অসম লাইভ২৪ঃ কালিৰে পৰাই চৰ্চাত থকা এটা নাম হৈছে হাছিনা বেগম৷ লখিমপুৰৰ পৰা গুৱাহাটীৰ কাহিলিপাৰাস্থিত জোনমণি ৰাভাৰ বাসগৃহত আহি উপস্থিত হৈছে হাছিনা বেগম৷ হাছিনাই জোনমণিৰ সৈতে সম্পৰ্কিত কেইবাটাও বিষয়ক লৈ কৰা মন্তব্যত কেইবাটাও বিস্ফোৰক অভিযোগ আনিছে৷
জোনমণি ৰাভাৰ সন্দৰ্ভত হাছিনা বেগমে মন্তব্যত কয় যে, এটা দুষ্ট চক্ৰৰ পাৰ্টীক ধৰাইছিল হাছিনা বেগমে৷ আবুল চহীৰ জাকিৰ নামৰ ব্যক্তিক ধৰিছিল৷ আবজৰ আলিক ধৰিবলৈ যোৱাৰ বাবেই জোনমণিৰ ওপৰত নাওবৈচা থানাৰ সঞ্জীৱ বৰাই এই কাম কৰালে৷ দুষ্ট চক্ৰৰ সৈতে মিলি আছে নাওবৈচাৰ IC সঞ্জীৱ বৰা৷ জোনমণি ৰাভাক হত্যা কৰা হৈছে৷
ইয়াৰোপৰি হাছিনাই কয়, ‘মোৰ ঘৰতো অত্যাচাৰ চলাইছে দুষ্ট চক্ৰই৷ ২ তাৰিখে ৰাতি মোৰ ঘৰৰ গ্লাচ ভাঙি দিছে এই দুষ্ট চক্ৰই৷ ছহীদ, জাকিৰৰ গেংটোৱে এনে কৰিছে৷ চোকা অস্ত্ৰৰে আমাৰ গ্লাচ ভাঙিছিল৷ নাওবৈচা পুলিচ মিলি আছে দুষ্ট চক্ৰটোৰ সৈতে৷’
নাওবৈচাৰ IC সঞ্জীৱ বৰাৰ ওপৰত অভিযোগ হাছিমা বেগমৰ৷ ১২ তাৰিখে সঞ্জীৱ বৰাই হাচিনা বেগমক ধৰিবলৈ গৈছিল৷ IC সঞ্জীৱ বৰালৈ ভিডিঅ প্ৰেৰণ কৰিছিল, মেছেজও কৰিছিল হাছিনা বেগমে৷ হাছিমা বেগমৰ ভাতৃকো উঠাই লৈ গৈছিল সঞ্জীৱ বৰাই৷ নাৰায়ণপুৰত বহুকেইটা দুষ্ট চক্ৰক ধৰাইছিল হাছিমা বেগমে৷ ৰুণা নেওগৰ পৰা ভাবুকি আহিছিল হাছিনা বেগমলৈ৷ এই পাৰ্টীবোৰ ধৰাই দিয়া কাৰণে হাছিনা বেগমলৈ আহিছিল ভাবুকি৷
ৰুণা নেওগে হাছিমা বেগমক কৈছিল, মাহিলী ৬০ হাজাৰ টকাকৈ দি থাকিব৷ এই পাৰ্টীবোৰৰ লগত লাগি থাকিব নালাগে৷ ঘটনা হোৱা দিনা বিয়লি ৩ বজাত জোনমণি ৰাভাই ফোন কৰিছিল হাছিনা বেগমলৈ৷ ইপিনে জোনমনি ৰাভাই মৃত্যুৰ পূৰ্বে হাছিনাক মাতি পঠিয়াইছিল৷ জোনমনিয়ে বাৰে বাৰে কৈছিল, ‘হাচিনা গুচি আহা, তোমক সিঁহতে মাৰি পেলাব বিচাৰিছে, গুচি আহা মোৰ ওচৰত৷’ ফোনত হাছিমা বেগমক এনেদৰে কৈছিল জোনমণি ৰাভাই৷
দুই নম্বৰী পাৰ্টীৰ সৈতে আৰক্ষীৰ সম্বন্ধ থকাৰ কথাও উল্লেখ কৰিলে হাছিনা বেগমে৷ আৰক্ষী প্ৰশাসনৰ মানুহো এই ঘটনাত জড়িত আছে বুলি জনাইছে হাছিনাই৷ এই চক্ৰৰ সৈতে বন্দুক আছে বুলিও অভিযোগ আনিলে হাছিমা বেগমে৷ দুষ্ট চক্ৰৰ সৈতে বন্দুক থকাৰ কথা সাত বছৰ আগৰ পৰাই কৈ আহিছে হাছিমা বেগমে৷
আবু চহিদ, জাকিৰ হুছেইন, আকবৰ আলিৰো নাম ল’লে হাছিনা বেগমে৷
ইয়াৰোপৰি হাছিনাই কয়, ‘তেওঁলোকৰ হাতত এতিয়াও বন্দুক আছে৷ জোনমণি ৰাভালৈ মৃত্যুৰ ভাবুকি অহাৰ কথা মোক ফোনত কৈছিল৷ মনে সজা এজাহাৰ দাখিল কৰিছে জোনমণি ৰাভাৰ বিৰুদ্ধে৷ এজাহাৰখনত তাৰিখেই উল্লেখ নাই৷ লক্ষীমপুৰৰ নাওবৈচাৰ IC সঞ্জীৱ বৰা আৰু ASP ৰুণা নেওগেই গোটেই ঘটনাটোৰ সৈতে জড়িত আছে৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
