ৰাজস্থানত এজন দলিত ছাত্ৰক উচ্চ বৰ্ণৰ শিক্ষকে প্ৰহাৰ কৰি হত্যা কৰাৰ ঘটনাৰ চাঞ্চল্যৰ মাৰ নৌযাওতে ৰাজ্যখনৰ অন্য এটা জঘন্য কাণ্ড পোহৰলৈ আহিছে৷
ৰাজ্যখনৰ চুৰু জিলাত এগৰাকী দলিত কিশোৰীক অপহৰণ কৰি নি বন্দী কৰি লৈ কে’বাদিনো ধৰি যৌন নিগ্ৰহৰ অভিযোগ উত্থাপন হৈছে। ইতিমধ্যে ঘটনা সন্দৰ্ভত গোচৰ ৰুজু কৰি আৰক্ষীয়ে অভিযুক্তৰ সন্ধানত অভিযান অব্যাহত ৰাখিছে৷
যোৱা ১০ আগষ্টত ঘৰৰ পৰা নিৰুদ্দেশ হোৱা ১৪ বছৰীয়া নাবালিকাগৰাকীৰ সন্ধানত পৰিয়ালৰ লোকে আৰক্ষীৰ কাষ চাপে৷ পৰিয়ালৰ লোকৰ এজাহাৰ ভিত্তিত আৰক্ষীয়ে নিৰুদ্দেশৰ গোচৰ ৰুজু কৰি তদন্ত আৰম্ভ কৰে। কিন্তু শেহতীয়াকৈ চিকৰৰ এখন চিকিৎসালয়ত কান্দি থকা অৱস্থাত কিশোৰীগৰাকী উদ্ধাৰ কৰা হয়।
লগতে পঢ়ক হিন্দু নাবালিকাক বিবাহ কৰোৱাৰ চেষ্টা! গ্ৰেপ্তাৰ হ’ল মৌলবী, মহিলাসহ ৩
উদ্ধাৰ হোৱাৰ পিছতে কিশোৰীগৰাকীয়ে মাতৃক তেওঁৰ লগত সংঘটিত হোৱা সমস্ত ঘটনা বিৱৰি কয়৷ সংবাদ মাধ্যমৰ খবৰ অনুসৰি ১৪ বছৰীয়া দলিত কিশোৰীগৰাকীক ইছপাক খান নামৰ এজন যুৱকে প্ৰলোভনেৰে লগ লৈ গৈছিল আৰু নিজৰ গাঁৱত ২ দিন বন্দী কৰি ধৰ্ষণ কৰা কৰিছিল।
ইয়াৰ পিছতে ইছপাক খানে কিশোৰীগৰাকীক ছিকৰৰ এটা ধৰ্মশালালৈ লৈ যায় তাতো তিনিদিন ৰাখি কৰি পুনৰ উপৰ্যুপৰি ধৰ্ষণ কৰে। তাৰ পাছতে অভিযুক্ত ইছপাক খানক কিশোৰী গৰাকীক উক্ত চিকিৎসালয়ত এৰি থৈ পলায়ন কৰে।
কিশোৰীগৰাকী আৰু মাতৃৰ অভিযোগৰ ভিত্তিত স্থানীয় আৰক্ষীয়ে ভাৰতীয় দণ্ডবিধিৰ ৩৬৩, ৩৬৬ ধাৰা আৰু অন্যান্য ধাৰাত অভিযুক্তৰ বিৰুদ্ধে গোচৰ ৰুজু কৰিছে। ইয়াৰ উপৰিও POCSO আইনৰ অধীনত এটা গোচৰো ৰুজু কৰা হৈছে।
গোচৰ ৰুজু কৰাৰ পিছতে আৰক্ষীয়ে অভিযুক্ত ইছপাক খানৰ সন্ধানত অব্যাহত ৰাখিছে বুলি প্ৰকাশ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
