বলীউদত যি বিয়াৰ জোৱাৰ উঠিছে, সেই জোৱাৰ এতিয়াও শেষ হোৱা নাই। কেটৰিনা কাইফ-বিকি কৌশল, আলিয়া ভাট-ৰণবীৰ কাপুৰ আদি বহুকেইগৰাকী চেলিব্ৰিটীৰ বিয়াৰ পিছত এতিয়া অৰ্জুন কাপুৰ আৰু মালাইকা অৰোৱাও বিয়াৰ বাবে মন মেলিছে।
বলীউদ লাইফৰ এক প্ৰতিবেদন অনুসৰি, তেওঁলোকে ২০২২ চনৰ নৱেম্বৰ বা ডিচেম্বৰত বিবাহ পাশত আবদ্ধ হোৱাৰ সিদ্ধান্ত লৈছে। প্ৰতিবেদনখনত কোৱা হৈছে যে অৰ্জুন আৰু মালাইকা ইজনে সিজনৰ প্ৰেমত মচগুল, দুয়োৱে হৃদয়ৰ গভীৰৰ পৰা গঢ় দিয়া ভালপোৱাক আন এটা সম্পৰ্কলৈ আগুৱাই নিব বিচাৰে।
প্ৰতিবেদনৰ অনুসৰি তেওঁলোকে মুম্বাইত শীতকালীন বিবাহ কৰিব পাৰে। মালাইকা আৰু অৰ্জুন দুয়োৱে শীতকাল ভাল পায়, সেয়েহে তেওঁলোকে নৱেম্বৰ বা ডিচেম্বৰত বিবাহ পাশত আবদ্ধ হোৱাৰ সিদ্ধান্ত লৈছে।
লগতে পঢ়ক কিয় সংবাদ মাধ্যমৰ চৰ্চাৰ কেন্দ্ৰবিন্দু হৈছে উদ্ভিদৰ পুৰুষৰ যৌনাংগ আকৃতিৰ অংগ?
দুয়োজনে তেওঁলোকৰ বিয়াখন সাধাৰণভাৱে পাতিব পাৰে। কেৱল পৰিয়াল আৰু বন্ধুবৰ্গক বিয়ালৈ নিমন্ত্ৰণ কৰিব। বিবাহ অনুষ্ঠানত মালাইকাৰ বিশেষ বন্ধু হ’ব পৰিয়ালৰ সদস্যসকলৰ উপৰি কৰীণা আৰু কৰিশ্মা।
উল্লেখ্য যে জানুৱাৰীত দুয়োৰে মাজত বিচ্ছেদৰ উৰাবাতৰি ওলাইছিল। কোৱা হৈছিল যে ৪ বছৰৰ পিছত দুয়োৰে মাজৰ সম্পৰ্ক ভাঙোন আৰম্ভ হৈছে। পিছত সেয়া মিছা বুলি প্ৰকাশ পাইছিল। তেওঁলোকৰ ফটো ছ’চিয়েল মিডিয়াত একেলগে শ্বেয়াৰ কৰি ইয়াৰ সত্যতা নুই কৰিছিল।
এই সম্পৰ্ক এতিয়া বিবাহলৈ গতি কৰিছে বুলি বলীউদ লাইফে দাবী কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
