ADRE পৰীক্ষাৰ প্ৰৱেশৰ তালাচীত যুৱতীৰ ব্যক্তিগত অংগত হাত দিয়া কাৰ্যৰ পাছতে এতিয়া প্ৰকাশ পাব SOP, মুখ্যমন্ত্ৰীৰ ঘোষণা
কালি ১৫ ছেপ্টেম্বৰ তাৰিখে অনুষ্ঠিত হৈ যায় অসম চৰকাৰৰ তৃতীয় বৰ্গৰ প্ৰথমটো পৰীক্ষা। উচ্চ মাধ্যমিক স্তৰৰ অনুষ্ঠিত হৈ যোৱা পৰীক্ষাত কেইবালাখ ছাত্ৰ-ছাত্ৰীয়ে অৱতীৰ্ণ হয়। সুকলমে অনুষ্ঠিত হৈ যায় পৰীক্ষা।
ইয়াৰ মাজতে এটা অতি স্পৰ্শকাতৰ অভিযোগ উত্থাপন হৈছে৷ নলবাৰীৰ এটি পৰীক্ষা কেন্দ্ৰত এগৰাকী ছাত্ৰীয়ে প্ৰৱেশ কৰাৰ পূৰ্বে এগৰাকী মহিলা কনিষ্টবলে ছাত্ৰীগৰাকীৰ ব্যক্তিগত অংশত তালাচী চলোৱাৰ অভিযোগ উত্থাপন হৈছে৷ কেৱল সেইগৰাকী ছাত্ৰীয়েই নহয়, কেন্দ্ৰটোৰ সকলো ছাত্ৰীৰে সৈতে তেনে কাণ্ড সংঘটিত হোৱা বুলি অভিযোগ তোলে।
সামাজিক মাধ্যমত এটা পোষ্ট কৰি ছাত্ৰীগৰাকীয়ে সদৰি কৰে এই ঘটনাৰ বিষয়ে। পৰীক্ষা হলত প্ৰৱেশৰ পূৰ্বে শৰীৰৰ এখন এখনকৈ কাপোৰ সোলোকাই, অন্তৰ্বাস পৰ্যন্ত সোলোকাই ব্যক্তিগত অংগতো হাত দিয়ে বুলি সদৰি কৰে।
যি কাণ্ড সদৰি হোৱাৰ পাছতে সমগ্ৰ অসমজুৰি হৈ চৈ লাগি যায়। বহু লোকে এই ক্ষেত্ৰত ছাত্ৰীগৰাকীৰ লগত ঠিয় দিয়াৰ বিপাৰীতে বহু লোকে এই কাণ্ডক সমৰ্থন কৰি ছাত্ৰীগৰাকীৰ বিৰুদ্ধে মাত দিয়ে। কিন্তু অসম চৰকাৰৰ আৰক্ষীয়ে তীব্ৰ বিৰোধীতা কৰিছে এই কাণ্ডৰ।
এই কাণ্ডৰ বিষয়ে জানিব পৰাৰ লগে লগে সমগ্ৰ ঘটনাত বিশেষ তদন্তৰ নিৰ্দেশ দিছে। অসমৰ মুখ্যমন্ত্ৰী হিমন্ত বিশ্ব শৰ্মাইয়ো এই ঘটনাক নিকৃষ্টি আখ্যা দিয়ে।
মুখ্যমন্ত্ৰীয়ে কয়- বিষয়টো চিন্তনীয় আৰু সেইবাবে এই ঘটনা সন্দৰ্ভত অসম আৰক্ষীৰ সঞ্চালকপ্ৰধানৰ সৈতে কথা পাতি সমগ্ৰ ঘটনাটিৰ তদন্ত কৰিবলৈ নিৰ্দেশনা প্ৰদান কৰিছোঁ। মোৰ তথা এখন সমাজৰ বাবে আমাৰ মাতৃ-ভগ্নীসকলৰ মৰ্যাদা আৰু সন্মান সৰ্বোচ্চ গুৰুত্বপূৰ্ণ।
লগতে লক্ষিমপুৰৰ আন এক ঘটনাৰ বিষয়েও উল্লেখ কৰে মুখ্যমন্ত্ৰী শৰ্মাই। তেখেতে কয় – উত্তৰ লখিমপুৰত সংঘটিত আন এটি ঘটনাৰ বিষয়েও মোক অসম আৰক্ষীৰ সঞ্চালকপ্ৰধানে অৱগত কৰালে৷ য’ত এগৰাকী ছাত্ৰীৰ কাপোৰৰ ভিতৰৰ পৰা নকল উদ্ধাৰ কৰা হয়।
যাৰ বাবে এতিয়া অসম চৰকাৰৰ ফালৰ পৰা এক বিশেষ সিদ্ধান্ত লোৱা হৈছে। মুখ্যমন্ত্ৰীয় সামাজিক মাধ্যমত এক পোষ্টৰ জড়িয়তে সদৰি কৰা অনুসৰি অনতি পলমে প্ৰকাশ কৰিব বিশেষ SOP, পৰীক্ষা হলত প্ৰৱেশৰ নামত প্ৰকাশ পাব এই এছ অ পি।
পৰৱৰ্তী পৰ্যায়ৰ পৰীক্ষাসমূহৰ পূৰ্বে মহিলা প্ৰাৰ্থীক তালাচী চলোৱাৰ সন্দৰ্ভত মহামান্য আদালতে আগবঢ়োৱা প্ৰাসংগিক ৰায় আৰু মহিলা আয়োগৰ পৰা অহা নিৰ্দেশনাৰ প্ৰতি লক্ষ্য ৰাখি এক সঠিক এছ অ’ পি প্ৰস্তুত কৰা হ’ব বুলি উল্লেখ কৰে মুখ্যমন্ত্ৰীয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
