উদ্ভিদবিধে এইবাৰ সংবাদ মাধ্যমত বিশেষ চৰ্চা লাভ দেখা গৈছে।
হঠাতে কম্বোডিয়াৰ বকো পাহাৰৰ এটা ভিডিঅ’ ভাইৰেল হোৱাৰ পিছতে এই উদ্ভিদবিধে সংবাদ মাধ্যমৰ চৰ্চাৰ কেন্দ্ৰবিন্দু হৈ পৰিছে। ভিডিঅ’টোত দেখা পোৱা গৈছে কেইগৰাকীমান উৎসাহী যুৱতীয়ে এই উদ্ভিদৰ পৰা ফুল ছিঙিছে।
লগতে পঢ়ক পৰ্ণ ছবিৰ পিছত পুনৰ বেআইনী কামকাজ! আকৌ সংকটত শিল্পাৰ স্বামী ৰাজ কুন্দ্ৰা
তেওঁলোকে পুৰুষৰ যৌনাংগৰ দৰে আকৃতিৰ এই উদ্ভিদৰ ফুলবিধক ছিঙি তেওঁলোকৰ গালত ঘঁহি থকাও দেখা গৈছে।
এবিধ বিৰল প্ৰজাতিৰ উদ্ভিদক নষ্ট কৰি পেলোৱাৰ এই ভিডিঅ’টো দেখি হতভম্ব হৈ পৰিছে পৰিৱেশবিদসকল। ভিডিঅ’টো দেখাৰ লগে লগে পৰিৱেশবিদসকলে তীব্ৰ গৰিহণাৰ দিছে। একপ্ৰকাৰৰ গৰিহণাৰ ধলেই বৈছে৷
পৰিৱেশবিদসকলৰ এই সচেতন প্ৰয়াসৰ পিছতে শেষত কম্বোডিয়াৰ পৰিৱেশ মন্ত্ৰালয়ে সমগ্ৰ ঘটনাটোৰ ওপৰত আনুষ্ঠানিক বিবৃতি প্ৰকাশ কৰিবলৈ বাধ্য হয়।
লগতে পঢ়ক চকু আছিল পঞ্জাৱ মুখ্যমন্ত্ৰীৰ গাদীত, ঠিকনা হ’লগৈ জে’লৰ অন্ধকাৰ কুঠৰী
বিবৃতিটোত কোৱা হৈছে যে ‘‘পৰিৱেশৰ এই সম্পদবিদক ভালপোৱাৰ বাবে ধন্যবাদ। কিন্তু অনুগ্ৰহ কৰি সেইবোৰ ছিঙি নষ্ট নকৰিব। আপোনালোকে যি কৰি আছে সেয়া একেবাৰেই সঠিক হোৱা নাই। ভৱিষ্যতে এনে কাৰ্যৰ পৰা আঁতৰত থাকক।’’
বিশেষজ্ঞসকলে কয় যে যদিও প্ৰথম অৱস্থাত লিংগৰ সদৃশ অংশটো ফুলৰ দৰে দেখা যায়, তথাপিও ই একেবাৰে ফুল নহয়, বৰঞ্চ ৰূপান্তৰিত পাতহে। এই অংগটোৰ জৰিয়তে উদ্ভিদে খাদ্য সংগ্ৰহ কৰে।
এই অংশত সুগন্ধি যুক্ত কিছুমান উপাদান থাকে। এই সুগন্ধিৰ টানত পোক-পৰুৱাই আহি পৰেহি আৰু তেতিয়াই ঢাকনিৰ দৰে থকা ইয়াৰ অংশটো বন্ধ হৈ পোক-পৰুৱাবোৰক ভক্ষণ কৰে। তাৰ পিছত অংগটোৰ ভিতৰত একাধিক তৰল পদাৰ্থ নিঃসৰণ হয়। ইয়াত আবদ্ধ হৈ থকা পোকবিধ এইদৰেই হজম হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
