চিনেমাত দেখা যাব নেকি বিৰাট কোহলীক ! বলীউড ডাইৰেক্টৰে ক’লে বিশেষ কথা
চিনেমাত দেখিবলৈ পোৱা যাব নেকি বিৰাট কোহলীক। খেলপথাৰত ক্ৰিকেট খেলা আৰু বিজ্ঞাপনত অভিনয় কৰা দেখাৰ পাছত এইবাৰ চিনেমাত দেখা পোৱা যাব নেকি ভাৰতৰ সুদক্ষ ক্ৰিকেটাৰগৰাকীৰ! চলচ্চিত্ৰ জগতত ক্ৰিকেটাৰ বিৰাট কোহলীক লৈ শেহতীয়াকৈ বলীউডৰ পৰিচালক মুকেশ ছাব্ৰাই দিয়া বক্তব্যই এতিয়া ছ’চিয়েল মিডিয়াত বিশেষ চৰ্চা লাভ কৰিছে। কাষ্টিং ডাইৰেক্টৰ মুকেশ ছাব্ৰাই এতিয়া ভাৰতীয় ক্ৰিকেট কিংবদন্তি বিৰাট কোহলীক ছবিত কাম কৰা সন্দৰ্ভত এটা বিবৃতি দিছে।
ক্ৰিকেটৰ বাহিৰেও বিৰাট কোহলীয়ে তেওঁৰ অভিনেতাৰ দৰে সৌন্দৰ্যৰ বাবে প্ৰায়ে বাতৰিৰ শিৰোনাম দখল কৰে, সেয়েহে বহু অনুৰাগীয়ে বিচাৰে বিৰাট কোহলীয়ে অভিনয়ৰ জগতখনতো নিজৰ প্ৰতিভা দেখুৱাওক। সেই সন্দৰ্ভত এতিয়া মুকেশ ছাব্ৰাই নিজৰ প্ৰতিক্ৰিয়া দিছে।
অৱশ্যে বলীউডৰ পৰিচালকগৰাকীয়ে বিৰাট কোহলীক ছবিত অভিনয় নকৰিবলৈ পৰামৰ্শ দিছে যদিও মুকেশেও তেওঁৰ অভিনয় দক্ষতাক প্ৰশংসা কৰিছে। ক্ৰিকেটৰ উপৰিও বিৰাট কোহলীয়ে ব্যৱসায় আৰু বিজ্ঞাপনৰ জৰিয়তে অভিনয় জগততো নাম অৰ্জন কৰিছে। তেওঁ বহু বিজ্ঞাপনত অভিনয় কৰিছে যদিও অনুৰাগীয়ে তেওঁক কেতিয়াও কোনো পূৰ্ণাংগ ছবি বা ধাৰাবাহিকত দেখা নাই।
মুকেশ ছাব্ৰাক বিৰাট কোহলীৰ অভিনয় দক্ষতাৰ বিষয়ে সোধাত তেওঁ কয় যে বিৰাট কোহলী এজন মহান অভিনেতা। কোহলীক প্ৰশংসা কৰি তেওঁ কয় যে তেওঁৰ ফিটনেছ, নৃত্যৰ দক্ষতা, কমিক টাইমিং আৰু মিমিক্ৰী, সকলো আচৰিত। লগতে ইয়াকো কয় যে এই সকলোবোৰৰ মাজতো বিৰাট কোহলী ছবিৰ মাজলৈ অহা উচিত নহয়। ছাব্ৰাৰ মতে বিৰাট চতুৰ যদিও দুষ্ট নহয়। ছাব্ৰাৰ পৰামৰ্শ যে ক্ৰিকেট কেৰিয়াৰৰ পিছতো বিৰাটে ছবিৰ পৰা আঁতৰি থাকিব লাগে।
মুকেশ ছাব্ৰাই ৫-৬ বছৰ পূৰ্বে বিৰাটক লগ পোৱাৰ লগতে বিৰাটৰ ধেমেলীয়া স্বভাৱ অনুভৱ কৰা বুলিও প্ৰকাশ কৰে। কিন্তু তেওঁ স্পষ্টকৈ কৈছিল যে চিনেমালৈ অহাটোৱে বিৰাটৰ ক্ষতি কৰিব পাৰে। ছাব্ৰাৰ এই মতামত বহু পৰিমাণে শুদ্ধ বুলি বিবেচিত হৈছে, কাৰণ বহু ক্ৰিকেটাৰে ছবিত কেৰিয়াৰ গঢ়িবলৈ চেষ্টা কৰিছে, কিন্তু সফল হোৱা নাই।
ছবিৰ কেমিঅ’ বা সৰু সৰু চৰিত্ৰৰ কথা ক’বলৈ গ’লে হৰভজন সিং, অজয়জাদেজা, শ্ৰীসন্তৰ দৰে ভাৰতীয় ক্ৰিকেটাৰে ইতিমধ্যে বহু হিন্দী ছবিত সৰু সৰু চৰিত্ৰত অভিনয় কৰিছে। অৱশ্যে প্ৰশ্ন উত্থাপন হৈছে যে বিৰাট কোহলীয়েও একে দিশত আগবাঢ়িব নেকি? ছাব্ৰাৰ পৰামৰ্শই ইংগিত দিয়ে যে বিৰাটে নিজৰ ক্ৰিকেট পৰিচয় আৰু সন্মান বজাই ৰাখি ছবিৰ পৰা আঁতৰি থাকিব লাগে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
