চৰকাৰৰ বিৰুদ্ধে উলিওৱা এক ব্যতিক্ৰমী প্ৰতিবাদী শোভাযাত্ৰাই সমগ্ৰ দেশৰে দৃষ্টি আকৰ্ষণ কৰিবলৈ সক্ষম হৈছে৷ ১০২ বছৰীয়া এজন বৃদ্ধই দৰাৰ বেশত বিশাল শোভাযাত্ৰা কৰি চৰকাৰী বিষয়াক সাক্ষাৎ কৰিবলৈ যোৱা দেখা গৈছে৷
ঘটনাটো হাৰিয়ানাৰ৷ হাৰিয়ানাৰ ৰোহটক জিলাৰ৷ চৰকাৰী নথিত ইতিমধ্যে ১০২ বছৰীয়া দিলো চান্দ নামৰ বৃদ্ধগৰাকীক মৃত্যু হোৱা বুলি লিপিৱদ্ধ কৰা হৈছে৷ বৃদ্ধগৰাকীক মৃত্যু বুলি কৈ চৰকাৰে তেওঁৰ বৃদ্ধ পেন্সনো যোৱা মাৰ্চ মাহতে বন্ধ কৰি দিয়ে৷ কিন্তু ১০২ বছৰীয়া লোকজন এতিয়াও জীৱিত৷
চৰকাৰৰ এই হঠকাৰী সিদ্ধান্তত ক্ষুব্ধ হৈ পৰিছে ১০২ বছৰীয়া বৃদ্ধগৰাকীৰ লগতে তেওঁৰ গাঁৱৰ লোকসকল৷ ইয়াৰ পাছতে তেওঁলোকে এক অভিনৱ পন্থাৰে চৰকাৰী বিষয়াক সাক্ষাৎ কৰি তেওঁলোকৰ ওজৰ আপত্তি জনোৱাৰ সিদ্ধান্ত গ্ৰহণ কৰে৷
লগতে পঢ়ক কিশোৰৰ যৌনাংগত সোমাল ইউএছবি কেবল, চিকিৎসকে অস্ত্ৰোপচাৰেৰে আনিলে উলিয়াই
উক্ত সিদ্ধান্ত অনুসৰিয়ে ১০২ বছৰীয়া দিলো চান্দক দৰাৰ দৰে সজোৱা হয়৷ এখন ৰথসদৃশ বাহনত দৰাৰ সাজত দিলো চান্দক বহুৱাই গঞাই বিবাহৰ শোভাযাত্ৰা আৰম্ভ কৰে৷ মানস সৰোবৰৰ পাৰ্কৰ পৰা কেনেল ৰেষ্টলৈ উলিওলা এই বিশাল শোভাযাত্ৰাত গঞাই নৃত্য-গীত কৰাও দেখা যায়৷
চৰকাৰী বিষয়াক ১০২ বছৰীয়া দিলো চান্দ এতিয়া জীৱিত বুলি ক’বলৈকে এই সুদৃশ্য শোভাযাত্ৰা বাহিৰ কৰা হয়৷ শোভাযাত্ৰাৰ বেনাৰবোৰত লিখা হৈছে ‘আপোনাৰ খুৰা এতিয়াও জীয়াই আছে’, ‘দিলো চান্দ জীয়াই আছে’, আৰু ‘মই জীয়াই আছো৷’
দিলো চান্দে এইদৰে শোভাযাত্ৰাৰ অন্তত প্ৰাক্তন মন্ত্ৰী তথা বিজেপি নেতা মনীষ গ্ৰোভাৰক সাক্ষাৎ কৰি আধাৰ কাৰ্ড, পান কাৰ্ড, বেংক পাছবুক আদি তেওঁৰ জীয়াই থকাৰ লগতে প্ৰমাণ পত্ৰ দাখিল কৰি পেন্সনটো পুনৰ প্ৰৱৰ্তন কৰিবলৈ দাবী জনায়৷
লগতে পঢ়ক মাত্ৰ ১ বছৰ বয়সতে বিবাহপাশত আৱদ্ধ হৈছিল কন্যা! ২০ বছৰৰ পাছত বন্ধনৰ পৰা মুক্ত যুৱতী
ইফালে এই শোভাযাত্ৰাটোৰ নেতৃত্ব লয় আম আদমি পাৰ্টিৰ হাৰিয়ানাৰ প্ৰাক্তন প্ৰধান নবীন জয়হিন্দে৷
উল্লেখ্য যে তদ্ৰূপ এটা ঘটনা উত্তৰ প্ৰদেশৰ শ্বাহজাহানপুৰতো সংঘটিত হৈছিল৷ চলিত সপ্তাহতে ওম প্ৰকাশ নামৰ এজন ৭০ বছৰীয়া এজন বৃদ্ধক এবছৰৰ পূৰ্বে মৃত্যু হোৱা বুলি কৈ বৃদ্ধ পেন্সন বন্ধ কৰি দিয়া হৈছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
