অসমৰ কাজিৰঙা ৰাষ্ট্ৰীয় উদ্যানত বাহনৰ গতিবেগ ধৰা পেলাবলৈ ৰেংলীৰ পৰা বৰজুৰিলৈকে উদ্যানখনত চেন্সৰ চিচিটিভি কেমেৰা স্থাপন কৰা হৈছে। বনাঞ্চলত বাহনৰ গতিবেগ ৪০ কিলোমিটাৰ প্ৰতি ঘণ্টাত নিৰ্ধাৰণ কৰা হৈছে। দুৰ্ঘটনাত যাতে জীৱ-জন্তুৰ মৃত্যু নহয় আৰু উদ্যানখনত কোনো ধৰণৰ বিৰূপ প্ৰভাৱ নপৰে তাৰ বাবেই প্ৰতিঘণ্টাত বাহনৰ সৰ্বোচ্চ গতিবেগ ৪০ কিলোমিটাৰ নিৰ্ধাৰণ কৰা হৈছে।
চালকৰ বাহনৰ গতি নিয়ন্ত্ৰণৰ বাবে ৰেংলীৰ পৰা বৰজুৰিলৈকে বিস্তৃত উদ্যানখনত চেন্সৰ কেমেৰা স্থাপন কৰা হৈছে। পূব অসম বন্যপ্ৰাণী সংমণ্ডলৰ ডি এফ অ’ ৰমেশ গগৈয়ে জনোৱা মতে, ৩৭ নং ৰাষ্ট্ৰীয় ঘাইপথতো কেমেৰা স্থাপন কৰি বাহনৰ গতি নিৰীক্ষণ কৰা হৈছে। উল্লেখ্য যে ঘাইপথটোৰ এইছোৱা হৈছে গঁড়ৰ বিচৰণভূমি।
সংমণ্ডল বন বিষয়াগৰাকীয়ে কয় যে কেমেৰাত এনে ৰাডাৰ আছে যে যিয়ে গাড়ীৰ গতিবেগ ধৰা পেলাব। প্ৰতি ঘণ্টাত ৪০ কিলোমিটাৰতকৈ অধিক গতিৰে চলা বাহনসমূহৰ নম্বৰ প্লেটৰ ফ’টো স্বয়ংক্ৰিয়ভাৱে কেমেৰাত পৃথকে পৃথকে সংৰক্ষণ কৰা হ’ব।
লগতে পঢ়ক নাৰী কেৱল ভোগৰ সম্পদ নেকি! আচলতে ‘গেহৰাইয়াঁ’-এ কি কয়?
বিষয়াগৰাকীয়ে জনোৱা মতে, অসমত বাৰিষা কালত ৩৭ নং ৰাষ্ট্ৰীয় ঘাইপথৰ ওচৰৰ শুকান ভূমিৰ সন্ধানত বনৰীয়া জন্তু ওলাই আহে আৰু লগতে পথ পাৰ হৈ হাইলেণ্ডত উপস্থিত হয়। এনে অৱস্থাত যান-বাহনৰ গতিৰ সীমা হ্ৰাস কৰি জীৱ-জন্তুৰ সুৰক্ষাৰ বাবে কেমেৰা স্থাপন কৰা হৈছে।
ৰাষ্ট্ৰীয় সেউজ ন্যায়াধিকৰণৰ নিৰ্দেশ অনুসৰি প্ৰতি ঘণ্টাত ৪০ কিলোমিটাৰ গতিবেগৰ ওপৰত গাড়ী চলোৱা বাহনৰ মালিকসকলক শাস্তি প্ৰদান কৰা হ’ব বুলিও বিষয়াগৰাকীয়ে জানিবলৈ দিয়ে।
এই ধাৰাত দ্ৰুতবেগী বাহনসমূহৰ বিৰুদ্ধে ফৌজদাৰী গোচৰ ৰুজু কৰা হ’ব বুলি বিষয়াগৰাকীয়ে কয়। ইফালে ৪০ ঘণ্টাৰ গতিবেগৰ ওপৰত চলোৱা বাহনৰ চালকক ৫,০০০ জৰিমনাও বিহা হ’ব বুলি কোৱা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
