অসম লাইভ২৪ঃ ‘কামৰ সন্ধানত ডিমাপুৰত থাকে চম্পক। কালি ঘৰলৈ আহিছিল। তাক দেখি ময়ো ভালেই পালো। আহি ভাল কৰিলি গাঁৱতে বিয়া এখনো আছে। সি একেবাৰে যাবলৈকে ঘৰলৈ আহিছিল বুলি ভৱাই নাছিলো।’ পুত্ৰ শোকত জঠৰ হৈ পিতৃয়ে কোৱা এইষাৰ কথাই চকুলো বোৱাইছে বহুতৰে।
ঘটনাটো গোলাঘাটৰ বৰপথাৰৰ। বৰপথাৰৰ শেনচোৱা গাঁৱৰ চম্পক গগৈৰ ডিঙিত চিপ লোৱা অৱস্থাত মৃতদেহ উদ্ধাৰ হোৱাৰ পিছতেই অঞ্চলটোত হাহাকাৰ পৰিস্থিতি। আৰক্ষীয়ে মৃতদেহটো উদ্ধাৰ কৰাৰ পিছতেই গাওঁবাসীৰ অভিযোগ, চম্পকক হত্যা কৰা হৈছে। পত্নীৰ বিৰুদ্ধে হত্যাৰ অভিযোগ আনিছে চুবুৰীয়াই। চম্পক সন্দিকৈৰ মৃতদেহ উদ্ধাৰৰ পিছতেই আৰক্ষীয়ে পত্নী ৰিণ্টুমনিৰ সন্ধানত নামি পৰিছে। পুৱাৰে পৰাই সন্তানসহিতে ঘৰত নাই পত্নী ৰিণ্টুমনি।
পুৱাৰে পৰাই ৯ বছৰীয়া সন্তান সহিতে সন্ধানহীন হৈ থকা ৰিণ্টুমনিয়ে শোৱাপাটিতেই স্বামীক হত্যা কৰা বুলি সন্দেহ কৰা হৈছে। শোৱাপাটিত চাদৰেৰে ডিঙিত চিপ লোৱা অৱস্থাত উদ্ধাৰ হৈছে চম্পকৰ মৃতদেহ। ইপিনে বাহিৰৰ পৰা দুৱাৰত তলাবন্ধ কৰি পত্নী ক’লৈ গ’ল? ঘটনাস্থলীত আৰক্ষী উপস্থিত হৈ মৃতদেহটো মৰণোত্তৰ পৰীক্ষাৰ বাবে গোলাঘাটৰ শ্বহীদ কুশল কোঁৱৰৰ অসামৰিক চিকিৎসালয়লৈ প্ৰেৰণ কৰাৰ লগতে পত্নীৰ সন্ধানটো আৰ৭ীৰ এটা দল নামি পৰা বুলি প্ৰকাশ কৰিছে বৰপথাৰ আৰক্ষীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
