পঞ্জাৱৰ আম আদমী পাৰ্টিৰ বিধায়ক হৰমীত সিং পাঠানমাজৰা আৰু অধিক বিপদত পৰিছে। ইয়াৰ পূৰ্বে বিধায়কগৰাকীয়ে দ্বিতীয় প্ৰথম বিবাহ লুকুৱাই দ্বিতীয় বিবাহ কৰাৰ অভিযোগ উত্থাপন কৰিছিল। এইবাৰ বিধায়কগৰাকীৰ দ্বিতীয় পত্নীৰ সৈতে এক ‘অন্তৰংগ মুহূৰ্ত’ৰ ভিডিঅ’ ভাইৰেল হৈছে। যিটোৱে বিতৰ্কৰ সূচনা কৰিছে।
ইতিমধ্যে বিধায়কগৰাকীৰ দ্বিতীয় পত্নী গুৰপ্ৰীত কৌৰে হৰমীতৰ বিৰুদ্ধে জিকাৰপুৰ থানাত এজাহাৰ দাখিল কৰিছে। গুৰপ্ৰীতে জিকাৰপুৰ থানাত এজাহাৰৰ লগতে বিবাহৰ প্ৰমাণ পত্ৰ আৰু ফটোও দাখিল কৰে। উল্লেখ্য যে বিধায়ক হৰমীতে ২০২১ চনৰ ১৪ আগষ্টত গুৰপ্ৰীতৰ সৈতে বিবাহপাশত আবদ্ধ হৈছিল বুলি কোৱা হৈছে৷।
গুৰপ্ৰীতৰ অভিযোগ অনুসৰি ৪৬ বছৰীয়া আপৰ বিধায়ক গৰাকীয়ে প্ৰথম বিবাহৰ বিষয়ে তেওঁক একো জনোৱা নাছিল, অৰ্থাৎ প্ৰথম বিবাহৰ বিষয়ে তেওঁক সম্পূৰ্ণৰূপে অন্ধকাৰত ৰাখিছিল।
লগতে পঢ়ক চৰকাৰী চিকিৎসালয়ত মুন্নাভাই এমবিবিএছ! চিকিৎসকৰূপী ড্ৰাইভাৰক গ্ৰেপ্তাৰ আৰক্ষীৰ
ইফালে আপৰ বিধায়ক হাৰমীটে এই সকলো অভিযোগ অস্বীকাৰ কৰিছে। প্ৰথম পত্নীৰ পৰা আইনীভাৱে বিচ্ছেদ হোৱাৰ পিছতহে দ্বিতীয়বাৰ বিবাহপাশত আবদ্ধ হোৱা বুলিও দাবী কৰিছে বিধায়কগৰাকীয়ে।
অনহাতে, বিধায়কগৰাকীয়ে অন্তৰংগ মুহূৰ্তৰ ভিডিঅ’টো দ্বিতীয় পত্নীয়ে ভাইৰেল কৰাৰ অভিযোগ কৰিছে। বিধায়ক হৰমীতে তেওঁৰ অজ্ঞাতে ভিডিঅ’টো ৰেকৰ্ডিং কৰা বুলিও দাবী কৰিছে।
বিধায়ক হৰমীতৰ মতে তেওঁৰ যৌনাংগত সংক্ৰমণ হৈছিল সেয়া তেওঁ পত্নীক দেখুৱাই থাকোতে পত্নীয়ে তেওঁৰ অজ্ঞাতে ভিডিঅ’টো ৰেকৰ্ডিং কৰা হৈছিল।
বিধায়ক হৰমীতে কয়, “পত্নী-পত্নীৰ মাজত অন্তৰংগ মুহূৰ্ত থাকে। মই নাজানিছিলো যে তেওঁ এই সকলোবোৰ ৰেকৰ্ডিং কৰি আছে। এতিয়া তেওঁ সকলো প্ৰকাশ কৰি মোক বদনাম কৰিছে।’’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ