এইবাৰ ৰাজ্যৰ এখন চৰকাৰী চিকিৎসালয়ত মুন্নাভাই এমবিবিএছৰূপী এজন ভুৱা চিকিৎসকে চিকিৎসা সেৱা আগবঢ়াবলৈ গৈ গ্ৰেপ্তাৰ হৈছে৷
নিজকে চিকিৎসকৰূপে পৰিচয় দি ৰোগীক চিকিৎসা কৰা এই মুন্নাভাই এমবিবিএছগৰাকী হৈছে মুহিধৰ গগৈ৷ তেওঁ পেচাত এগৰাকী ড্ৰাইভাৰ৷
ঘটনাৰ বিৱৰণীৰ মতে যোৱা ৬ আগষ্টত ধেমাজি অসামৰিক চিকিৎসালয়ৰ ২২ কোঠাত চিকিৎসকৰ আসনত বহি মুহিধৰ গগৈয়ে এগৰাকী মহিলাক চিকিৎসাৰ বিধান দিছিল৷ ভুৱা চিকিৎসক মুহিধৰ গগৈয়ে মহিলাগৰাকীক চিকিৎসাৰ নামত আল্টাছাউণ্ড কৰিবলৈ প্ৰেছক্ৰাইপড কৰিছিল৷
লগতে পঢ়ক দলিত কিশোৰীক অপহৰণ মুছলমান যুৱকৰ, বন্দী কৰি কে’বাদিনো ধৰি উপৰ্যুপৰি ধৰ্ষণ! অভিযুক্তৰ সন্ধানত অভিযান
মহিলাগৰাকীৰ চিকিৎসকৰূপী মুহিধৰ গগৈৰ আচৰণত সন্দহৰ উদ্ৰেক হোৱাত আৰক্ষীৰ কাষ চাপে৷ ৰোগী মহিলাগৰাকীয়ে মুহিধৰ গগৈয়ে প্ৰদান কৰা প্ৰেছক্ৰিপশ্যনসহ আৰক্ষী থানাত এখন এজাহাৰ দাখিল কৰে৷
উক্ত এজাহাৰৰ ভিত্তিত আৰক্ষীয়ে ঘটনাটো তদন্ত চলাই মুন্নাভাই এমবিবিএছৰূপী ড্ৰাইভাৰ মুহিধৰ গগৈক গ্ৰেপ্তাৰ কৰে৷
ইফালে ড্ৰাইভাৰ মুহিধৰ গগৈয়ে কেনেকৈ এখন ব্যস্ত চৰকাৰী চিকিৎসালয়ত গৈ নিজকে চিকিৎসক বুলি পৰিচয় দি ৰোগীক চিকিৎসা কৰিব পাৰিলে এই সন্দৰ্ভত এজন অতিৰিক্ত উপায়ুক্তই তদন্ত অব্যাহত ৰাখিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
