অসম লাইভ ২৪ঃ বৃহস্পতিবাৰে লোকসভাৰ মজিয়াত কৃষি বিল গৃহীত হোৱাৰ পাছতে ভাৰত বন্ধৰ আহ্বান। ২৫ ছেপ্টেম্বৰ শুকুৰবাৰে সমগ্ৰ ভাৰত বন্ধৰ আহ্বান জনোৱা হৈছে। সংসদত ৩ খনকৈ কৃষি বিধেয়ক উত্থাপন কৰে কেন্দ্ৰই। এই কৃষি বিধেয়কেইখনৰ বিৰোধিতা কৰিছে বিৰোধী দলসমূহে। এই বিল উত্থাপনৰ পাছতে কৃষক সমাজে তীব্ৰ ক্ষোভ প্ৰকাশ কৰিছে। কৃষক সমাজেও ভাৰত বন্ধৰ সমৰ্থন কৰিছে। বিগত সোমবাৰে মোদী চৰকাৰে দ্য ফাৰ্মাৰছ এমপৰিয়ামেণ্ট এণ্ড প্ৰটেকচন বিল, দ্য ফাৰ্মাৰছ প্ৰডিউচ এণ্ড কমাৰ্চ বিল, দ্য এচেনচিয়েল কমোডেটিছ বিল উত্থাপন কৰে। কিন্তু এই ৩খন বিধেয়কে ক্ষোভৰ সৃষ্টি কৰিছে কৃষক সমাজৰ মাজত। কৃষকসকেল জনাইছে এই বিধেয়কে কৃষকৰ ওপৰত নেতিবাচক প্ৰভাৱ পেলাব। এই বিধেয়ক উত্থাপনৰ পাছতে শিৰোমণি অকালি দলে বিৰোধিতা কৰিছে। যাৰ ফলত এক উত্তেজনাৰ সৃষ্টি হয়। আৰু ইয়াৰ পাছতে এই তিনিখনকৈ বিধেয়কৰ বিৰোধিতা কৰি অকালি দলৰ হাৰচিমৰাত কৌৰ বাদালে পদত্যাগ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
