৪৫ বছৰে ধৰি মাত্ৰ ১০ টকাত চিকিৎসা সেৱা, নিতৌ ৩০০-৪০০ ৰোগী
মুদ্ৰাস্ফীতিৰ এই যুগত, য’ত মানুহে পানী কিনি খাব লগা হৈছে, সেই ধৰাত এগৰাকী ভগৱান সদৃশ ডাক্তৰৰ কৰ্মই সহশ্ৰজনৰ অন্তৰ চুই গৈছে। এনে পৰিস্থিতিত দৰিদ্ৰ আৰু অসহায় লোকে চিকিৎসাৰ সময়ত বহু সমস্যাৰ সন্মুখীন হ’বলগীয়া হয়। কিন্তু এনে সময়ত পৃথিৱীৰ ভগৱান বুলি কোৱা বিহাৰৰ এগৰাকী চিকিৎসকে মানৱতাৰ নিদৰ্শন দাঙি ধৰিছে। এই চিকিৎসকগৰাকীয়ে মাত্ৰ ১০ টকাৰ বিনিময়ত সম্পূৰ্ণ সেৱাৰে লোকক চিকিৎসা কৰি আছে।
ডাক্তৰ কম্পাউণ্ডাৰ গণপতি কুমাৰে জনোৱা মতে, বিহাৰৰ নালন্দা জিলাৰ অন্তৰ্গত পৰ্বলপুৰ বজাৰৰ বাসিন্দা ডাঃ ওম প্ৰকাশ আৰ্য্যই বিগত ৪৫ বছৰ ধৰি মানৱতাৰ সেৱাৰ মনোভাৱেৰে মানুহৰ চিকিৎসা কৰি আহিছে। আৰম্ভ কৰাৰ সময়ত তেওঁৰ মাচুল মাত্ৰ দুটকাহে আছিল। ইয়াৰ পিছত ৫ টকালৈ বৃদ্ধি পালে, তাৰ পিছত ৮ টকালৈ আৰু এতিয়া শেষ মাচুল ১০ টকা । সেই টকাৰেই কৰ্মচাৰী, চিকিৎসক আৰু ৰক্ষণাবেক্ষণৰ বাবে খৰচ কৰা হয়।
ডাঃ ওম প্ৰকাশ আৰ্য্যই ৰাঁচীৰ পৰা এম বি বি এছ অধ্যয়ন কৰি পঢ়া-শুনা সমাপ্ত কৰি মানৱ সেৱা হিচাপে নলন্দা জিলাৰ পৰ্বলপুৰৰ ৩৩ নং ৰাষ্ট্ৰীয় ঘাইপথৰ ভাড়াঘৰত টিনপাতৰ তলত ৰোগীক চিকিৎসা কৰি আছে। পিতৃৰ পথাকেই গ্ৰহণ কৰিছে দুই সন্তানে , পুত্ৰও সফল। প্ৰথম কন্যা স্বেতা সিংহা এগৰাকী স্ত্ৰীৰোগ বিশেষজ্ঞ, দ্বিতীয় কন্যা নেহা সিংহা এগৰাকী শিশু চিকিৎসক আৰু পুত্ৰ ৰাজীৱ ৰঞ্জন আৰ্য্য বাংগালুৰুৰ নিৰ্মাণ অভিযন্তা।
ওম প্ৰকাশ আৰ্যৰ হাস্পতালত এগৰাকী নাৰ্ছকে ধৰি মুঠ ৬ জন লোকে কাম কৰি আছে, যাৰ দৰমহা ৫,০০০ টকাকৈ।
ইয়াত ৰোগীক চেলাইন বা বেজী দিয়াৰ বাবদ ১০ টকাৰ সুকীয়া চাৰ্জ আছে, আনহাতে প্ৰায় ডেৰ ডজনমানে নাৰ্চিং ইন্টাৰশ্বিপ কৰি আছে। কেৱল এয়াই নহয়, অসহায় ৰোগীসকলকো ডাক্তৰে ঔষধ দিয়ে। ইয়াত প্ৰতিদিনে প্ৰায় ৩০০ ৰোগীৰ চিকিৎসা কৰা হয়, যিসকল ৰাজ্যৰ বিভিন্ন প্ৰান্তৰ পৰা আহে।
প্ৰতিমাহে এই ক্লিনিক চলি থকা ঠাইৰ ঘৰৰ মালিকক ৬০০০ টকা ভাড়া দিয়া হয়। গ্ৰাম্য অঞ্চলৰ অধিকাংশ লোকেই চিকিৎসাৰ বাবে ইয়ালৈ আহে। সকলো ৰোগীকে এজন এজনকৈ চিকিৎসা কৰা হয়। ইয়াৰ লগতে কোনো জৰুৰীকালীন ৰোগী আহিলে প্ৰথমে তেওঁৰ চিকিৎসা কৰা হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
