কৰোনাৰ মহামাৰীৰ সংক্ৰমণ কিছু ক্ষান্ত হোৱাৰ সময়তে ইউৰোপ আৰু আমেৰিকাৰ দেশসমূহত মাংকি পক্সৰ ৰোগী চিনাক্ত কৰা হৈছে৷ ফলত কোভিড১৯ মহামাৰীৰ মাজতে বিশ্ব স্বাস্থ্য সংস্থাকে ধৰি ইউৰোপ আৰু আফ্ৰিকান ৰাষ্ট্ৰসমূহৰ স্বাস্থ্য বিভাগসমূহক চিন্তিত কৰি তোলা দেখা গৈছে৷
আফ্ৰিকা মহাদেশৰ পৰা সংক্ৰমণ এই ৰোগে ইউৰোপতো সামান্য পৰিমাণে বিস্তাৰ হোৱা দেখা গৈছে৷ ইউৰোপৰ দেশসমূহত এনে ৰোগীৰ সংক্ৰমিত লোকৰ সংস্পৰ্শলৈ নহাকৈও সংক্ৰমিত হোৱাত দেশসমূহৰ স্বাস্থ্য কৰ্তৃপক্ষসমূহক চিন্তিত কৰি তুলিছে৷
আফ্ৰিকাত যথেষ্ট পৰিমাণে এই ৰোগৰ পাৰ্দুভাৱ দেখা গ’লেও আফ্ৰিকালৈ নোযোৱা লোক বিশেষকৈ ইউৰোপৰ যুৱক-যুৱতীসকলৰ মাজত এতিয়া এই ৰোগ বিয়পি পৰিলেও অৱশ্যে সাধাৰণ জনতাৰ বাবে এই ৰোগ কৰোনাৰ দৰে বিপদজনক নহয় বুলিও স্বাস্থ্য বিষয়াসকলে মত প্ৰকাশ কৰিছে৷
লগতে পঢ়ক ঋতুস্ৰাৱ বন্ধ মানে গৰ্ভধাৰণ নহয়, গৰ্ভধাৰণৰ প্ৰাথমিক লক্ষণসমূহ কি কি?
ৰোডেন্ট আৰু প্ৰাইমেটৰ দৰে বন্যপ্ৰাণীৰ পৰা উৎপত্তি হোৱা এটা ভাইৰাছ হৈছে মাংকিপক্স, আৰু এই ভাইৰাছে মাজে মাজে মানুহৰ শৰীৰতো সংক্ৰমিত হয়। মাংকি পক্সৰ অধিকাংশ ৰোগী মধ্য আৰু পশ্চিম আফ্ৰিকাত পোৱা গৈছে৷ অৱশ্যে আফ্ৰিকাত ইয়াৰ প্ৰাদুৰ্ভাৱ বেছি যদিও উত্তৰ কৰোনাকালত ইউৰোপৰ দেশসমূহে ইয়াক সহজভাৱে গ্ৰহণ কৰা নাই৷ সেয়ে ইউৰোপৰ দেশসমূহে বিশেষ পদক্ষেপ গ্ৰহণ কৰা দেখা গৈছে৷
> ইউৰোপত এই ৰোগৰ প্ৰাদুৰ্ভাৱ বৃদ্ধি পোৱাৰ লগে লগে স্পেইনৰ স্বাস্থ্য বিষয়াসকলে ৭টা বান্দৰ পক্সত আক্ৰান্ত হোৱাৰ বাতৰি প্ৰকাশ কৰিছে আৰু বৃহস্পতিবাৰে পৰ্তুগালটো নিশ্চিত আক্ৰান্তৰ সংখ্যা ১৪ টালৈ বৃদ্ধি পাইছে।
স্পেইনত বৰ্তমানলৈকে ৰিপ’ৰ্ট কৰা সকলোবোৰ আক্ৰান্ত মাদ্ৰিদৰ আৰু তেওঁলোক আটাইসকল পুৰু। আঞ্চলিক স্বাস্থ্য বিভাগৰ এণ্টনিঅ’ জাপাটেৰ’ই জনোৱা মতে, স্বাস্থ্য বিষয়াসকলে বৰ্তমান আৰু ২২ জন সন্দেহযুক্ত ৰোগীৰ পৰীক্ষা কৰি আছে।
লগতে পঢ়ক কিয় সংবাদ মাধ্যমৰ চৰ্চাৰ কেন্দ্ৰবিন্দু হৈছে উদ্ভিদৰ পুৰুষৰ যৌনাংগ আকৃতিৰ অংগ?
> ইটালীয়ে বৃহস্পতিবাৰে প্ৰথমবাৰৰ বাবে মাংকি পক্সত আক্ৰান্ত হোৱাৰ বাতৰি প্ৰকাশ পাইছে, ইউৰোপ আৰু উত্তৰ আমেৰিকাৰ আন কেইবাখনো দেশৰ সৈতে যোগ দি আফ্ৰিকাৰ কিছু অংশত স্থানীয়ভাৱে হোৱা এই ৰোগ ধৰা পেলাবলৈ সক্ষম হৈছে।
ছুইডেনত এজন মাংকি পক্সত আক্ৰান্ত হোৱা বুলি নিশ্চিত হৈছে।মাৰ্কিন যুক্তৰাষ্ট্ৰত এই পৰ্যন্ত ৯ জন লোক মাংকি পক্সত আক্ৰান্ত হৈছে।
> বৃহস্পতিবাৰে কানাডাত প্ৰথম দুজন লোক আক্ৰান্ত হৈছে। কৰ্তৃপক্ষই জনোৱা মতে, মণ্ট্ৰিয়েলত আন কমেও ১৭টা সন্দেহযুক্ত মাংকি পক্সৰ পৰীক্ষা নিৰীক্ষা চলি আছে।
এদিন পূৰ্বে আমেৰিকাৰ মেছাচুচেটছত শেহতীয়াকৈ কানাডালৈ যোৱা এজন লোকৰ দেহত মাংকি পক্স হোৱাৰ বাতৰি পোৱা গৈছে।
লগতে পঢ়ক আলিংগনৰ সুখ! পুৰুষ মহিলা কোন বেছি উপকৃত হয় আলিংগনত? সমীক্ষাই কি কয়?
> অষ্ট্ৰেলিয়াই শুকুৰবাৰে প্ৰকাশ কৰা মতে, ইউৰোপৰ পৰা অহা এজন ভ্ৰমণকাৰীৰ মাজত মাংকি পক্সৰ সম্ভাৱ্য ৰোগী চিনাক্ত কৰা হৈছে, আৰু নিশ্চিতকৰণ পৰীক্ষা চলি আছে।
উল্লেখ্য যে ১৯৫৮ চনত এই ৰোগটো প্ৰথমবাৰৰ বাবে বিজ্ঞানীসকলে চিনাক্ত কৰিছিল৷ তেতিয়া গৱেষণামূলক বান্দৰৰ মাজত “পক্স সদৃশ” ৰোগৰ দুটা প্ৰাদুৰ্ভাৱ দেখা গৈছিল — এইদৰে, ইয়াৰ নাম মাংকি পক্স ৰখা হয়।
আনহাতে, ১৯৭০ চনত প্ৰথমবাৰৰ বাবে এই ভাইৰাছে মানৱ শৰীৰত সংক্ৰমণ হোৱা বুলি জনা গৈছিল৷ আফ্ৰিকাৰ কংগোৰ এটা দুৰ্গম অঞ্চলৰ এজন ৯ বছৰীয়া শিশুৰ শৰীৰত প্ৰথম এই ভাইৰাছৰ সংক্ৰমণ দেখা গৈছিল৷ সাধাৰণতে জ্বৰ, পেশীৰ বিষ, লিম্ফ ন’ড ফুলা, ঠাণ্ডা, ক্লান্তি, হাত আৰু মুখত ফোহা আদিৰ জৰিয়তে এই বিৰল ৰোগৰ লক্ষণ প্ৰকাশ পায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
