অসম লাইভ২৪ঃ ‘যাৰ ধন আছে তেওঁৰ সন্তানৰ সংখ্যা সৰহ হ’লেও কথা নাই। সন্তালক লালন-পালন কৰিব পৰাকৈ সামৰ্থ থাকিলে জন্ম দিয়াত বাধা থাকিব নালাগে।’ পৃথিৱীৰ আটাইতকৈ ধনৱান ব্যক্তি এলন মাস্কক এই উপদেশ দিছে তেওঁৰ পিতৃয়ে। পিতৃ এৰল মাস্কে এলনক ৩০টা সন্তান জন্ম দিবলৈ পৰামৰ্শ আগবঢ়াইছে।
টেছলাৰ মালিক এলন মাস্কৰ বয়স এতিয়া ৫১ বছৰ। ৫১ বছৰীয়া মাস্কৰ বৰ্তমানলৈ সন্তানৰ সংখ্যা ১০ টা। সম্প্ৰতি এটা সাক্ষাৎকাৰত এলনৰ পিতৃয়ে কয় যে তেওঁৰ সন্তান এলনৰ আৰু সন্তান জন্ম হোৱাটো প্ৰয়োজন। এৰলে দিয়া যুক্তি মতে পূৰ্বে ইউৰোপৰ ৰাজকুমাৰসকলে বহুকেইটা সন্তান জন্ম দিছিল। একোজন ৰাজকুমাৰৰ সন্তানৰ সংখ্যা আছিল কমেও ৩০টাকৈ। এনেদৰে জন্ম দিয়া সন্তানৰ সৰহ সংখ্যকেই অবৈধ সন্তান আছিল। তুলনামূলকভাৱে চালে এলনে আৰু ২০ টা সন্তানৰ পিতৃ হ’ব পৰা ক্ষমতা আছে। সন্তানৰ ভৰণ-পোষণৰ বাবে এলনৰ অৰ্থৰ অভাৱ নাই গতিকে অচিৰেই এলনে সন্তানৰ পৰিকল্পনা কৰিব পাৰে।
উল্লেখ্য যে এলন মাস্কৰ পিতৃ এৰল মাস্কৰ বয়স এতিয়া ৭৬ বছৰ। ৭৬ বছৰীয়া এৰল ৭টা সন্তানৰ পিতৃ। এই বয়সতো এৰলে স্নতানৰ পৰিকল্পনা কৰে। সাক্ষাৎকাৰত পিতৃগৰাকীয়ে সেই কথাও প্ৰকাশ কৰিছে। কেৱল সাক্ষাৎকাৰতেই এই ইচ্ছা প্ৰকাশ কৰিছে এনে নহয়। টুইটযোগেও এৰল মাস্কে লিখিছে, ‘মানৱ সভ্যতাৰ ডাঙৰ সমস্যাটোৱেই হৈছে জন্মৰ হাৰ কমি অহা। এই সমস্যা সমাধানৰ বাবেই সন্তান জন্ম দিবলৈ ইচ্ছুক। প্ৰয়োজন হ’লে শুক্ৰাণু দান কৰিবলৈ সাজু আছো।’
ইফালে বিগত সময়ছোৱাত এগৰাকী ৩৫ বছৰীয়া যুৱতীৰ সৈতে যৌনসম্পৰ্ক স্থাপন কৰাতেই শান্ত নাথাকি পিতৃ হোৱাৰো গৌৰৱ অৰ্জন কৰিছিল এৰল মাস্কে। দীৰ্ঘদিন ধৰি বিষয়টো লুকুৱাই ৰাখিলেও এই বৰ্ষৰে জুলাই মাহত পোহৰলৈ আহিছিল সকলো কথা। এৰলে এই সন্দৰ্ভতো মুকলিকৈ প্ৰকাশ কৰি কয়,’আমি পৃথিৱীত আহিছো কিবা এটা কৰিবৰ বাবেই। চিন্তা সদায়ে উৎপাদনমূখীয়েই হ’ব লাগে। কিন্তু সন্তান জন্ম দিলে তাৰ লালন-পালনত যাতে ত্ৰুটি নাথাকে সেই কথাত গুৰুত্ব দিয়াটো অতিকৈ প্ৰয়োজন।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
