ইতিমধ্যে ভাৰতীয় অসামৰিক সেৱাৰ পৰীক্ষাৰ চূড়ান্ত ফলাফল ঘোষণা কৰা হৈছে৷ এইবাৰ অসামৰিক সেৱাৰ বাবে নিৰ্বাচিত প্ৰাৰ্থীসকলৰ ভিতৰত মহিলা প্ৰাৰ্থীসকলে বিশেষ দৃষ্টি আকৰ্ষণ কৰিবলৈ সক্ষম হৈছে৷
ইয়াৰ মাজতে শিৱাংগী গোৱেল নামৰ মহিলা প্ৰাৰ্থীগৰাকীয়ে দেশবাসীৰ বিশেষ দৃষ্টি আকৰ্ষণ কৰিছে৷ দেশৰ ভিতৰতে ১৭৭ সংখ্যক স্থান লাভ কৰা শিৱাংগীয়ে এক সাক্ষাৎকাৰত তেওঁ গাৰ্হস্থ্য হিংসাৰ বলি হৈ স্বামী গৃহ ত্যাগ কৰিবলৈ বাধ্য হোৱা বুলি প্ৰকাশ কৰিছে৷
লগতে পঢ়ক ৰাম মন্দিৰৰ গৰ্ভগৃহৰ আধাৰশিলা উদ্বোধন যোগীৰ : আৰু কি কি কৰিব ৰাম মন্দিৰত?
উত্তৰ প্ৰদেশৰ হাপুড়ৰ পিলখুৱা নিৱাসী শিৱাংগীয়ে স্বামী আৰু স্বামী গৃহৰ শাৰীৰিক আৰু মানসিক অত্যাচাৰ সহ্য কৰিব নোৱাৰি স্বামী গৃহ ত্যাগ কৰা সৰ্বভাৰতীয় অসামৰিক পৰীক্ষাত সফলতা লাভ কৰিছে৷
বিয়াৰ পূৰ্বেও শিৱাংগীয়ে দুবাৰকৈ অসামৰিক সেৱাৰ পৰীক্ষাত অৱতীৰ্ণ হৈছিল যদিও ব্যৰ্থ হয়৷ ইয়াৰ পিছতে পিতৃ আৰু মাতৃয়ে কন্যাসহ শিৱাংগীক ২০১৯ চনত স্বামী গৃহৰ পৰা নিজ গৃহলৈ লৈ আনে৷
লগতে পঢ়ক কেনেকৈ হত্যা কৰা হৈছিল পাঞ্জাবৰ জনপ্ৰিয় গায়ক সিদ্ধু মুছৱালাক? হত্যাকাণ্ডৰ A to Z জানিবলৈ পঢ়ক
পিতৃ-মাতৃ আৰু সাত বছৰীয়া কন্যাই তেওঁৰ ওপৰত ৰখা বিশ্বাস আৰু আস্থাৰ বাবে এইবাৰ অসামৰিক পৰীক্ষাত অৱতীৰ্ণ হৈ সফল হোৱা বুলি শিৱাংগীয়ে দাবী কৰিছে৷ শিৱাংগীৰ মতে এটা সময়ত তেওঁ জীৱনৰ লক্ষ্য আৰু আৰু উদ্দেশ্য প্ৰায় হেৰুওৱাই পেলাইছিল৷ কিন্তু পিতৃ-মাতৃ আৰু নিজৰ কন্যাৰ তেওঁৰ ওপৰত আস্থা আৰু বিশ্বাসী শিৱাংগীক আত্মবিশ্বাসী কৰি তোলে৷
এই সফলতাৰ কৃতিত্ব নিজ পিতৃ-মাতৃ আৰু সাত বছৰীয়া সন্তানটিক দিয়া শিৱাংগীয়ে দিল্লী বিশ্ববিদ্যালয়ৰ পৰা সমাজ বিজ্ঞানত স্নাতক ডিগ্ৰী লাভ কৰিছিল৷ ইয়াৰ পিছতে কোনো ধৰণৰ ক’ৰ্ছিং অবিহনে নিজে প্ৰস্তুতি চলাই শিৱাংগীয়ে অৱশেষত সাফল্য লাভ কৰে৷
তেওঁৰ এই কৃতিত্বৰ পিছত সংবাদ মাধ্যমৰ সৈতে বাৰ্তালাপ কৰি শিৱাংগীয়ে কয় যে যিসকল মহিলাই গাৰ্হস্থ্য হিংসাৰ বলি হৈ আহিছে, তেওঁলোকে ভাগি পৰাৰ কোনো প্ৰয়োজন নাই। অলপ প্ৰচেষ্টা আৰু সাধনাৰে তেওঁলোকেও লক্ষ্য স্পৰ্শ কৰিবলৈ সক্ষম হ’ব বুলি মন্তব্য কৰে শিৱাংগীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
