মৌলবীসহ তিনিগৰাকী লোকে এগৰাকী হিন্দু নাবালিকাক জোৰজবৰদস্তি বিয়া কৰাবলৈ চেষ্টা কৰাৰ এক চাঞ্চল্যকৰ ঘটনা পোহৰলৈ আহিছে।
ঘটনাটো উত্তৰ প্ৰদেশৰ উন্নাওৰ৷ ঘটনাৰ বিৱৰণীৰ মতে নাবালিকাগৰাকীক প্ৰলোভন দি মছজিদলৈ অনা হয় আৰুএগৰাকী মুছলমান মহিলাই মৌলানাকো নিকাহ কৰোৱাবলৈ মিছা কথা কৈ মছজিদলৈ লৈ নিমন্ত্ৰণ কৰে৷
আৰক্ষীয়ে প্ৰকাশ কৰা মতে নাবালিকাগৰাকী নেপালৰ ৰুকানগড়ী জিলাৰ জ্যোতিপুৰ গাঁৱৰ। কানপুৰৰ আজাদনগৰৰ বস্তিতে পিতৃ আৰু ভগ্নীৰ সৈতে নাবালিকাগৰাকীয়ে বাস কৰে। পিতৃয়ে ৮ বছৰ পূৰ্বে গংগা ঘাটৰ লাল বানো নামৰ এজন লোকাক ১৫ বছৰীয়া কিশোৰী গৰাকীক দিছিল আৰু তেৱেঁ নাবালিকাগৰাকীক ডাঙৰ-দীঘল কৰিছিল।
লগতে পঢ়ক ১১ বছৰীয়া কিশোৰীক বন্দী কৰি তিনি যুৱকেৰে গণধৰ্ষণ কৰোৱালে যুৱতীয়ে, ৩ অভিযুক্তক গ্ৰেপ্তাৰ আৰক্ষীৰ
জানিব পৰা মতে ফিৰোজাবাদৰ বাসিন্দা ফুলন সিঙে কিশোৰীগৰাকীক প্ৰলোভন দি বিয়া কৰোৱাৰ বাবে উন্নাওৰ ৰাজধানী ৰোডত অৱস্থিত মছজিদলৈ লৈ গৈছিল। মৌলানা ছামিম আহমেদকো কিশোৰীগাৰাকী নিকাহ কৰাই দিবলৈ আমন্ত্ৰণ কৰি নিয়া হৈছিল। কিন্তু যুৱকজন আৰু নাবালিকা দুয়োকেই হিন্দু বুলি জানিব পাৰি মৌলৱীয়ে প্ৰথমে নিকাহ কৰোৱাবলৈ অস্বীকাৰ কৰে।
কিন্তু ফুলনে সিঙৰ হেঁচাত মৌলানাৰ ওপৰত হেঁচা দিয়ে। তেনে সময়তে নাবালিকাগৰাকীৰ পিতৃক লগত লৈ হিন্দু জাগৰণ মঞ্চৰ কৰ্মীয়ে মছজিদত প্ৰৱেশ কৰে আৰু মৌলানাই বলপূৰ্বকভাৱে কিশোৰীগৰাকীক ধৰ্মান্তৰিত কৰি বিয়া কৰাই থকাৰ অভিযোগ উত্থাপন কৰে৷
ইয়াৰ পিছতে গংগা ঘাট আৰক্ষীক খবৰ দিয়া হয় আৰু আৰক্ষীয়ে মৌলানা চামিম, লাল বানো আৰু ফুলন সিঙক গ্ৰেপ্তাৰ কৰে। ইফালে নাবালিকাগৰাকীয়ে প্ৰকাশ কৰিছে যে তেওঁ কোনোবা অচিনাকি লোকৰ সৈতে বিয়া দিয়াৰ চেষ্টা কৰা হৈছিল৷
লগতে পঢ়ক শিক্ষানুষ্ঠানৰ এন অ’ চি প্ৰদানত বিলম্ব! হতাশাগ্ৰস্ত কণিষ্ঠ চিকিৎসকৰ আত্মহত্যা
আনহাতে, অভিযুক্ত মুছলমান মহিলা লাল বানোৱে আৰক্ষীক জনোৱা মতে মুছলমান হোৱাৰ পিছতো হিন্দু ছোৱালীজনীক নিজৰ কন্যা হিচাপে ডাঙৰ-দীঘল কৰিছে। মাতৃৰ মৃত্যুৰ পাছৰে পৰা কিশোৰীগৰাকী তেওঁৰ লগতে আছে।মহিলাগৰাকীৰ মতে ফুলন সিঙৰ সৈতে কিশোৰীগৰাকীৰ বিয়া দিয়াৰ সন্দৰ্ভত যোৱা তিনিমাহ ধৰি আলোচনা চলি আছিল।
হিন্দু জাগৰণ মঞ্চৰ আঞ্চলিক সম্পাদক বিমল তিৱাৰীয়ে জনোৱা মতে, ফিৰোজাবাদৰ যুৱক-যুৱতীসকলৰ সৈতে নাবালিকাগৰাকীক বলপূৰ্বকভাৱে বিবাহ কৰা সন্দৰ্ভত মৌলবীজনে তথ্য লাভ কৰি দলটোলৈ ফ’টো প্ৰেৰণ কৰে।
তেওঁ অভিযোগ কৰি কয় যে বিয়াৰ পাছত যুৱকজনে যে কিশোৰগৰাকীক দিল্লীত বিক্ৰী কৰিবলৈ ষড়যন্ত্ৰ কৰা হৈছিল। ইফালে ঘটনা সন্দৰ্ভত পিতৃয়ে তিনিওজনৰ বিৰুদ্ধে এফ আই আৰ দাখিল কৰি কন্যা সন্তানক বিক্ৰী কৰাৰ অভিযোগ উত্থাপন কৰিছে। চক্ৰ বিষয়া (নগৰ) আশুতোষ পাণ্ডেয়ে জনোৱা মতে, এই অভিযোগ এতিয়াও নিশ্চিত হোৱা নাই আৰু পৰৱৰ্তী তদন্ত অব্যাহত আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
