অসম লাইভ২৪ঃ সদ্য ঘোষিত MBBSৰ চূড়ান্ত পৰীক্ষাত উজ্বলি উঠিছে যোৰহাট চিকিৎসা মহাবিদ্যালয়৷ শ্ৰীমন্ত শংকৰদেৱ স্বাস্থ্য বিজ্ঞান বিশ্ববিদ্যালয়ৰ ভিতৰত যোৰহাট চিকিৎসা মহাবিদ্যালয়ে উৎকৃষ্ট ফলাফল দাঙি ধৰিবলৈ সক্ষম হৈছে। যোৰহাট চিকিৎসা মহাবিদ্যালয়ৰ পৰা MBBS চূড়ান্ত পৰীক্ষাত শীৰ্ষ ২০টা স্থানৰ ভিতৰত ৭ গৰাকী ছাত্ৰ-ছাত্ৰীয়ে স্থান দখল কৰিবলৈ সক্ষম হৈছে।
সুনাম অৰ্জন কৰিবলৈ সক্ষম হোৱা চিকিৎসা বিজ্ঞানৰ ছাত্ৰ-ছাত্ৰীসকল হৈছে ক্ৰমে বিক্ৰম সূত্ৰধৰ (মেডিচিন,চাৰ্জাৰী), মধুসূদন কলিতা (চাৰ্জাৰী), বিদিশা ৰয় (চাৰ্জাৰী), ইভলীনা যোগী (চাৰ্জাৰী), আৰমান আহমেদ (মেডিচিন), ৰক্তিম হাজৰিকা (মেডিচিন , চাৰ্জাৰী) আৰু জ্ঞানদীপ চহৰীয়া (চাৰ্জাৰী)।
উল্লেখ্য যে, বিক্ৰম সূত্ৰধৰে মেডিচিন আৰু চাৰ্জাৰী বিষয়ত সন্মানসহ দ্বিতীয় স্থান আৰু মধুসূদন কলিতাই ছাৰ্জাৰী বিষয়ত সন্মানসহ তৃতীয় স্থান দখল কৰি মহাবিদ্যালয়খনলৈ আৰু যোৰহাটলৈ গৌৰৱ কঢ়িয়াই আনিছে।যোৰহাট চিকিৎসা মহাবিদ্যালয়ৰ এই সফলতাত যোৰহাট জিলা প্ৰশাসনৰ তৰফৰ পৰা জিলা আয়ুক্তগৰাকীয়ে সুখ্যাতিৰে উত্তীৰ্ণ হোৱা আটাইকেইগৰাকী মেধাসম্পন্ন ছাত্ৰ-ছাত্ৰীলৈ আন্তৰিক অভিনন্দন আৰু কৃতজ্ঞতা জ্ঞাপন কৰাৰ লগতে তেওঁলোকৰ উজ্জ্বল ভৱিষ্যত কামনা কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
