দলত স্থান পালেও প্লেয়িং ১১ ত থাকিবনে ৰিয়ান, বিশেষজ্ঞৰ মন্তব্য- সম্ভৱনা বহু কম
এইবাৰ শ্ৰীলংকা ভ্ৰমণৰ বাবে যাব লগা ভাৰতীয় ক্ৰিকেট দলৰ বাছনি দেখি বহু লোকেই অতি স্তম্ভিত হৈ পৰিছে। শ্ৰীলংকা ভ্ৰমণৰ বাবে যেতিয়া ভাৰতীয় দলটো নিৰ্বাচিত হৈছিল তেতিয়া নিশ্চিত যেন লগা কেইবাগৰাকী খেলুৱৈৰ নাম তালিকাৰ পৰা বাদ পৰিছিল। একে সময়তে টিম ইণ্ডিয়াত এনে দুখন নতুন চেহেৰা নিৰ্বাচিত হৈছিল, যাৰ বিষয়ে কোনেও ভবা নাছিল।
এই দুই নতুন চেহেৰা হৈছে ৰিয়ান পৰাগ আৰু হৰ্ষিত ৰাণা। ২৭ জুলাইৰ পৰা আৰম্ভ হ’ব ভাৰত-শ্ৰীলংকা শৃংখলা। দুয়োটা দলে প্ৰথমে ৩খন খেলৰ টি-২০ ছিৰিজ খেলিব। ইয়াৰ পিছত ২ আগষ্টৰ পৰা আৰম্ভ হ’ব এদিনীয়া শৃংখলা।
টি ২০ৰ পাছত এদিনীয়া দলতো নিৰ্বাচিত হোৱা অসমৰ প্ৰথমজন ক্ৰিকেটাৰ হৈছে ৰিয়ান পৰাগ। জিম্বাবুৱে ভ্ৰমণৰ প্ৰথম দুখন টি-২০ মেচৰ পিছত যেতিয়া ৰিয়ানক প্লেইং ১১ৰ পৰা বাদ দিয়া হৈছিল, তেতিয়া এনে লাগিছিল যেন ৰিয়ানৰ পুনৰ দললৈ ঘূৰি আহিবলৈ সময় লাগিব। কিন্তু শ্ৰীলংকা ভ্ৰমণৰ বাবে দলটো নিৰ্বাচিত হোৱাৰ সময়ত অভিষেক শৰ্মা আৰু ঋতুৰাজ গাইকোৱাদ বাহিৰ হোৱাৰ লগতে ৰিয়ান পৰাগে স্থান ৰক্ষা কৰিবলৈ সক্ষম হয়। কেৱল টি-২০তে নহয় এদিনীয়া দলতো নিৰ্বাচিত হয় ৰিয়ান। উল্লেখ্য যে এই এদিনীয়া দলত সূৰ্যকুমাৰ যাদৱ, ৰিংকু সিং আৰু ৰবীন্দ্ৰ জাডেজাইও স্থান দখল কৰিবলৈ সক্ষম হোৱা নাই।
পাছে দলত স্থান পালেও প্লেয়িং ১১ ত থাকিব নে ৰিয়ান, খেলিব পাৰিব নে খেল ! শ্ৰী লংকাৰ বিৰুদ্ধে নামিব পাৰিব নে খেলপথাৰত !
যিকোনো দলৰ প্লেয়িং ১১ হৈছে সেই দলত শ্ৰেষ্ঠ খেলুৱৈ যিয়ে ভাৰসাম্য বজাই ৰাখে। ভাৰসাম্যৰ অৰ্থ হ’ল ৫ জন বেটছমেন (উইকেটকীপাৰকে ধৰি), ৫ জন বলাৰ আৰু এজন অল ৰাউণ্ডাৰ। যদি এজনতকৈ অধিক অল-ৰাউণ্ডাৰ থাকে তেন্তে দলৰ শক্তি আৰু বৃদ্ধি পায়।
সেই হিচাপে যদি চাবলৈ যোৱা হয়, তেন্তে ভাৰতীয় দল পৰিচালনাই এই ভিত্তিত এদিনীয়া খেলৰ বাবে প্লেইং ১১ বাছনি কৰে, তেন্তে ইয়াৰ শীৰ্ষ ৫ বেটছমেন হ’ব – ৰোহিত শৰ্মা, শুভমান গিল, বিৰাট কোহলী, শ্ৰেয়াছ আয়াৰ আৰু কে এল ৰাহুল। অল ৰাউণ্ডাৰ ছয় নম্বৰত আহিব আৰু ইয়াৰ বাবে মাত্ৰ দুজন প্ৰতিদ্বন্দ্বী শিৱম ডুবে বা অক্ষৰ পেটেল।
যদি দলটোৱে বেটিং অলৰাউণ্ডাৰ শিৱম ডুবেৰ সৈতে যায়, তেন্তে তেওঁৰ পিছৰ পাঁচজন খেলুৱৈ হ’ব পাৰে – অক্ষৰ পেটেল, ৱাশ্বিংটন সুন্দৰ, কুলদীপ যাদৱ, আৰ্ছদীপ সিং আৰু মহম্মদ চিৰাজ। যদি দলটোৱে বলিং অলৰাউণ্ডাৰ অক্ষৰ পেটেলৰ সৈতে যায়, তেন্তে তেওঁৰ পিছৰ পাঁচজন খেলুৱৈ হ’ব পাৰে – ৱাশ্বিংটন সুন্দৰ, কুলদীপ যাদৱ, আৰ্ছদীপ সিং, মহম্মদ চিৰাজ আৰু নতুনকৈ স্থান পোৱা হৰ্ষিত ৰানা।
এই ক্ষেত্ৰত স্পষ্ট যে ৰিয়ান পৰাগে এদিনীয়া মেচৰ শ্ৰেষ্ঠ প্লেয়িং ১১ ত স্থান নাপাব। ঋষভ পন্তেও স্থান লাভ নকৰি বেঞ্চত বহিব লগা হব পাৰে।
সম্ভাৱ্য ১১ (এদিনীয়া) খেলা : ৰোহিত শৰ্মা (অধিনায়ক), শুভমান গিল, বিৰাট কোহলী, শ্ৰেয়াছ আয়াৰ, কে এল ৰাহুল, শিৱম ডুবে, অক্ষৰ পেটেল, ৱাশ্বিংটন সুন্দৰ, কুলদীপ যাদৱ, আৰ্শদীপ সিং, মহম্মদ চিৰাজ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
