ভাৰতীয় কেলেণ্ডাৰ মতে পৱিত্ৰ শাওণ মাহ আৰম্ভ হৈছে৷ হিন্দু ধৰ্মীয় লোকসকলে শাওণ মাহক পৱিত্ৰ মাহ বুলি গণ্য কৰি বিভিন্ন লোকাচাৰ পালন কৰে৷
এইবাৰ পৱিত্ৰ শাওণ মাহ উপলক্ষ্যে আমিষ খাদ্য অৰ্থাৎ মাছ-মাংস আনকি কণী নিষিদ্ধ কৰা হৈছে৷ অৰ্থাৎ পৱিত্ৰ শাওণ মাহৰ কেইটামান নিৰ্দিষ্ট দিনত এই মাছ-মাংসসহ কণী ভক্ষণ কৰাত প্ৰশাসনৰ পৰা বাধা আৰোপ কৰা হৈছে৷
ৰাজোকট পৌৰ নিগমে ইতিমধ্যে এক নিৰ্দেশনা জাৰি কৰি কৈছে যে পৱিত্ৰ শাওণ মাহ উপলক্ষ্যে কেইটামান নিৰ্দিষ্ট দিনত আমিষ খাদ্য সম্পূৰ্ণৰূপে নিষিদ্ধ কৰা হৈছে৷
লগতে পঢ়ক ভাঙি পৰিছে অসম কন্যা বক্সাৰ লাভলীনা! মানসিক হাৰাশাস্তি কৰিছে দুই প্ৰশিক্ষকে
অহা ২৯ৰ জুলাইৰ পৰা কে’বাদিনো ধৰি গুজৰাটৰ বিভিন্ন অংশত মাংস, মাছ আৰু কণীসহ সকলো ধৰণৰ আমিষ খাদ্য সম্পূৰ্ণৰূপে নিষিদ্ধ কৰা হৈছে৷ পৌৰ নিগমে এক নিৰ্দেশনা যোগে কয় যে ২৯ জুলাইৰ পৰা ১, ১৫, ১৯ আৰু ২৮ আগষ্টত মাছ-মাংস আৰু কণীৰ লগতে আমিষ খাদ্য বিক্ৰীও সম্পূৰ্ণৰূপে নিষিদ্ধ কৰা হৈছে৷
উল্লেখ্য যে গুজৰাটত ৩০ জুলাইৰ পৰাহে শাওণ মাহ আৰম্ভ হ’ব৷ গুজৰাটৰ বাহিৰে উত্তৰ ভাৰতত ১৫ দিন আগতেই শাওণ মাহ আৰম্ভ হয়।
প্ৰশাসনে নিৰ্দেশনাত কোৱা হৈছে যিয়ে এই নিৰ্দেশনা অমান্য ব্যক্তিৰ বিৰুদ্ধে কঠোৰ ব্যৱস্থা গ্ৰহণ কৰা হ’ব। ৰাজকোটৰ পাছতে গুজৰাটৰ আন জিলা আৰু পৌৰসভা যেনে আহমেদাবাদ, চুৰাট, বদোদৰা আদিয়েও এনে নিয়ম কাৰ্যকৰী কৰিব বুলিও জানিব পৰা গৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
