অসম লাইভ২৪ঃ ৰাজ্যত পুনৰ সংঘটিত হৈছে চিকিৎসক নিৰ্যাতনৰ ঘটনা।
মেৰাপানী সমূহীয়া চিকিৎসালয়ত সংঘটিত হৈছে এই আক্ৰমণৰ ঘটনা।
বুধবাৰে নিশা দুই উন্মত্ত লোকে কৰ্তব্যৰত অৱস্থাত কাৰণ নোহোৱাকৈ যধেমধে প্ৰহাৰ কৰে চিকিৎসক ডঃ মুনিম অল হবিবক।
পাপু শইকীয়া আৰু নৃপেন কছাৰী নামৰ দুটা সুৰাপায়ীয়ে চিকিৎসাৰ বাবে আহি প্ৰথমে চিকিৎসক মুনিম অল হবিবৰ সৈতে তৰ্কাতৰ্কীত লিপ্ত হয়।
তাৰপাছতেই উন্মত্ত সুৰাপায়ী দুটাই উপৰ্যুপৰি প্ৰহাৰ কৰে চিকিৎসক মুনিম অল হবিবক।
আনকি চিকিৎসকজনৰ মোবাইল ফোনটোও ভাঙি চুড়মাৰ কৰে দুই সুৰাপায়ীয়ে।
একাংশ চিকিৎসাকৰ্মী সেই স্থানত উপস্থিত হোৱাত চিকিৎসালয় ত্যাগ কৰে উন্মত্ত দুই সুৰাপায়ীয়ে।
আক্ৰমণত চিকিৎসক মুনিম অল হবিবৰ দুয়োখন ভৰিৰ লগতে সোঁহাতৰ আঙুলিত গুৰুতৰ আঘাত পোৱা বুলি জানিব পৰা গৈছে।
চিকিৎসালয় কৰ্তৃপক্ষৰ অভিযোগৰ ভিত্তিত নিশা মেৰাপানী আৰক্ষীয়ে গ্ৰেপ্তাৰ কৰে পাপু শইকীয়াক।
আন আক্ৰমণকাৰী নৃপেন কছাৰী বৰ্তমানেও পলাতক অৱস্থাত আছে।
ঘটনাৰ পাছতে নিশাটোৰ বাবে চিকিৎসালয়খনত বন্ধ হৈ পৰে জৰুৰীকালীন চিকিৎসা সেৱা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
