সুশান্তৰ মৃত্যুত কাৰ কাৰ হাত আছে?

অসম লাইভ ২৪ঃ সুশান্ত সিং ৰাজপুতৰ মৃত্যু সন্দর্ভত অনুসন্ধানৰ বাবে শুকুবাৰে EDৰ কার্যালয়ত উপস্থিত হয় ৰিয়া চক্ৰৱর্তী। সুশান্তৰ একাউণ্টৰ ১৫ কোটি টকা হৰলুকী সন্দর্ভত অনুসন্ধান আৰম্ভ কৰিছে EDয়ে। শুকুৰবাৰে ৯ ঘণ্টা ধৰি জেৰা কৰা হয় ৰিয়া চক্ৰৱর্তী আৰু ভাতৃ সৌভিক চক্ৰৱর্তীক। দুদিন পূর্বে ৰিয়াৰ সম্পত্তি সন্দর্ভত নথি-পত্ৰ জমা দিবৰ বাবে EDয়ে নির্দেশ দিছিল যদিও নথি-পত্ৰ জমা দিয়াত ব্যর্থ হয় ৰিয়া। ইয়াৰ উপৰিও EDৰ বেছিভাগ প্ৰশ্নৰে উত্তৰ দিব নোৱাৰিলে ৰিয়া চক্ৰৱর্তীয়ে। শুকুৰবাৰে সুশান্তৰ প্ৰাক্তন মেনেজাৰ শ্ৰুতি মোদী আৰু ৰিয়াৰ চার্টাড একাউণ্টটেণ্ট ৰিতেশ শ্বাহকো ৮ ঘণ্টা ধৰি জেৰা কৰে EDয়ে। EDয়ে ৰিয়াক প্ৰশ্ন কৰিছিল- প্ৰশ্ন ১- ৰিয়াৰ পিতৃৰ ঠিকনা আৰু কোম্পানীৰ ঠিকনা একেই নেকি? প্ৰশ্ন ২- সম্পত্তি ক্ৰয় কৰাৰ টকা ক’ৰ পৰা পাইছিল ৰিয়াই? প্ৰশ্ন ৩- কোম্পানীত ৰিয়া আৰু সৌভিকৰ কাম কি? এইসমূহ প্ৰশ্নৰ উত্তৰ দিব পৰা নাছিল ৰিয়াই। শুকুৰবাৰে ৰিয়াৰ ফোনকলো গ্ৰহণ কৰে EDয়ে। ফোনকলৰ পৰা জনা যায় যে সুশান্তৰ মৃত্যুৰ পাছত মুম্বাই আৰক্ষীৰ ডিচিপি অভিষেক ত্ৰিমুখীৰ সৈতে বাৰে বাৰে ফোনত যোগাযোগ হয় ৰিয়াৰ। মেচেজৰ জৰিয়তেও দুয়োজনৰ মাজত ঘনাই যোগাযোগ হয়। ইয়াৰ পাছতে প্ৰশ্ন উঠিছে ৰিয়া চক্ৰৱর্তীৰ সৈতে মুম্বাই পুলিচৰ কিয় ইমান সঘন যোগাযোগ? শনিবাৰে সুশান্তৰ ফ্লেট মেট সিদ্ধার্থ পৃথানিক জেৰা কৰিব EDয়ে। কাৰণ সিদ্ধার্থ পৃথানি বিগত এবছৰ ধৰি সুশান্তৰ লগত একেলগে ফ্লেটত আছিল।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ