অসম লাইভ ২৪ঃ পৃথিৱীৰ দিশে গতি কৰিছে বিশালকায় গ্ৰহাণু। ১৪,৪৯৫ কিঃমিঃ প্ৰতি ঘণ্টাত পৃথিৱীৰ দিশে আহি থকা এই বিশাল গ্ৰহাণুক লৈ সতৰ্কবাণী দিছে নাছাই।
বিজ্ঞানীসকলে দাবী কৰা অনুযায়ী এই মহাজাগতিক ঘটনাৰ ফলত সমগ্ৰ পৃথিৱীয়েই তছনছ হৈ পৰিব পাৰে। পৃথিৱীৰ পৰা বিলুপ্ত হৈ পৰিব পাৰে বহুকেইটা প্ৰাণী। মানৱ সভ্যতাতো প্ৰভাৱ পেলাব এই গ্ৰহাণুৱে। গ্ৰহাণুৰ পৰা পৃথিৱীক বচাবলৈ নাছাই কৰিছে বিশেষ কিছু পৰীক্ষা। DART পৰীক্ষা অৰ্থাৎ ডাবল এষ্ট্ৰইড টেষ্ট আৰম্ভ কৰিছে নাছাই।
গ্ৰহাণুৰ পৰা পৃথিৱীক ৰক্ষা কৰিবৰ বাবে নাছাৰ লগতে বহুকেইটা মহাকাশ গৱেষক সংস্থাই একেলগে পৰীক্ষা সম্পন্ন কৰিব। প্ৰত্যেক সময়তে মহাকাশৰ বিভিন্ন গতি-বিধি নিৰীক্ষণ কৰি থকা নাছাই জনোৱা অনুসৰি পৃথিৱীৰ পৰা ৪৬ লাখ কিঃমিঃ দূৰত্বত যদি কোনো বস্তু দেখা যায় আৰু সেই বস্তু যদি ১৫০ মিটাৰ বা তাতকৈ বেছি দৈৰ্ঘ্যৰ হয় তেন্তে সেয়া পৃথিৱীৰ বাবে ভয়ানক বুলি জনাইছে নাছাই। Asteroid 2018 ER1 -কো বিপদজনক বুলি উল্লেখ কৰিছে নাছাই।
উল্লেখ্য যে পৃথিৱীৰ দিশে আহিব বুলি সন্দেহ কৰা গ্ৰহাণুটো আৰু পৃথিৱীৰ মাজত দুৰত্ব বৰ্তমানো ৩৫ লাখ কিঃমিঃ। কিন্তু মহাকাশত গ্ৰহাণুটোৰ গতি-বিধি চাই সেই গ্ৰহাণুটোৱে গতিপথ সলাই পৃথিৱীৰ ফালে আহিব পাৰে বুলি সন্দেহ প্ৰকাশ কৰিছে নাছাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
